KƏLA RĀĀ 26:9 - Bibəl ta Sar̄

⁹ Mā nəkɔ́ ń toō ní, kété m̄-gír̄ kemḿ tə́ m-ə́da na majə kadə̄ m̄-rāā yá̰a̰ malang ń tɔ́gə́ḿ asə ní kadə̄ m̄-nujəń rī Jeju kə́ Najaret kɔ̄ɔ́.

Bible sar

⁹ Mā nəkɔ́ ń toō ní, kété m̄-gír̄ kemḿ tə́ m-ə́da na majə kadə̄ m̄-rāā yá̰a̰ malang ń tɔ́gə́ḿ asə ní kadə̄ m̄-nujəń rī Jeju kə́ *Najaret kɔ̄ɔ́.

KƏLA RĀĀ 26:9 Referans Kwoze

1 TIMOTE 1:13

Mā ń kété m̄-ndájə̄ najə̄ dɔn tə́ ō, m̄-rāā kumən ndoō tə́ ō, m̄-rāān majaĺ ngá̰ý ō ní. Banī Nə́ɓā a̰a̰ kum tō ndoō yāḿ, tām̄ dan ń noō tə́ ní, m̄-taā kem Kərist alé. Tɔdɔ̄ m̄-rāā yá̰a̰ i kə́ de kə́ ger̄ yá̰a̰ aĺ tə́.

KƏLA RĀĀ 22:8

m̄-tél m-ə́dan na: I ḭ̄ náā, Kɔ́ɔ̄ɓē? Ndū deē ní tél ədam̄ na: I mā Jeju kə́ Najaret ń ā ī-rāām̄ ndoō tə́ ní.

PILIPƏ 3:6

Kə́ ɔjə dɔ ko̰o̰ kə́ o̰o̰ deē tɔdɔ̄ Nə́ɓā tə́ ɓáa, mā i de kə́ o̰o̰m̄ tɔdɔ̄ Nə́ɓā ngá̰ý, adə̄ m̄-rāā Egəlijə yā Jeju Kərist ndoō tə́. Kə́ ɔjə dɔ rāā yá̰á̰ kə́ ndū najə̄ əda tə́ yā kadə̄ deē téləń de kə́ nge rāā yá̰á̰ kə́ gōtə́ ɓáa, najə̄ kə́ yā kadə̄ deē əda dɔḿ tə́ loon tə́ gətóo.

Makətūbə̄ ń Pol ndang adə̄ Rom gə̄ ní 10:2

O̰o̰də́ tɔdɔ̄ Nə́ɓā ngá̰ý adə̄ mā i de kə́ kum tə́ yādə́ najə̄n tə́. Banī ko̰o̰ ń o̰o̰də́ tɔdɔ̄ Nə́ɓā ní i kanjə̄ ger̄ yá̰a̰.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

KƏLA RĀĀ 9:16

Mə̄kɔ́ m-ā m-ɔ́jən yá̰á̰ kə́ tōr̄ gə̄ malang ń kadə̄ a rāān tām̄ yā rīḿ tə́ ní.

KƏLA RĀĀ 3:6

Loo ń noō tə́ Piyer ədan na: M-ə́nge gində̄ arjā̰a̰ aĺ ō, lɔ́r aĺ ō, banī yá̰á̰ ń m-ə́ngé ní ādə̄ m-ādī: Ḭ́ḭ dɔɔ́ ī-njə̄rā kə rī Jeju Kərist kə́ Najaret!

JA̰A̰ 15:21

Ba nin̄ a rāān̄sí yá̰a̰ gə̄ ń toō malang i najə̄ yāḿ mā tə́, tɔdɔ̄ nin̄-gerə̄n̄ nge ń əlam̄ ní alé.

KƏLA RĀĀ 3:17

Ba ngɔlaā ní ngákó̰ó̰ḿ gə̄, m̄-ger̄ kadə̄ i gō ger̄ aĺ tə́ n sḭḭ̄ gə̄gē, ngār yāsí gə̄ gə̄gē ī-rāāīneé yá̰á̰ ń toō ní.

KƏLA RĀĀ 9:1

Dan ngeé ń noō tə́ ní, najə̄ yā ka̰ȳ ndíĺ ngé ndóō yá̰a̰ gə̄ yā Kɔ́ɔ̄ɓē ō, najə̄ yā tɔ̄l̄də́ ō, teē dɔ Sol tə́ alé.

KƏLA RĀĀ 22:3

Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

KƏLA RĀĀ 22:4

Ngé gə̄ ń unən̄ gō róbə yā Kɔ́ɔ̄ɓē ń toō ní, m̄-rāādə́ ndoō tə́ ngá̰ý bátə́ adə̄ oyn̄. M-ə́hɔ dəngam gə̄ ō, dəyá̰ gə̄ ō m̄-ɓōkə́də́ dəngáyá.

NGÉ SARYA 6:30

Tā anī ədan̄ Yoas na: Ī-teē kə ngōnīí ndágá ādə̄ yā tɔ̄lən, tɔdɔ̄ ni nujə loo tun̄ yá̰a̰ yā ɓesə̄ Baal kɔ̄ɔ́ ō, tə́gā kāgə̄ ɓesə̄ kə́ yā ɓōĺ gidə kə́ kudə kadə tə́ kɔ̄ɔ́ ō.