KƏLA RĀĀ 24:2 - Bibəl ta Sar̄

² Ɓārə́n̄ Pol adə̄ reē, anī Tertulus sekə́n əda na: Peliksə nge ko̰o̰ ɓē kə́ majə, kem sɔl̄ lɔm kə́ ngá̰ý ń j-aw̄ń toō i kə ta kūlīí, tá ī-tūr̄ gíŕ yá̰a̰ gə̄ ngá̰ý tām̄ yā majə yā gíŕ nápar de gə̄ ń toō tə́ kə ta kūl̄ ko̰o̰ ɓē yāí kə́ kə kum kedə̄ kə́ ngá̰ý ɓáý to̰.

Bible sar

² Ɓārə́n̄ Pol adə̄ reē, anī Tertulus sekə́n əda na: Peliksə nge ko̰o̰ ɓē kə́ majə, kem sɔl̄ lɔm kə́ ngá̰ý ń j-aw̄ń toō i kə ta kūlīí, tá ī-tūr̄ gíŕ yá̰a̰ gə̄ ngá̰ý tām̄ yā majə yā gíŕ nápar de gə̄ ń toō tə́ kə ta kūl̄ ko̰o̰ ɓē yāí kə́ kə kum kedə̄ kə́ ngá̰ý ɓáý to̰.

KƏLA RĀĀ 24:2 Referans Kwoze

Gōsə̄ najə̄ gə̄ 29:5

De kə́ nge gól̄ kum madə̄n gə̄ i nge kəyā gūmbə̄ dɔ róbə yān nəkɔ́ tə́.

Gōsə̄ najə̄ gə̄ 26:28

Kadə̄ deē do kemən tə́ kə najə̄ kə́ soró i kim̄ deē ní ō, ta de kə́ a gól̄ loo a nujə loo sák sák ō.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

KƏLA RĀĀ 24:1

Ndɔ̄ mí gō tə́ anī, Ananias ngol ngé tun̄ yá̰a̰ gə̄ reē kə kum kɔɔ̄ kə́rēý gə̄ ō, nge kɔr̄ najə̄ kum gotən kógə̄ḿ kə́ rīn na i Tertulus ō. Nin̄-sekə́n̄ Pol rɔ̄ nge ko̰o̰ ɓē tə́.

KƏLA RĀĀ 24:3

Yá̰a̰ malang ń j-ənge asə naā beé kə kum mbang gə̄ malang ō, kə̄ loo gə̄ tə́ malang ō, kə ta kūlīí ní, jə-ndadī tāmən tə́.