KƏLA RĀĀ 26:16 - Bibəl ta Sar̄

¹⁶ Ba ḭ́ḭ ī-ra kə njaí dɔɔ́. m̄-ndɔ̄bī i yā kadə̄ m̄-rāāī nge kəla yāḿ tə́. Ā ī-tél de kə́ kum tə́ yāḿ, kadə̄ ɔ́jə loo ka̰a̰ ń á̰a̰m̄ ɓōólaā ní ō, kadə̄ ā ə́dá yá̰a̰ gə̄ ń m-ā m-ɔ́jiī ɓáý kadə̄ á̰a̰ā̰ ní ō.

Bible sar

¹⁶ Ba ḭ́ḭ ī-ra kə njaí dɔɔ́. m̄-ndɔ̄bī i yā kadə̄ m̄-rāāī nge kəla yāḿ tə́. Ā ī-tél de kə́ kum tə́ yāḿ, kadə̄ ɔ́jə loo ka̰a̰ ń á̰a̰m̄ ɓōólaā ní ō, kadə̄ ā ə́dá yá̰a̰ gə̄ ń m-ā m-ɔ́jiī ɓáý kadə̄ á̰a̰ā̰ ní ō.

KƏLA RĀĀ 26:16 Referans Kwoze

DANIEL 10:11

Ba deē ní ədam̄ na: Daniel, kó tár yā Nə́ɓā, ə́hɔ rɔ̄í tɔgə ba ī-nāā ger̄ kum najə̄ gə̄ ń m-ā m-ɔ̄r̄ seí ní. Ḭ́ḭ ī-ra dɔɔ́, tɔdɔ̄ ngɔlaā ní əlamə̄n̄ i rɔ̄í tə́. Dan ń m-ōō beé anī m-ḭ́ḭ m̄-ra dɔɔ́, banī m̄-ndebə ngá̰ý ɓáý.

EJEKIEL 2:1

Ni ədam̄ na: Ḭ̄ ngōn̄ deē, ḭ́ḭ ī-ra dɔɔ́, tɔdɔ̄ m-ā m-ɔ̄r̄ najə̄ seí.

1 TIMOTE 1:12

m̄-ndadə̄ Kɔ́ɔ̄ɓē Kərist Jeju nge kadə̄m̄ tɔ́gə, tām̄ ni-a̰a̰ kadə̄ m-ásə kadə̄ ni-ənī kemən adə̄m̄, adə̄ unəm̄ kəla yān tə́.

GALATƏ 1:12

Tá i deē n ɔjəm̄ aĺ ō, ndóōm̄ aĺ ō, ba i Jeju Kərist nəkɔ́ n teē kumḿ dɔ tə́ ní.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

KOLOSƏ 1:25

Mā m̄-tél nge kəla yā ngé kán̄ naā gə̄, i kadə̄ m̄-rāā kəla ń Nə́ɓā mērə̄m̄ rāā ní. I kadə̄ m-ɔ́jə́sí najə̄ yā Nə́ɓā malang kə taá.

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

GALATƏ 2:2

Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

KƏLA RĀĀ 23:11

Teē ndɔ̄ kə́ noō tə́ ndɔ̄ɔ́ anī, Kɔ́ɔ̄ɓē ndɔ̄bə̄ Pol ba ədan na: Ə́hɔ rɔ̄í tɔgə, na tītə̄ ń ə́dań najə̄ kə́ kum tə́ dɔḿ tə́ kem ɓē kə́ Jerusalem tə́ ní, majə kadə̄ ī-rāā tītə̄ ń noō kem ɓē kə́ Rom tə́ ō.

