KƏLA RĀĀ 26:12 - Bibəl ta Sar̄

¹² I beé n ngol gə̄ kə́ dɔ ngé tun̄ yá̰a̰ gə̄ tə́ əya̰n̄neé yá̰a̰ gə̄ gír jīḿ tə́ ō, əlamə̄n̄neé kə̄ Damas ō ní.

Bible sar

¹² I beé n ngol gə̄ kə́ dɔ *ngé tun̄ yá̰a̰ gə̄ tə́ əya̰n̄neé yá̰a̰ gə̄ gír jīḿ tə́ ō, əlamə̄n̄neé kə̄ Damas ō ní.

KƏLA RĀĀ 26:12 Referans Kwoze

KƏLA RĀĀ 26:10

Adə̄ m̄-rāā yá̰á̰ ní kem ɓē kə́ Jerusalem tə́. Ngol gə̄ kə́ dɔ ngé tun̄ yá̰a̰ gə̄ tə́ adə̄mə̄n̄ ta róbə, adə̄ m-ə́wá ngé taā kem gə̄ ngá̰ý m̄-ɓōkə́də́ dəngáyá. Tá dan ń a tɔ̄lə̄n̄də́ ní, mā m̄-ndigə najə̄ gō ngé tɔ̄l̄də́ gə̄ tə́ ō.

JA̰A̰ 11:57

Ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, ədan̄ de gə̄ kadə̄ ré de kə́rēý ger̄ loo ń Jeju i tū tə́ ní anī, kə ɔjə gōn kadə̄ kə n-əhɔnən̄.

JEREMI 26:8

Dan ń Jeremi ɔr̄ najə̄ ń Kɔ́ɔ̄ɓē ədan kadə̄ əda de gə̄ malang kə́ kem ɓēé ní gír gān̄g anī, ngé tun̄ yá̰a̰ gə̄ ō, ngé koō ta gə̄ ō, de kə́ kem ɓēé gə̄ ō, əhɔn̄ Jeremi ba ədanən̄ na: I ḭ̄kɔ́ n ī-ndigə koy ní.

IJAI 10:1

I yá̰á̰ kə́ to kum kaȳ aĺ kə́ ba̰ý beē tām̄ yā ngé kəndā ndū najə̄ kə́ gōtə́ aĺ gə̄ tə́, tām̄ yā ngé ndang ndū najə̄ gə̄ kə́ a rāān̄ madə̄də́ gə̄ tə́ adə̄ a̰a̰n̄ tápə̄ tə́!

KƏLA RĀĀ 26:13

Mban̄g Agəripa, mā i dɔ róbə́ tə́ ō, loo i dan kadə ndaá ō, ba m-á̰a̰ loo kə́ unjə̄ kow tɔȳ mbang, teē dɔ rā̰ tə́ ba unjə̄ gīr̄ dɔḿ ō, unjə̄ gīr̄ dɔ ngé gə̄ ń nin̄ i seḿ dɔ róbə mbā tə́ ní ō.

1 KORḚNTƏ 15:8

Ta tɔ̄l̄ ta anī, mā ń m̄-to i tītə̄ ngōn̄ kə́ ndɔ̄ kojən na̰y ɓáý ba ojənən̄ ní, ni teē hɔy kə̄ rɔ̄ḿ tə́ gōdə́ nin̄ malang tə́ ō.