KƏLA RĀĀ 3:18 - Bibəl ta Sar̄18 Nə́ɓā əda kété kə ta kūl̄ ngé koō ta gə̄ malang na Kərist yān na a a̰a̰ tápə̄. I yá̰á̰ ń toō n ni-rāā adə̄ reē udə gírí ní. Gade chapit laBible sar18 Nə́ɓā əda kété kə ta kūl̄ *ngé koō ta gə̄ malang na *Kərist yān na a a̰a̰ tápə̄. I yá̰á̰ ń toō n ni-rāā adə̄ reē udə gírí ní. Gade chapit la |
M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.
Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.
Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.
Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.
Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.