KƏLA RĀĀ 24:5 - Bibəl ta Sar̄

⁵ J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

Bible sar

⁵ J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō *Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā *Najaret gə̄ tə́ ní.

KƏLA RĀĀ 24:5 Referans Kwoze

KƏLA RĀĀ 28:22

Ba jḭḭ jə-gḛy kadə̄ īkɔ́ ə́dájí yá̰á̰ ń ī-gír̄ ní kə taí. Tɔdɔ̄ jə-ger̄ kadə̄ kə gō loo gə̄ malang ní, de gə̄ ndigən̄ najə̄ yā gír ɓūtə̄ yāí ń toō alé.

KƏLA RĀĀ 24:14

Ba yá̰á̰ ń m̄-ger̄ kadə̄ i rɔ̄kum ní n toó: Mā m-ún i gō róbə́ kə́ kijə ń ədan̄ na i róbə́ kə́ gōtə́ aĺ ní n m̄-rāań kəla m-ādə̄ Nə́ɓā yā kaají gə̄ ní. Banī m̄-taā kem yá̰a̰ malang ń ndangən̄ kem makətūbə̄ ndū najə̄ tə́ ō, kem makətūbə̄ yā ngé koō ta gə̄ tə́ ō ní.

KƏLA RĀĀ 26:5

Nin̄-ger̄mə̄n̄ i jóo, adə̄ ré ndigən̄ ɓáa asən̄ kəda najə̄ kə́ kum tə́ dɔḿ tə́ karī. Tɔdɔ̄ mā i Parijiyḛ, adə̄ i gír ɓūtə̄ kógə̄ḿ kə́ loo rāā kəla kadə̄ Nə́ɓā yādə́ ngan̄g ngá̰ý.

KƏLA RĀĀ 15:5

Banī ngé taā kem kə́rēý gə̄ kə́ teēn̄ i dan ngé ndóō yá̰a̰ yā Parijiyḛ gə̄ tə́ ḭḭn̄ dɔɔ́ ba ədan̄ na, i gáŕ kadə̄ əjan̄ mɔtə de gə̄ ń i Jipə aĺ gə̄ ní ō, kadə̄ ədan̄də́ kadə̄ ngɔ̄mə̄n̄ ndū najə̄ yā Moijə ō.

1 KORḚNTƏ 4:13

Ré tetən̄ najə̄ dɔjí tə́ anī, j-ədadə́ najə̄ kə́ to sɔl̄ kem. Bátə́ ɓōólaā gə̄gē ní, jə-to i tītə̄ dɔ bū loo beé tām̄ yā de kə́ dɔ nang tə́ gə̄ tə́, jə-to i tītə̄ yá̰á̰ kə́ de gə̄ ɓōkə́n̄ kɔ̄ɔ́ beē.

KƏLA RĀĀ 21:28

Nin̄-əgan̄ kɔŕ ədan̄ na: Israel gə̄ ī-dḭḭ̄jí tə́! Á̰a̰ī deē ń a aw̄ kə̄ loo gə̄ tə́ malang a ndóoń de gə̄ malang kadə̄ mbātə́n̄ gír deē yājí gə̄ ō, ndū najə̄ yā Moijə ō, kújə yā Kɔ́ɔ̄ɓē ń toō ō ní, ni n toó! Ba kə́ kal̄ naā ní ni udə kə de gə̄ kə́ nin̄ i Jipə aĺ gə̄ kem kújə yā Kɔ́ɔ̄ɓē tə́ rāań adə̄ loo kə́ táĺ ń toō tél kə́ yḛr kɔ̄ɔ́.

KƏLA RĀĀ 5:17

Loo ń noō tə́ ngol ngé tun̄ yá̰a̰ gə̄ ō, de gə̄ ń seneé á i Sadusiyḛ gə̄ ní ō, əndān̄ ngámbang kəla gə̄ nii.

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

1 PIYER 2:19

Tɔdɔ̄ tə́gā ta dan yá̰á̰ kə́ tōr̄ kə́ rāājí kanjə̄ kumən tə́ najə̄ yā Nə́ɓā tə́ i yá̰á̰ kə́ majə.

1 KORḚNTƏ 11:19

Tɔdɔ̄ i gáŕ kadə̄ gán̄g naā to dɔ dáńsí tə́, yā kadə̄ gerə̄n̄neé ngé mbātə́ gán̄g naā gə̄.

KƏLA RĀĀ 22:22

Kósə de gə̄ nə̄lə̄n̄ mbīdə́ oōn̄neé najə̄ kɔr̄ Pol bátə́ ugə̄ kum mbang ń ni ədań najə̄ gə̄ ń noō tə́ ní. Ba gō tə́ anī nin̄-ədan̄ kə̄ dɔɔ́ ngá̰ý na: De kə́ tītə̄ ń noō i de kə́ yā kadə̄ ni-ndi dɔ nang tə́ alé! Majə kadə̄ ni-ndi kə kumneé alé! Ī-tɔ̄l̄niī kɔ̄ɔ́!

