KƏLA RĀĀ 26:10 - Bibəl ta Sar̄

¹⁰ Adə̄ m̄-rāā yá̰á̰ ní kem ɓē kə́ Jerusalem tə́. Ngol gə̄ kə́ dɔ ngé tun̄ yá̰a̰ gə̄ tə́ adə̄mə̄n̄ ta róbə, adə̄ m-ə́wá ngé taā kem gə̄ ngá̰ý m̄-ɓōkə́də́ dəngáyá. Tá dan ń a tɔ̄lə̄n̄də́ ní, mā m̄-ndigə najə̄ gō ngé tɔ̄l̄də́ gə̄ tə́ ō.

Bible sar

¹⁰ Adə̄ m̄-rāā yá̰á̰ ní kem ɓē kə́ *Jerusalem tə́. Ngol gə̄ kə́ dɔ *ngé tun̄ yá̰a̰ gə̄ tə́ adə̄mə̄n̄ ta róbə, adə̄ m-ə́wá ngé taā kem gə̄ ngá̰ý m̄-ɓōkə́də́ dəngáyá. Tá dan ń a tɔ̄lə̄n̄də́ ní, mā m̄-ndigə najə̄ gō ngé tɔ̄l̄də́ gə̄ tə́ ō.

KƏLA RĀĀ 26:10 Referans Kwoze

KƏLA RĀĀ 8:3

Ba Sol əhɔ rɔ̄n tɔgə a sāā loo nujə Egəlijə kɔ̄ɔ́. Ni túdə̄ kə̄ kem kújə gə̄ tə́, ndɔ́r̄ dəngam gə̄ ō dəyá̰ gə̄ ō kə̄ ndágá ba ɓōkə́də́ dəngáyá.

KƏLA RĀĀ 9:21

De gə̄ malang ń oōn̄ najə̄ kɔrə̄n ní ɔr kumdə́ ngá̰ý, adə̄ ədan̄ na: I deē ń toō n i nge rāā ngé ɓāŕ rī Jeju gə̄ ndoō tə́ ngá̰ý kem ɓē kə́ Jerusalem tə́ ní aĺ a? Tá reē laā i tṵ́ṵ̄də́ tə́ kə kəlaá yā kaw̄ sedə́ rɔ̄ ngol gə̄ kə́ dɔ ngé tun̄ yá̰a̰ gə̄ tə́ tə́ aĺ a?

1 KORḚNTƏ 15:9

Tɔdɔ̄ mā i kə́ dūú ngá̰ý dan ngaḿbang kəla gə̄ tə́ malang. Kə́ rɔ̄kum tə́ ɓáa m-ásə kadə̄ ɓāŕmə̄n̄ ngōmbang kəla alé, tɔdɔ̄ m̄-rāā Egəlijə yā Nə́ɓā yá̰á̰ kə́ tōr̄.

KƏLA RĀĀ 9:26

Dan ń Sol ugə̄ kem ɓē kə́ Jerusalem tə́ ní a, sāā ɓoo rɔ̄n tū yā ngé ndóō yá̰a̰ gə̄ tə́, banī de gə̄ malang ɓōĺnən̄ kɔ̄ɔ́, tɔdɔ̄ nin̄-taān̄ kem kadə̄ ni-tél nge ndóō yá̰á̰ kə́ rɔ̄kum tə́ alé.

KƏLA RĀĀ 8:1

Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

KƏLA RĀĀ 7:58

nin̄-ndɔ́r̄nən̄ kə̄ gidə ɓē tə́ ndágá ba tə́nīnən̄ kə mbalá tənī tɔ̄l̄nən̄. De kə́ kum tə́ gə̄ ɔrə̄n̄ kūbə̄ yādə́ gə̄ ba ɓōkə́n̄ nja balsáá kógə̄ḿ kə́ rīn na i Sol tə́.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

EPEJƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní n m-ə́la kə makətūbə̄ ń toó m-ādə̄sí, sḭḭ̄ de gə̄ yā Nə́ɓā ń ī-ndiī Epejə ba ī-taāī kem Jeju Kərist ní.

GALATƏ 1:13

Tām̄ sḭḭ̄ ōōī gotə háĺ yá̰a̰ rāāḿ kə́ kété jóo gə̄, dan ń mā m̄-rāań kəla m-ādə̄ Nə́ɓā kə gō róbən yā Jipə gēé ní. m̄-rāā kum Egəlijə yā Nə́ɓā ndoō tə́ kə ngangāá ngá̰ý ō, m̄-rāādə́ yá̰á̰ kə́ majaĺ ngá̰ý ō.

KƏLA RĀĀ 9:41

Piyer əla jīn adə̄n, ba unən dɔɔ́. Ni ɓāŕ ngé taā kem gə̄ ō, dəyá̰ kə́ ngaa koy gə̄ ō, ba ɔjədə́ kə Tabita ń ḭḭ ndi dɔɔ́ kə kumneé ní.

KƏLA RĀĀ 9:32

Piyer ɔr̄ gō ɓē gə̄ malang a go̰ō̰ń ngé gə̄ ń Nə́ɓā ɔr̄də́ tayā tām̄ yān tə́ ní. Ndɔ̄ kógə̄ḿ tə́ ni-aw̄ ɓē ngé gə̄ ń ndin̄ kem ɓē kə́ Lida tə́ ní,

PĀ GƏ̄ 16:3

Ɓesə̄ gə̄ kə́ dɔ nang tə́ laā, adə̄ i tɔ́gə gə̄ ń nelə̄m̄ sedə́ kété ngá̰ý ní,