KƏLA RĀĀ 3:22 - Bibəl ta Sar̄

²² Tɔdɔ̄ Moijə əda kété na: Kɔ́ɔ̄ɓē Nə́ɓā yāsí a əla kə nge koō ta kógə̄ḿ kə́ tītə̄ḿ mā Moijə beé yā kadə̄sí. Nge koō ta ní i deē kógə̄ḿ kə́ dan gír deē yāsí gə̄ tə́. Ā ōōī yá̰a̰ malang ń a ədasí ní.

Bible sar

²² Tɔdɔ̄ Moijə əda kété na: Kɔ́ɔ̄ɓē Nə́ɓā yāsí a əla kə *nge koō ta kógə̄ḿ kə́ tītə̄ḿ mā Moijə beé yā kadə̄sí. *Nge koō ta ní i deē kógə̄ḿ kə́ dan gír deē yāsí gə̄ tə́. Ā ōōī yá̰a̰ malang ń a ədasí ní.

KƏLA RĀĀ 3:22 Referans Kwoze

KƏLA RĀĀ 7:37

I Moijə ngeé ɓáý to̰ n əda ngán Israel gə̄ najə̄ ń toō ní, ni-ədadə́ na: Nə́ɓā a teē kə nge koō ta kógə̄ḿ kə́ tītə̄ḿ beē dan ngákó̰ó̰sí gə̄ tə́ yā kadə̄sí.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

JEJU TEĒ KUM JA̰A̰ 1:1

Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

Najə̄ kə́ Majə yā Jeju ń Luk ndang ní 24:19

Jeju tél dəjedə́ ké i yá̰á̰ rí gə̄ wa. Anī nin̄-tél ədanən̄ na: Yá̰a̰ gə̄ ń reēn̄ dɔ Jeju kə́ Najaret kə́ nge koō ta, kə́ rāā kəla kə tɔ́gɔ́ ō, ɔr̄ najə̄ kə tɔ́gɔ́ ō, ta kum Nə́ɓā tə́ ō, ta kum ngán Israel gə̄ tə́ malang ō ní, ḭ̄ ōō aĺ a?

Najə̄ kə́ Majə yā Jeju ń Luk ndang ní 13:33

Ba kə́ ɓōólaā ń toō tə́ ō, kə́ bírí tə́ ō, kə́ loo tīī kə́ rang tə́ ō ní, i gáŕ kadə̄ m-úń róbə yāḿ kə̄ noḿ tə́, tɔdɔ̄ majə kadə̄ nge koō ta oy loo kə́ rang tə́ kanjə̄ kadə̄ i Jerusalem alé.

HEBƏRO 2:1

I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

MATIYE 21:11

Anī kósə de gə̄ tūr̄ ədan̄də́ na: I Jeju nge koō ta kə́ ḭḭ Najaret, gō nang kə́ Galile tə́.