KƏLA RĀĀ 26:5 - Bibəl ta Sar̄

⁵ Nin̄-ger̄mə̄n̄ i jóo, adə̄ ré ndigən̄ ɓáa asən̄ kəda najə̄ kə́ kum tə́ dɔḿ tə́ karī. Tɔdɔ̄ mā i Parijiyḛ, adə̄ i gír ɓūtə̄ kógə̄ḿ kə́ loo rāā kəla kadə̄ Nə́ɓā yādə́ ngan̄g ngá̰ý.

Bible sar

⁵ Nin̄-ger̄mə̄n̄ i jóo, adə̄ ré ndigən̄ ɓáa asən̄ kəda najə̄ kə́ kum tə́ dɔḿ tə́ karī. Tɔdɔ̄ mā i *Parijiyḛ, adə̄ i gír ɓūtə̄ kógə̄ḿ kə́ loo rāā kəla kadə̄ Nə́ɓā yādə́ ngan̄g ngá̰ý.

KƏLA RĀĀ 26:5 Referans Kwoze

KƏLA RĀĀ 23:6

Pol ger̄ kadə̄ dan de gə̄ ń kánə̄n̄ naā á ndin̄ tə́ ní, dām̄ kógə̄ḿ gə̄ i Sadusiyḛ gə̄ ō, dām̄ kə́rēý gə̄ i Parijiyḛ gə̄ ō, adə̄ ni-əga kɔŕ ədań ngé sarya gə̄ na: Ngákó̰ó̰ḿ gə̄, mā i Parijiyḛ ō, mā i ngōn̄ kem de kə́ ni i Parijiyḛ ō! I tām̄ yā yá̰á̰ ń j-əndāī kemjí dɔ tə́ ní, adə̄ i tām̄ yā ndól̄ kə́ de kə́ koy gə̄ a ndólə̄n̄ tə́ n reēn̄neé seḿ loo sarya tə́ yā rāā sarya seḿ ní.

KƏLA RĀĀ 22:3

Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

KƏLA RĀĀ 22:5

Ngol ngé tun̄ yá̰a̰ gə̄ ō, kum kɔɔ̄ gə̄ malang ō, asən̄ ndigə gōḿ tə́ kadə̄ m-ə́da i najə̄ kə́ rɔ̄kum. m̄-taā makətūbə̄ i jīdə́ nin̄ kɔ́ gə̄ tə́ yā kaw̄ń kadə̄ ngákó̰ó̰jí Jipə gə̄ kə́ Damas tə́ ní. Adə̄ m-ḭ́ḭ m-ā m-āwń i kə̄ Damas, yā kaw̄ kəhɔń ngé taā kem gə̄ ń ndin̄ noó ní yā reē sedə́ Jerusalem, kadə̄ rāān̄də́ yá̰á̰ kə́ tōr̄.

KƏLA RĀĀ 24:14

Ba yá̰á̰ ń m̄-ger̄ kadə̄ i rɔ̄kum ní n toó: Mā m-ún i gō róbə́ kə́ kijə ń ədan̄ na i róbə́ kə́ gōtə́ aĺ ní n m̄-rāań kəla m-ādə̄ Nə́ɓā yā kaají gə̄ ní. Banī m̄-taā kem yá̰a̰ malang ń ndangən̄ kem makətūbə̄ ndū najə̄ tə́ ō, kem makətūbə̄ yā ngé koō ta gə̄ tə́ ō ní.

KƏLA RĀĀ 15:5

Banī ngé taā kem kə́rēý gə̄ kə́ teēn̄ i dan ngé ndóō yá̰a̰ yā Parijiyḛ gə̄ tə́ ḭḭn̄ dɔɔ́ ba ədan̄ na, i gáŕ kadə̄ əjan̄ mɔtə de gə̄ ń i Jipə aĺ gə̄ ní ō, kadə̄ ədan̄də́ kadə̄ ngɔ̄mə̄n̄ ndū najə̄ yā Moijə ō.