KƏLA RĀĀ 26:8 - Bibəl ta Sar̄

⁸ Kadə̄ Nə́ɓā ndól̄ de kə́ koy gə̄ ní, de kə́rēý gə̄ dansí tə́ a̰a̰n̄ kadə̄ i yá̰á̰ kə́ to taā kem aĺ i najə̄ rí tə́?

Bible sar

⁸ Kadə̄ Nə́ɓā ndól̄ de kə́ koy gə̄ ní, de kə́rēý gə̄ dansí tə́ a̰a̰n̄ kadə̄ i yá̰á̰ kə́ to taā kem aĺ i najə̄ rí tə́?

KƏLA RĀĀ 26:8 Referans Kwoze

KƏLA RĀĀ 4:2

Kɔjə ń ngámbang kəla kə́ jōó gə̄ ń toō ra a ɔjən̄ de gə̄ yá̰a̰ ō, ra a ədan̄ de gə̄ na Jeju ń oy ní na ndól̄ kɔ̄ɔ́ ō ní tōr̄də́ ngá̰ý. Tām̄ ré nin̄-ədan̄ beé anī kumən na de gə̄ ń oyn̄ ní na a ndólə̄n̄ rɔ̄kum.

PILIPƏ 3:21

Ni a tūr̄ rɔ̄jí kə́ dɔ nang tə́ kə́ to rɔ̄ tō ndoō ń toō kɔ̄ɔ́, kadə̄ tél to tītə̄ rɔ̄n nəkɔ́ ń i rɔ̄ kə́ to kɔsə gɔn ní. Ni a rāā nge ń noō i kə tɔ́gə́ ń ni a əlań dɔ yá̰a̰ malang gíŕ tɔ́gə yān tə́ ní.

Najə̄ kə́ Majə yā Jeju ń Luk ndang ní 18:27

Anī Jeju əda na: A dum̄ de gə̄ banī yá̰á̰ kə́ dum̄ Nə́ɓā gətóo.

KƏLA RĀĀ 25:19

Ba nējə̄n̄ i naā najə̄ seneé dɔ ndɔ̄ȳ Nə́ɓā yādə́ tə́ ō, dɔ de kə́rēý kə́ rīn na i Jeju tə́ kə́ oy kɔ̄ɔ́ tə́ ba tām̄ yā Pol tə́ ɓáa ni na ndi kə kumneé tə́ ō ngóy.

KƏLA RĀĀ 23:6

Pol ger̄ kadə̄ dan de gə̄ ń kánə̄n̄ naā á ndin̄ tə́ ní, dām̄ kógə̄ḿ gə̄ i Sadusiyḛ gə̄ ō, dām̄ kə́rēý gə̄ i Parijiyḛ gə̄ ō, adə̄ ni-əga kɔŕ ədań ngé sarya gə̄ na: Ngákó̰ó̰ḿ gə̄, mā i Parijiyḛ ō, mā i ngōn̄ kem de kə́ ni i Parijiyḛ ō! I tām̄ yā yá̰á̰ ń j-əndāī kemjí dɔ tə́ ní, adə̄ i tām̄ yā ndól̄ kə́ de kə́ koy gə̄ a ndólə̄n̄ tə́ n reēn̄neé seḿ loo sarya tə́ yā rāā sarya seḿ ní.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

Najə̄ kə́ Majə yā Jeju ń Luk ndang ní 1:37

Tɔdɔ̄ yá̰á̰ kə́ dum̄ Nə́ɓā gətóo.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.