KƏLA RĀĀ 22:4 - Bibəl ta Sar̄

⁴ Ngé gə̄ ń unən̄ gō róbə yā Kɔ́ɔ̄ɓē ń toō ní, m̄-rāādə́ ndoō tə́ ngá̰ý bátə́ adə̄ oyn̄. M-ə́hɔ dəngam gə̄ ō, dəyá̰ gə̄ ō m̄-ɓōkə́də́ dəngáyá.

Bible sar

⁴ Ngé gə̄ ń unən̄ gō róbə yā Kɔ́ɔ̄ɓē ń toō ní, m̄-rāādə́ ndoō tə́ ngá̰ý bátə́ adə̄ oyn̄. M-ə́hɔ dəngam gə̄ ō, dəyá̰ gə̄ ō m̄-ɓōkə́də́ dəngáyá.

KƏLA RĀĀ 22:4 Referans Kwoze

1 KORḚNTƏ 15:9

Tɔdɔ̄ mā i kə́ dūú ngá̰ý dan ngaḿbang kəla gə̄ tə́ malang. Kə́ rɔ̄kum tə́ ɓáa m-ásə kadə̄ ɓāŕmə̄n̄ ngōmbang kəla alé, tɔdɔ̄ m̄-rāā Egəlijə yā Nə́ɓā yá̰á̰ kə́ tōr̄.

PILIPƏ 3:6

Kə́ ɔjə dɔ ko̰o̰ kə́ o̰o̰ deē tɔdɔ̄ Nə́ɓā tə́ ɓáa, mā i de kə́ o̰o̰m̄ tɔdɔ̄ Nə́ɓā ngá̰ý, adə̄ m̄-rāā Egəlijə yā Jeju Kərist ndoō tə́. Kə́ ɔjə dɔ rāā yá̰á̰ kə́ ndū najə̄ əda tə́ yā kadə̄ deē téləń de kə́ nge rāā yá̰á̰ kə́ gōtə́ ɓáa, najə̄ kə́ yā kadə̄ deē əda dɔḿ tə́ loon tə́ gətóo.

KƏLA RĀĀ 24:14

Ba yá̰á̰ ń m̄-ger̄ kadə̄ i rɔ̄kum ní n toó: Mā m-ún i gō róbə́ kə́ kijə ń ədan̄ na i róbə́ kə́ gōtə́ aĺ ní n m̄-rāań kəla m-ādə̄ Nə́ɓā yā kaají gə̄ ní. Banī m̄-taā kem yá̰a̰ malang ń ndangən̄ kem makətūbə̄ ndū najə̄ tə́ ō, kem makətūbə̄ yā ngé koō ta gə̄ tə́ ō ní.

KƏLA RĀĀ 19:23

Yá̰á̰ kə́ a̰a̰ gō naā aĺ kə́ majaĺ ngá̰ý to kem ɓēé dɔ gō róbə́ yā Kɔ́ɔ̄ɓē tə́ dan ngeé ń noō tə́.

KƏLA RĀĀ 19:9

Banī ngá̰ý gə̄ rāān̄ dɔ ngan̄g, mbātə́n̄ taā kem ba tə́dan̄ najə̄ kə́ majaĺ gə̄ dɔ róbə yā Kɔ́ɔ̄ɓē tə́ ta kum ngé kán̄ naā gə̄ tə́. Loo ń noō tə́ Pol əya̰də́ ba ɔy ngé ndóō yá̰a̰ gə̄ aw̄ sedə́. Ni ɔjədə́ najə̄ yā Nə́ɓā kə dɔ ndɔ̄ gə̄ kem kújə́ ndóō yá̰a̰ yā Tiranus tə́.

KƏLA RĀĀ 18:26

Ni udə kə̄ rɔ̄ najə̄ tə́ kem kújə́ kán̄ naā tə́ a ɔr̄ kanjə̄ ɓōĺ. Dan ń Pərisil nin̄ kə Akilas oōn̄ najə̄ kɔrə̄n anī, əhɔnən̄ kə̄ rɔ̄də́ tə́ ba ɔjənən̄ róbə yā Nə́ɓā kə gōó ngá̰ý tɔȳ kə́ kété ɓáý to̰.

KƏLA RĀĀ 16:17

Nge kəla kə́ dəyá̰ ní tél un gōjí, Pol ō jḭḭ ō, ba əga kɔŕ əda na: De gə̄ ń toō i ngé kəla yā Nə́ɓā kə́ dɔɔ́ gə̄! Nin̄ a ɔjən̄sí i róbə́ kə́ yā kadə̄ deē un a ajə!

KƏLA RĀĀ 9:21

De gə̄ malang ń oōn̄ najə̄ kɔrə̄n ní ɔr kumdə́ ngá̰ý, adə̄ ədan̄ na: I deē ń toō n i nge rāā ngé ɓāŕ rī Jeju gə̄ ndoō tə́ ngá̰ý kem ɓē kə́ Jerusalem tə́ ní aĺ a? Tá reē laā i tṵ́ṵ̄də́ tə́ kə kəlaá yā kaw̄ sedə́ rɔ̄ ngol gə̄ kə́ dɔ ngé tun̄ yá̰a̰ gə̄ tə́ tə́ aĺ a?

KƏLA RĀĀ 7:58

nin̄-ndɔ́r̄nən̄ kə̄ gidə ɓē tə́ ndágá ba tə́nīnən̄ kə mbalá tənī tɔ̄l̄nən̄. De kə́ kum tə́ gə̄ ɔrə̄n̄ kūbə̄ yādə́ gə̄ ba ɓōkə́n̄ nja balsáá kógə̄ḿ kə́ rīn na i Sol tə́.

GALATƏ 1:13

Tām̄ sḭḭ̄ ōōī gotə háĺ yá̰a̰ rāāḿ kə́ kété jóo gə̄, dan ń mā m̄-rāań kəla m-ādə̄ Nə́ɓā kə gō róbən yā Jipə gēé ní. m̄-rāā kum Egəlijə yā Nə́ɓā ndoō tə́ kə ngangāá ngá̰ý ō, m̄-rāādə́ yá̰á̰ kə́ majaĺ ngá̰ý ō.

2 PIYER 2:2

Ba de gə̄ ngá̰ý a unən̄ gōdə́ loo rāā háĺ kə́ majaĺ gə̄ tə́ ō, de gə̄ tə́dan̄ najə̄ dɔ gō róbə yā najə̄ kə́ rɔ̄kum tə́ sɔɔ̄ń yá̰a̰ rāādə́ ō.