2 TIMOTE 4:5

Ba ḭ̄ tā a ə́hɔ rɔ̄í dɔ yá̰a̰ gə̄ tə́ malang. Ī-tə́gā taí dan tápə̄ gə̄ tə́. Ī-rāā kəla kɔjə Najə̄ kə́ Majə, kəla ń Nə́ɓā adī ní.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

1 TESALONIK 3:2

ba ngōkó̰ó̰jí Timote ń i nge rāā kəla naā tə́ kə Nə́ɓāá loo kɔjə Najə̄ kə́ Majə yā Kərist tə́ ní, j-əlan kadə̄ aw̄ mbūsə̄sí ō, adə̄sí tɔ́gə loo taā kem yāsí tə́ ō.

KOLOSƏ 1:7

I Epapəras kó tár yājí kə́ nge kəla madə̄jí n ndóōsí yá̰a̰ ngeé ń toō ní. Ni-rāā kəla yāsí i kə́ loo de kə́ bo kə́ nge ra dɔ ndūn tə́ yā Kərist tə́.

2 KORḚNTƏ 5:18

Ba yá̰a̰ gə̄ ń toō malang teēn̄ i rɔ̄ Nə́ɓā ń əndājí naā tə́ seneé kə ta kūl̄ Kərist ō, adə̄jí kəla kəndā de gə̄ naā tə́ seneé ō ní.

2 KORḚNTƏ 4:1

Nə́ɓā a̰a̰ kum tō ndoō yājí, adə̄ ni-adə̄jí kəla ń toō. I tām̄ najə̄ ń noō tə́ n tɔ́gə́jí urə̄ń wak aĺ ní.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

KƏLA RĀĀ 22:10

Loo ń noō tə́ m̄-dəje najə̄ m-ə́da na: Kə m̄-rāā i rí tā Kɔ́ɔ̄ɓē? Anī Kɔ́ɔ̄ɓē tél ədam̄ na: Ḭ́ḭ dɔɔ́ āw̄ Damas. Tɔdɔ̄ i Damas n a ədanī yá̰a̰ malang ń kadə̄ ā ī-rāā ní.

KƏLA RĀĀ 21:19

Dan ń ni rāādə́ lápə́ya oy anī, ɔjədə́ gotə yá̰a̰ gə̄ ń Nə́ɓā rāā dan de gə̄ kə́ nin̄ i Jipə aĺ gə̄ tə́ kə ta kūl̄ kəla yān nəkɔ́ Poló ní kə ta njaá.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

KƏLA RĀĀ 6:4

Ba jḭḭ ta anī j-a j-əndā rɔ̄jí ta kəla ndɔ̄ȳ tə́ ō, ta kəla kɔjə najə̄ tə́ ō.

KƏLA RĀĀ 1:25

kadə̄ un gotə Judas kem kəla ngōmbang kəla ń ni-əya̰ kɔ̄ɔ́ ba aw̄ń loo yān tə́ ní.

KƏLA RĀĀ 1:17

Ni i de kə́ kem ɓūtə̄ yājí tə́ ō, kəla ń jə-rāāī ní ənge núsən yān kə́ sɔɔ̄ dɔn ō.

Najə̄ kə́ Majə yā Jeju ń Luk ndang ní 1:2

Ndangən̄ i kə gō ń ngé ka̰a̰ kə kumdə́ gə̄ ənīn̄neé gotə adə̄n̄jí ní. Ngé ka̰a̰ kə kumdə́ gə̄ ní télən̄ i ngé kɔjə najə̄ kə́ bo gə̄ yā Nə́ɓā.

KƏLA RĀĀ 26:15

Mā m̄-tél m̄-dəjen najə̄ m-ə́da na: Ḭ̄ i náā Kɔ́ɔ̄ɓē? Anī Kɔ́ɔ̄ɓē tél ədam̄ na: Mā i Jeju ń ā ī-rāām̄ ndoō tə́ ní.

EPEJƏ 3:3

Nə́ɓā teē kumḿ dɔ yá̰á̰ kə́ to loo mundə̄ tə́ ń ni-núm̄ rāā tə́ ní. m̄-ndang najə̄ kə́ dɔ yá̰á̰ ní tə́ sḛ́ý m-ādə̄sí kété.