KƏLA RĀĀ 23:5 - Bibəl ta Sar̄

⁵ Anī Pol tūr̄ ədadə́ na: Ngákó̰ó̰ḿ gə̄, m̄-ger̄ kadə̄ ni i ngol ngé tun̄ yá̰a̰ gə̄ alé, tɔdɔ̄ i kə́ ndang na: Ā ī-tájə̄ ngār yā gír deē yāí gə̄ alé.

Bible sar

⁵ Anī Pol tūr̄ ədadə́ na: Ngákó̰ó̰ḿ gə̄, m̄-ger̄ kadə̄ ni i ngol *ngé tun̄ yá̰a̰ gə̄ alé, tɔdɔ̄ i kə́ ndang na: Ā ī-tájə̄ ngār yā gír deē yāí gə̄ alé.

KƏLA RĀĀ 23:5 Referans Kwoze

Teē Ngán Israel gə̄ 22:28

Ā ɔ́r bā̰ā̰ loo reē tə́ kə kōō yāí ō, kə kan̄ kāgə̄ nduú yāí ō, kə́ tām̄ yāḿ tə́ alé. Ā ādə̄m̄ ngōn̄ hágí kə́ dəngam.

KOHELET 10:20

Ɓá tā ba ī-lōō ndɔ̄ĺ mban̄g kemií tə́ gə̄gē ī-lōō ndɔ̄lə́n. Ī-lōō ndɔ̄ĺ de kə́ nge kənge yá̰a̰, kem kújə yāí tə́ gəge, ī-lōō ndɔ̄lə́n. Na sōgə́ yel̄ un najə̄ kɔrīí aw̄ seĺ kə̄ loo gə̄ tə́ ō, tél un gō ndūí ədań najə̄ ń ə́dá ní ō.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

KƏLA RĀĀ 24:17

m̄-gətóo kem ɓē kə́ Jerusalem tə́ asə ɓāl̄ ngá̰ý, ba m̄-tél m-āw̄ gogə́ kemeé i kadə̄ gír deē yāḿ gə̄ yá̰a̰ gə̄ kə́ yā rāań kə ngé ndoō gēé tə́ ō, i kadə̄ Nə́ɓā yá̰a̰ ndējə̄ gə̄ tə́ ō.

KƏLA RĀĀ 23:4

Anī ngé gə̄ ń ran̄ rɔ̄n tə́ ní ədanən̄ na: Ī-tájə̄ ngol ngé tun̄ yá̰a̰ gə̄ yā Nə́ɓā a?