KƏLA RĀĀ 3:6 - Bibəl ta Sar̄

⁶ Loo ń noō tə́ Piyer ədan na: M-ə́nge gində̄ arjā̰a̰ aĺ ō, lɔ́r aĺ ō, banī yá̰á̰ ń m-ə́ngé ní ādə̄ m-ādī: Ḭ́ḭ dɔɔ́ ī-njə̄rā kə rī Jeju Kərist kə́ Najaret!

Bible sar

⁶ Loo ń noō tə́ Piyer ədan na: M-ə́nge gində̄ arjā̰a̰ aĺ ō, lɔ́r aĺ ō, banī yá̰á̰ ń m-ə́ngé ní ādə̄ m-ādī: Ḭ́ḭ dɔɔ́ ī-njə̄rā kə rī Jeju *Kərist kə́ *Najaret!

KƏLA RĀĀ 3:6 Referans Kwoze

KƏLA RĀĀ 3:16

I tām̄ taā ń jə-taā kem Jeju ní n rīn adə̄ deē ń á̰a̰niī ō, ī-ger̄niī ō toó tɔ́gə́ ní. I taā ń jə-taā kem Jeju ní n rāā adə̄ rɔ̄n ngan̄g á á̰a̰ī kə kumsí toō.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

KƏLA RĀĀ 4:10

I beé ní majə kadə̄ sḭḭ̄ malang ī-gerī ō, majə kadə̄ ngán Israel gə̄ malang gerə̄n̄ ō, kadə̄ Jeju Kərist kə́ Najaret ń ə́ndaniī kə máyá̰ tū kāgə̄ kə́ dēsə́ tə́ ní, ni ń oy tá Nə́ɓā ndólə̄n dan de kə́ koy gə̄ tə́ ní, i kə ta kūl̄ rīneé n nja de kə́ nge lígə̄rī ń ra nosí tə́ toō ndájəń ní.

KƏLA RĀĀ 9:34

Piyer ədan na: Ene, Jeju Kərist rāā adə̄ rɔ̄í ngáā kɔ̄ɔ́! Ḭ́ḭ dɔɔ́ ba ī-rāā tə̄rā toí ādə̄ majə! Anī Ene ḭḭ dɔɔ́ kə̄ ta jī tə́ beē.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

KƏLA RĀĀ 16:18

Ni-rāā yá̰á̰ ní ndɔ̄ ngá̰ý. Ta tɔ̄l̄ ta anī wōn̄g rāā Pol ngá̰ý, adə̄ ni-tūr̄ rɔ̄n ba əda ndíĺ ní kə tɔ́gɔ́ na: Ī-teē kem dəyá̰ ń toō tə́ kɔ̄ɔ́ kə rī Jeju Kərist! Anī ndíĺ ní teē kɔ̄ɔ́ kem dəyá̰ ní tə́ kə̄ ta jī tə́ noō.

MARK 16:17

Yá̰á̰ kə́ to kɔr kum gə̄ ń a ɔjən̄ kadə̄ Nə́ɓā i kə ngé taā kem gə̄ ní n toó: Nin̄ a tə̄ɓān̄ ndíĺ kə́ majaĺ gə̄ kə rīḿ ō, a ɔrə̄n̄ najə̄ kə ta kə́ kijə gə̄ ō.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

1 PIYER 4:10

Yá̰a̰ gə̄ ń Nə́ɓā adə̄ ní, sḭḭ̄ i ngé kəndā kumsí gírí majə gə̄. Adə̄ majə kadə̄ sḭḭ̄ kógə̄ḿ kógə̄ḿ ní, úniī yá̰á̰ kə́ sɔɔ̄ dɔsí sḭḭ̄ kɔ́ gə̄ ń Nə́ɓā adə̄sí ní ī-rāāīneé majə kə madə̄sí gēé.

KƏLA RĀĀ 4:7

Adə̄ reēn̄ kə Piyer ō Ja̰a̰ ō nodə́ tə́. Nin̄-dəjen̄də́ na ké rāān̄ yá̰á̰ ní i kə tɔ́gə yā náāá, aké i kə rī náāá wa.

KƏLA RĀĀ 2:22

Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

KƏLA RĀĀ 2:36

I beé ní ādə̄ ngán Israel gə̄ malang gerə̄n̄ najə̄ ń toō majə: Jeju ń ə́ndaniī kə mayá̰ tū kāgə̄ kə́ dēsə́ tə́ ní, i ni n Nə́ɓā tūrə̄n Kɔ́ɔ̄ɓē tə́ ō, Kərist tə́ ō ní.

MATIYE 10:9

Ī-lōōī kun lɔ́r, aláa gində̄ arjā̰a̰, aláa njár̄ sə́lē kem ngong nar tə́ jīsí tə́.

MATIYE 7:22

Ndɔ̄ sarya tə́ anī de gə̄ ngá̰ý a ədamə̄n̄ na: Kɔ́ɔ̄ɓē, Kɔ́ɔ̄ɓē! J-oō najə̄ ta Nə́ɓā tə́ ba j-əda de gə̄ i kə rīí aĺ a? Jə-tə̄ɓā ndíĺ kə́ majaĺ gə̄ i kə rīí aĺ a? Jə-rāā yá̰á̰ kə́ yáā gə̄ ngá̰ý i kə rīí aĺ a?

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.

JA̰A̰ 19:19

Pilatə ndang najə̄ kə́ dɔ Jeju tə́ əndā tū kāgə̄ kə́ dēsə́ ní tə́. Najə̄ ń ndang ní n toó: I Jeju kə́ Najaret, mban̄g yā Jipə gə̄.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

MARK 14:8

Dəyá̰ ń toō rāā i yá̰á̰ ń ni-asə rāā ní, kəjā ítər rɔ̄ḿ tə́ kété ta kadə̄ dubə̄mə̄n̄.

1 KORḚNTƏ 4:11

Bátə́ ɓōólaā gə̄gē ní, ɓō rāājí ō, kəndā rāājí ō, ndoō kūbə̄ rāājí ō, rāān̄jí majaĺ ngá̰ý ō, jə-dáȳ kə̄ loo gə̄ tə́ ō,

KƏLA RĀĀ 3:5

Deē ní a̰a̰də́ sew sew tɔdɔ̄ ni-əndā kemən dɔ kənge yá̰á̰ kógə̄ḿ jīdə́ tə́.

KƏLA RĀĀ 3:7

Ni-əhɔ ta jī ko̰n ba unən dɔɔ́, anī kə̄ ta jī tə́ beē njan gə̄ ō, kúkə̄lú njan gə̄ ō ngangə̄n̄.