KƏLA RĀĀ 6:13

Nin̄-tə́ndān̄ de kə́ kum tə́ kə́ rɔ̄kum aĺ gə̄ kadə̄ ədan̄ na: Asə deē ń toō kɔr̄ najə̄ kə́ majaĺ dɔ loo kə́ táĺ tə́ aĺ ō, asən kɔr̄ najə̄ kə́ majaĺ dɔ ndū najə̄ yā Moijə tə́ aĺ ō!

Najə̄ kə́ Majə yā Jeju ń Luk ndang ní 23:25

Ni əya̰ nge ń nin̄-dəjen̄ ní dɔɔ́, i nge ń əhɔnən̄ dəngáyá tām̄ rɔ̄ɔ̄ kə́ ngé sə̄lā de gə̄ dɔ ngār gə̄ tə́ rɔ̄ɔ̄n̄ tə́ ō, najə̄ tɔ̄l̄ kə́ ni tɔ̄l̄ deē tə́ ō ní, ba adə̄də́ Jeju kadə̄ rāān̄ yá̰á̰ ń kemdə́ gḛy ní seneé.

Najə̄ kə́ Majə yā Jeju ń Luk ndang ní 23:19

Barabas ní əhɔnən̄ dəngáyá i najə̄ rɔ̄ɔ̄ kógə̄ḿ kə́ ngé sə̄lā de gə̄ dɔ ngār gə̄ tə́ rɔ̄ɔ̄n̄ kem ɓē tə́ ō, najə̄ tɔ̄l̄ kə́ ni-tɔ̄l̄ deē tə́ ō.

Najə̄ kə́ Majə yā Jeju ń Luk ndang ní 23:5

Ba nin̄-əhɔn̄ tadə́ ngan̄g ɓáý, ədan̄ na: Ni sə̄lā de gə̄ kə ta kūl̄ ndóōdə́ yá̰a̰ gō nang kə́ Jude tə́ malang, əla gír i Galile tə́ nú bátə́ gāngəń laā.

MATIYE 10:25

Ré nge ndóō yá̰a̰ reē to tītə̄ nge kɔjən yá̰a̰ ō, nge kəla reē to tītə̄ kɔ́ɔ̄n ō ɓáa asə beé. Dan ń ɓārə́n̄ kɔ́ɔ̄ kújə na i Beljebul ní, a ədan̄ najə̄ kə́ tōr̄ ngá̰ý tɔȳ nge n noō ɓáý dɔ de gə̄ kə́ kem kújə yān tə́.

MATIYE 2:23

Ni-aw̄ ndi kem ɓē kógə̄ḿ kə́ a ɓārə́n̄ na i Najaret tə́, adə̄ najə̄ ń ngé koō ta gə̄ ədan̄ ní reē udə gírí. Ədan̄ na a ɓāŕnən̄ na i de kə́ Najaret.

AMOS 7:10

Amasia ń i nge tun̄ yá̰á̰ kə́ kem ɓē kə́ Betel tə́ ní, əla kəla rɔ̄ Jeroboam mban̄g kə́ Israel tə́ tə́, ni ədan na: Amos sāā mbəreī kɔ̄ɔ́ dɔ kōr̄ kāgə̄ mbang kə́ Israel tə́ tə́. De kə́ kem ɓēé gə̄ asən̄ tə́gā tadə́ dɔ najə̄ kɔrə̄n gə̄ tə́ to̰ alé.

JEREMI 38:4

De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

ESTER 3:8

Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

JEREMI 37:13

Dan ń ni ugə̄ ta róbə ń a ɓārə́n̄ na i yā Benjamḛ ní tə́ anī, ənge ngol ngé ngɔ̄m̄ loo gə̄ ń rīn na i Yiriya, ngōn̄ Selemia kə́ ngōn̄ Hanania ní. Ni-əhɔ Jeremi nge koō ta adə̄ dəba ba ədan na: Ḭ̄ ā āw̄ i kə̄ kəsōó gír Kalde gə̄ tə́!

MARK 1:24

Jeju kə́ Najaret, yāí i rí sejí? Ī-reē i nujəjí tə́ a? m̄-ger̄ majə kadə̄ ḭ̄ i nge kə́ táĺ yā Nə́ɓā.

KƏLA RĀĀ 24:4

Ba m̄-sāā njə́bāī kadə̄ dan ngāl̄ ngá̰ý alé, adə̄ m̄-rāāī ɓɔ́ kadə̄ ī-rāā kem majə sejí ba ī-nēl̄ mbīí ōōń najə̄ yājí sḛ́ý.

KƏLA RĀĀ 25:7

Dan ń Pol reē ugə̄ anī, Jipə gə̄ ń ḭḭn̄ Jerusalem ní reē gīrə̄n̄ gidən ba tə́dan̄ najə̄ kə́ majaĺ ngá̰ý gə̄ dɔn tə́ sekə́nən̄neé, ba nin̄-asən̄ kɔjə kadə̄ najə̄ gə̄ ní i rɔ̄kum alé.