KƏLA RĀĀ 3:13 - Bibəl ta Sar̄

¹³ Nə́ɓā yā Abəraham ō Isaak ō Jakob ō ń i Nə́ɓā yā kaají gə̄ ní, ɔsə gɔn Jeju nge kəla yān ń sḭḭ̄ ə́laniī jī de gə̄ tə́ ō, ī-mbātə́niī ta kum Pilatə tə́ dan ń Pilatə gḛy kəya̰n dɔɔ́ ní ō.

Bible sar

¹³ Nə́ɓā yā Abəraham ō Isaak ō Jakob ō ń i Nə́ɓā yā kaají gə̄ ní, ɔsə gɔn Jeju nge kəla yān ń sḭḭ̄ ə́laniī jī de gə̄ tə́ ō, ī-mbātə́niī ta kum Pilatə tə́ dan ń Pilatə gḛy kəya̰n dɔɔ́ ní ō.

KƏLA RĀĀ 3:13 Referans Kwoze

KƏLA RĀĀ 7:32

Kɔ́ɔ̄ɓē ədan na: Mā i Nə́ɓā yā kaaí gə̄, Nə́ɓā yā Abəraham ō, Isaak ō, Jakob ō. Loo ń noō tə́ Moijə ndew yakə yakə, ni-ɓōĺ ka̰a̰ yá̰á̰ ní kɔ̄ɔ́.

MATIYE 22:32

Nə́ɓā əda na: Mā i Nə́ɓā yā Abəraham ō, yā Isaak ō, yā Jakob ō. Jeju ədadə́ dɔ tə́ ɓáý to̰ na, mā i Nə́ɓā yā de gə̄ kə́ ndin̄ kə kumdə́ gə̄, ba i Nə́ɓā yā de kə́ koy gə̄ alé.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.

JA̰A̰ 19:15

Banī nin̄-unən̄ ndūdə́ kə̄ dɔɔ́ ngá̰ý ədanə̄ń na: Ādə̄ oy! Ādə̄ oy! Əndan kə máyá̰ tū kāgə̄ kə́ dēsə́ tə́! Pilatə tél ədadə́ na: Kə m-ə́nda mban̄g yāsí kə máyá̰ tū kāgə̄ kə́ dēsə́ tə́ a? Anī Ngol gə̄ kə́ dɔ ngé tun̄ yá̰a̰ gə̄ tə́ tél ədan̄ na: Jḭḭ j-aw̄ kə mban̄g kə́ rang alé, i Sejar ngóy!

JA̰A̰ 19:12

Əla gír kum mbang ngeé ń noō tə́ ní, Pilatə a sāā i ta róbə kəya̰ Jeju dɔɔ́. Banī Jipə gə̄ unən̄ ndūdə́ kə̄ dɔɔ́ ngá̰ý ədan̄neé na: Ré ə́ya̰n dɔɔ́ anī, ḭ̄ i madə̄ Sejar alé. Náā nəkɔ́ ń rāā rɔ̄n mban̄g tə́ ní, mbātə́ i Sejar wáńg.

JA̰A̰ 18:40

Loo ń noō tə́ nin̄-unən̄ ndūdə́ kə̄ dɔɔ́ ngá̰ý ədan̄ na: Ni alé, ba i Barabas tá! Tá Barabas ní kété i de kə́ nge gān̄g róbə.

Teē Ngán Israel gə̄ 3:6

Mā i Nə́ɓā yā bɔbí, Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō. Moijə ənī kūbə̄ utə̄ń ta kumən kɔ̄ɔ́ tɔdɔ̄ ni ɓōĺ ka̰a̰ Nə́ɓā.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

KƏLA RĀĀ 22:14

Ni-əda ɓáý to̰ na: Nə́ɓā yā kaají gə̄ gə̄rā əndāī dɔ jīn kadə̄ ī-ger̄ yá̰á̰ ń kemən ndigə ní ō, kadə̄ á̰a̰ nge kə́ kal kógə̄ḿ beē ń ni i de kə́ sew ní ō, kadə̄ ōō najə̄ kə́ tan tə́ ō.

JA̰A̰ 12:16

Ta kəla gíŕ tə́ ní, ngé ndóō yá̰a̰ yān gə̄ gerə̄n̄ kum yá̰á̰ ní alé. Ba dan ń ɔsən̄ gɔn Jeju oy anī, əga kemdə́ dɔ tə́ kadə̄ yá̰á̰ ń rāā yá̰á̰ ní i kə́ ndangən̄ najə̄n kem makətūbə̄ tə́ kété ɔjənə̄ń dɔn.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

Najə̄ kə́ Majə yā Jeju ń Luk ndang ní 23:4

Anī Pilatə tél əda ngol gə̄ kə́ dɔ ngé tun̄ yá̰a̰ gə̄ tə́ ō, kósə de gə̄ ō na: Mā m-ə́ngé yá̰á̰ kógə̄ḿ dɔ dəngam ń toō tə́ kə́ yā kadə̄ sarya rāānneé alé.

