KƏLA RĀĀ 23:1 - Bibəl ta Sar̄

¹ Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

Bible sar

¹ Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

KƏLA RĀĀ 23:1 Referans Kwoze

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

2 TIMOTE 1:3

Ndɔ̄ɔ́ ō kadaá ō, dan ń m-ā m̄-ndɔ̄ȳ anī, m̄-gír̄ dɔí tə́. Adə̄ m̄-ndadə̄ Nə́ɓā ń m̄-rāā kəla yān tītə̄ yā kaaḿ gə̄, kanjə̄ kadə̄ kemḿ ɔjəm̄ yá̰á̰ kógə̄ḿ kə́ majaĺ ní.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

HEBƏRO 13:18

Ī ndɔ̄yī tām̄ yājí tə́, tɔdɔ̄ jə-ger̄ majə kadə̄ kemjí ɔjəjí yá̰á̰ kə́ majaĺ alé. Tām̄ jə-gḛy ngɔ̄m̄ háĺjí yā rāāń majə tū yá̰a̰ gə̄ tə́ malang ō.

1 KORḚNTƏ 4:4

Ká ré m̄-ger̄ kadə̄ najə̄ gətóo dɔḿ tə́ gə̄gē anī, m̄-tél de kə́ gōtə́ i tām̄ nge ń noō tə́ alé. Tɔdɔ̄ nge gān̄g sarya dɔḿ tə́ i Kɔ́ɔ̄ɓē.

KƏLA RĀĀ 22:5

Ngol ngé tun̄ yá̰a̰ gə̄ ō, kum kɔɔ̄ gə̄ malang ō, asən̄ ndigə gōḿ tə́ kadə̄ m-ə́da i najə̄ kə́ rɔ̄kum. m̄-taā makətūbə̄ i jīdə́ nin̄ kɔ́ gə̄ tə́ yā kaw̄ń kadə̄ ngákó̰ó̰jí Jipə gə̄ kə́ Damas tə́ ní. Adə̄ m-ḭ́ḭ m-ā m-āwń i kə̄ Damas, yā kaw̄ kəhɔń ngé taā kem gə̄ ń ndin̄ noó ní yā reē sedə́ Jerusalem, kadə̄ rāān̄də́ yá̰á̰ kə́ tōr̄.

2 KORḚNTƏ 4:2

Jḭḭ jə-mbātə́ yá̰á̰ kə́ to rɔ̄sɔl̄ kə́ rāā loo mundə̄ tə́ gə̄ kɔ̄ɔ́ ō, jə-rāā yá̰a̰ kə ngamaá aĺ ō, jə-tūr̄ gidə najə̄ yā Nə́ɓā aĺ ō, banī i najə̄ kə́ rɔ̄kum n j-əda kə̄ ndágá adə̄ kumən unjə̄, jə-sāań kadə̄ de gə̄ malang ənīn̄ kemdə́ adə̄n̄jí kə̄ ta kum Nə́ɓā tə́ ní.

KƏLA RĀĀ 23:6

Pol ger̄ kadə̄ dan de gə̄ ń kánə̄n̄ naā á ndin̄ tə́ ní, dām̄ kógə̄ḿ gə̄ i Sadusiyḛ gə̄ ō, dām̄ kə́rēý gə̄ i Parijiyḛ gə̄ ō, adə̄ ni-əga kɔŕ ədań ngé sarya gə̄ na: Ngákó̰ó̰ḿ gə̄, mā i Parijiyḛ ō, mā i ngōn̄ kem de kə́ ni i Parijiyḛ ō! I tām̄ yā yá̰á̰ ń j-əndāī kemjí dɔ tə́ ní, adə̄ i tām̄ yā ndól̄ kə́ de kə́ koy gə̄ a ndólə̄n̄ tə́ n reēn̄neé seḿ loo sarya tə́ yā rāā sarya seḿ ní.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

KƏLA RĀĀ 22:30

Yá̰a̰ nəkɔ́ bang ń Jipə gə̄ a sə̄lān̄neé gíŕ Pol ní, ngol áskar gə̄ kə́ bo sāā ger̄ kə gōó. Adə̄ teē kə ndɔ̄ kə́ noō anī, adə̄ tútən̄ súĺ gə̄ kɔ̄ɔ́ rɔ̄n tə́, ba əda kadə̄ ngol gə̄ kə́ dɔ ngé tun̄ yá̰a̰ gə̄ tə́ ō, ngé sarya kə́ bo gə̄ malang ō, kə kánə̄n̄ naā. Gō tə́ anī ni-reē kə Poló əndan̄ nodə́ tə́.

KƏLA RĀĀ 6:15

De gə̄ malang ń ndin̄ loo sarya tə́ ní əndān̄ kumdə́ dɔ Etiyen tə́, anī nin̄-a̰a̰n̄ kadə̄ ta kumən to tītə̄ ta kum de kə́ dɔ rā̰ tə́ kógə̄ḿ beē.

KƏLA RĀĀ 22:1

Ngákó̰ó̰ḿ gə̄ ō, bɔbə́ḿ gə̄ ō, ōōī yá̰á̰ ń ngɔlaā m-ā m-ə́dásí yā nējəń najə̄ dɔḿ tə́ kɔ̄ɔ́ ní.

MATIYE 5:22

Ba mā m-ə́dásí na deē ń a rāā wōn̄g kə ngōkó̰o̰neé anī, a aw̄n̄ seneé no nge gān̄g sarya tə́. Deē ń a əda ngōkó̰o̰n na ḭ̄ i de kə́ mbóó ní, a aw̄n̄ seneé no ngé sarya kə́ bo gə̄ tə́. Deē ń əda ngōkó̰o̰n na ḭ̄ i de kə́ sapə ní, majə kadə̄ aw̄ kum hor Gehen tə́.

KƏLA RĀĀ 23:15

Ní, kə nin̄ ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, kadə̄ míndə́də́ kə i kógə̄ḿ beē kə ngé sarya kə́ bo gə̄ yā Jipə gə̄, ba kə dəjen̄ ngol áskar gə̄ kə́ bo kadə̄ reē kə Poló. Kə rāān̄ tītə̄ kə́ a sāān̄ i tél kəndā ma̰ȳ najə̄ yā Pol ní rang kə gōó beē. Ba nin̄ kɔ́ gə̄ tā a na n-ran̄ dɔ rɔ̄də́ tə́ kɔ̄ɔ́ yā tɔ̄l̄ Pol kété pá tá kadə̄ a ugə̄ ɓáý.

KƏLA RĀĀ 23:20

Balsáá ní ədan na: Jipə gə̄ oōn̄ naā yā dəjeī kadə̄ āw̄ kə Poló rɔ̄ ngé sarya kə́ bo gə̄ tə́ bírí, ba a rāān̄ tītə̄ kə́ ngé sarya kə́ bo gə̄ a sāān̄ i tél kəndā ma̰ȳ najə̄ yān ní rang kə gōó beē.

KƏLA RĀĀ 23:28

m̄-gḛy ger̄ kum yá̰a̰ bang ń a sekə́nən̄neé ní, adə̄ m-āw̄ seneé rɔ̄ ngé sarya kə́ bo yādə́ gə̄ tə́.