KƏLA RĀĀ 27:1 - Bibəl ta Sar̄

¹ Dan ń unən̄ ndūdə́ yā kadə̄ j-aw̄ Itali kə to boó ní, əlan̄ Pol nin̄ kə dəngáý kə́rēý gēé jī ngol áskar gə̄ kógə̄ḿ kə́ rīn na i Julius tə́. Ni i ngol ɓūtə̄ áskar gə̄ ń a ɓārə́n̄də́ na i ngé rɔ̄ gə̄ yā Sejar ní.

Bible sar

¹ Dan ń unən̄ ndūdə́ yā kadə̄ j-aw̄ Itali kə to boó ní, əlan̄ Pol nin̄ kə dəngáý kə́rēý gēé jī ngol áskar gə̄ kógə̄ḿ kə́ rīn na i Julius tə́. Ni i ngol ɓūtə̄ áskar gə̄ ń a ɓārə́n̄də́ na i ngé rɔ̄ gə̄ yā *Sejar ní.

KƏLA RĀĀ 27:1 Referans Kwoze

KƏLA RĀĀ 25:25

Mā tā a m-á̰a̰ kadə̄ ni-rāā yá̰á̰ kógə̄ḿ kə́ asə kadə̄ oyń alé. Ba dan ń nəkɔ́ gḛy kaw̄ kə sarya yānneé rɔ̄ Sejar tə́ ní, m̄-ndigə kəla seneé rɔ̄n tə́.

KƏLA RĀĀ 25:12

Loo ń noō tə́, dan ń Pestus a̰a̰n̄ najə̄ ní naā tə́ kə ngé kadə̄n kɔjə gēé oy anī, tél əda Pol na: Ī-gḛy kaw̄ń rɔ̄ Sejar tə́ ɓá ní, ā āw̄ rɔ̄ Sejar tə́ tā.

KƏLA RĀĀ 10:1

Dəngam kógə̄ḿ kə́ rīn na i Kɔrney ndi kem ɓē kə́ Sejare tə́. Ni i ngol áskar gə̄, ba a ɓārə́n̄ ɓūtə̄ áskar yān gə̄ na i kə́ Itali tə́ gə̄.

KƏLA RĀĀ 27:11

Banī ngol áskar gə̄ taā kem najə̄ kɔr̄ nge nēl̄ to bo ō, kɔ́ɔ̄ to bo ō, tɔȳ najə̄ kɔr̄ Pol.

KƏLA RĀĀ 18:2

Ni-ənge Jipə kógə̄ḿ kə́ ojənən̄ dɔ nang kə́ Po̰o̰ tə́ kem ɓē ní tə́, rīn na i Akilas. Jipə ní ḭḭ dɔ nang kə́ Itali tə́ reē ugə̄ i ngɔr ɓáý nin̄ kə nə̄yá̰n Pərisil, tɔdɔ̄ Kəlodə nge ko̰o̰ ɓē adə̄ ndūn kadə̄ Jipə gə̄ malang teēn̄ kɔ̄ɔ́ kem ɓē kə́ Rom tə́. Pol aw̄ əngedə́, adə̄ ndi sedə́ ō, rāā kəla sedə́ ō,

HEBƏRO 13:24

Ī-rāāī nge kɔr no ngé kán̄ naā gə̄ malang lápə́ya ō, de gə̄ yā Nə́ɓā malang lápə́ya ō. Ngé kə́ Itali tə́ gə̄ rāān̄sí lápə́ya ō.

KƏLA RĀĀ 28:16

Dan ń j-ugə̄ Rom anī, adə̄n̄ Pol ndūdə́ kadə̄ ndi kem kújə yān tə́ kə kérneé naā tə́ kə áskar ń əndānən̄ tan tə́ ní.

KƏLA RĀĀ 27:43

Banī ngol áskar gə̄ gḛy kajə Pol, adə̄ mbātə́ gōdə́ tə́. Ni-adə̄ ndūn kadə̄ ngé gə̄ ń gerə̄n̄ kal man̄ ní kə tə́sōn̄ maná kété kə aw̄n̄ ndágá,

KƏLA RĀĀ 27:6

Ngol áskar gə̄ ənge too bo kógə̄ḿ kə́ Aleksandəri kə́ a aw̄ i kə̄ Itali loo ngeé ń noō tə́ anī, adə̄ j-al̄ kemeé.

KƏLA RĀĀ 24:23

Ni-adə̄ ndūn ngol áskar gə̄ na kə ngɔ̄m̄ Pol dəngáyá, ba kə lōō kəndā dɔn tə́ ō, kə lōō kɔgə̄ deē yān gə̄ rāā seneé ō.