MARK 15:11

Banī ngol gə̄ kə́ dɔ ngé tun̄ yá̰a̰ gə̄ tə́ sə̄lān̄ kósə de gə̄ kadə̄ dəjen̄ kadə̄ Pilatə ɔr̄ Jeju dəngáyá adə̄də́ alé, ba kadə̄ ɔr̄ i Barabas tá.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

MATIYE 27:2

Nin̄-do̰ō̰nən̄ kə kəlaá ba aw̄n̄ seneé, aw̄ əlanən̄ jī Pilatə nge ko̰o̰ ɓē tə́.

MATIYE 20:19

a əlanən̄ jī de gə̄ kə́ nin̄ i Jipə aĺ gə̄ tə́ kadə̄ a mbóon̄ seneé ō, a əndanən̄ kə ndéy mərawaá ō, a əndanən̄ kə máyá̰ tū kāgə̄ kə́ dēsə́ tə́ ō, kadə̄ oy. Ba ndɔ̄ kə nge ko̰o̰ mətá anī, ni a ndól̄.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

Teē Ngán Israel gə̄ 3:13

Moijə əda Nə́ɓā na ré i beé anī na n-aw̄ rɔ̄ ngán Israel gə̄ tə́ yā kədadə́ na Nə́ɓā yā kaadə́ gə̄ na əlan kə̄ rɔ̄də́ tə́. Ba ré dəjenən̄ rī Nə́ɓā ní anī ké kə n-ədadə́ na i rí wa.

Teē Ngán Israel gə̄ 3:15

Ə́dádə́ na i Kɔ́ɔ̄ɓē Nə́ɓā yā kaadə́ gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō n əlaī rɔ̄də́ tə́ ní. Rīḿ ń a to ngándáńg kadə̄ de gə̄ a ɓāŕmə̄n̄neé kə dɔ ɓāl̄ gə̄ ní n noó.

Najə̄ kə́ Majə yā Jeju ń Luk ndang ní 6:37

Ī-gāngī sarya dɔ deē tə́ alé, anī a gāngə̄n̄ sarya dɔsí tə́ aĺ ō. Ī-gāngī dɔ madə̄sí gə̄ anī a gāngə̄n̄ dɔsí ō.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

KƏLA RĀĀ 3:12

Dan ń Piyer a̰ā̰ beé ní a əda de gə̄ na: Israel gə̄, kum nəkɔ́ ń yá̰á̰ ń toō ɔrəń kumsí ngá̰ý ní na i rí? Kum ka̰a̰ ń á̰a̰ījí tītə̄ kə́ i jḭ̄ n jə-rāā deē ń toō adə̄ njə̄rā kə ta kūl̄ tɔ́gə yājí jḭḭ kɔ́ gɔ̄ɔ́, aláa kə ta kūl̄ rāā yá̰a̰ kə gō ń Nə́ɓā yājí ndigə ní na i rí?

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

KƏLA RĀĀ 4:27

Najə̄ ní i rɔ̄kum, tɔdɔ̄ Herod ō, Po̰sə Pilatə ō, nápar de kə́ rang gə̄ ō, Israel gə̄ ō, ɓoon̄ naā kem ɓē ń toō tə́ dɔ Jeju nge kəla yāí kə́ táĺ tə́, ni ń úr yibə̄ ngār dɔn tə́ ní.

KƏLA RĀĀ 4:30

Ī-rāā ādə̄ rɔ̄ ngé mo̰y gə̄ ngáā ō, yá̰á̰ kə́ to kɔr kum gə̄ ō, kə́ yáā gə̄ ō, rāān̄ yá̰a̰ kə ta kūl̄ rī Jeju nge kəla yāí kə́ táĺ ɔ́jəń tɔ́gí kə̄ ndágá.

KƏLA RĀĀ 24:14

Ba yá̰á̰ ń m̄-ger̄ kadə̄ i rɔ̄kum ní n toó: Mā m-ún i gō róbə́ kə́ kijə ń ədan̄ na i róbə́ kə́ gōtə́ aĺ ní n m̄-rāań kəla m-ādə̄ Nə́ɓā yā kaají gə̄ ní. Banī m̄-taā kem yá̰a̰ malang ń ndangən̄ kem makətūbə̄ ndū najə̄ tə́ ō, kem makətūbə̄ yā ngé koō ta gə̄ tə́ ō ní.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

Najə̄ kə́ Majə yā Jeju ń Luk ndang ní 22:57

Ba Piyer nējə̄ kɔ̄ɔ́ əda na: Dəyá̰, m̄-gerə̄n alé.