KƏLA RĀĀ 23:17

Pol ɓāŕ ngol áskar gə̄ kógə̄ḿ ba ədan na kə aw̄ kə balsáá ní rɔ̄ ngol áskar gə̄ kə́ bo tə́ na aw̄ kə najá yā kədan.

KƏLA RĀĀ 23:11

Teē ndɔ̄ kə́ noō tə́ ndɔ̄ɔ́ anī, Kɔ́ɔ̄ɓē ndɔ̄bə̄ Pol ba ədan na: Ə́hɔ rɔ̄í tɔgə, na tītə̄ ń ə́dań najə̄ kə́ kum tə́ dɔḿ tə́ kem ɓē kə́ Jerusalem tə́ ní, majə kadə̄ ī-rāā tītə̄ ń noō kem ɓē kə́ Rom tə́ ō.

KƏLA RĀĀ 22:26

Dan ń ngol áskar gə̄ kə́ gō nge kə́ bo tə́ oō beé anī, aw̄ dəje ngolən kə́ bo ní na: Ī-sāā ī-rāā rí? Deē ní i ngōn̄ nge ɓē kə́ Rom!

KƏLA RĀĀ 21:32

Anī kə̄ ta jī tə́ noō ni ɔy ngol áskar gə̄ ō, áskar gə̄ ō ba a̰ȳ ngɔ̄də̄ kum kə̄ dɔ kósə de gə̄ tə́. Dan ń nin̄-a̰a̰n̄ ngol áskar gə̄ kə́ bo ō, áskar gə̄ ō anī asədə́ tə̄ndā Pol.

KƏLA RĀĀ 19:21

Gō yá̰a̰ gə̄ ń noō ń rāān̄ yá̰á̰ tə́ ní, Pol ɔjə gír̄ teē gō nang kə́ Masedəwan tə́ ō, gō nang kə́ Akayi tə́ ō, yā kaw̄ń kə̄ Jerusalem, ni-əda na: Ré m-ūgə̄ nú anī, majə kadə̄ m-á̰a̰ ɓē kə́ Rom ō.

KƏLA RĀĀ 16:10

Gō yá̰a̰ ń noō ń ndɔ̄bə̄ Pol tə́ ní, kə̄ ta jī tə́ noō jə-sāā kaw̄ Masedəwan, tām̄ jə-ger̄ majə ngá̰ý kadə̄ Nə́ɓā ɓāŕjí i kadə̄ j-aw̄ j-ɔjə de kə́ gō nang ngeé ń noō tə́ gə̄ Najə̄ kə́ Majə.

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

Najə̄ kə́ Majə yā Jeju ń Luk ndang ní 23:47

Loo ń ngol áskar gə̄ a̰a̰ yá̰a̰ gə̄ ń toō beé ní, a ɔsə gɔn Nə́ɓā, əda na: Rɔ̄kum, deē ń toō i de kə́ súmūú!

Najə̄ kə́ Majə yā Jeju ń Luk ndang ní 7:2

Anī ngol áskar kə́ ɓú gə̄ kógə̄ḿ ndi kem ɓē ní tə́. Ni-aw̄ kə nge kəla yān kógə̄ḿ kə́ ni-tárən ngá̰ý, banī nge kəla ní əsō mo̰y kógə̄ḿ kə́ na̰y i sḛ́ý a oy.

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

NŌŌ RƆ̄ 3:27

Majə kadə̄ deē əla gír kəla dɔn gír njúkə tə́ i dan balsáan tə́.

Gōsə̄ najə̄ gə̄ 19:21

Yá̰a̰ gə̄ ń deē núm̄ kemən tə́ yā rāā ní i ngá̰ý, banī i yá̰á̰ ń kem Kɔ́ɔ̄ɓē gḛy rāā ní ngóy n a udə gírí ní.

PĀ GƏ̄ 76:10

dan ń ḭ́ḭ dɔɔ́ yā gān̄g sarya, yā kajə de kə́ dɔ nang tə́ gə̄ malang ń télən̄ kə rɔ̄də́ kə̄ nang tə́ ní.

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

TA KƏLA 50:20

Nin̄ na númə̄n̄ rāān yá̰á̰ kə́ majaĺ ɓá tā ba Nə́ɓā na tūr̄ gír̄ yá̰á̰ kə́ majaĺ ní adə̄ na téĺ yá̰á̰ kə́ majə, adə̄ ɓōólaā na ajə gír de kə́ ngá̰ý gə̄ tītə̄ ń nin̄ kɔ́ gə̄ na a̰a̰nə̄ń noō.

KƏLA RĀĀ 28:1

Dan ń jə-teē ta yo tə́ anī, j-oō kadə̄ rī dor̄ ní na i Maltə.