KƏLA RĀĀ 22:3 - Bibəl ta Sar̄

³ Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

Bible sar

³ Mā i *Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ *ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

KƏLA RĀĀ 22:3 Referans Kwoze

KƏLA RĀĀ 26:5

Nin̄-ger̄mə̄n̄ i jóo, adə̄ ré ndigən̄ ɓáa asən̄ kəda najə̄ kə́ kum tə́ dɔḿ tə́ karī. Tɔdɔ̄ mā i Parijiyḛ, adə̄ i gír ɓūtə̄ kógə̄ḿ kə́ loo rāā kəla kadə̄ Nə́ɓā yādə́ ngan̄g ngá̰ý.

KƏLA RĀĀ 9:11

Kɔ́ɔ̄ɓē tél ədan na: Ḭ́ḭ dɔɔ́ āw̄ róbə́ ń a ɓārə́n̄ na i róbə́ kə́ ra súmūú ní tə́, údə ɓē Judas, ba ī-dəje kōō deē kógə̄ḿ kə́ a ɓāŕnən̄ na i Sol kə́ Tarsə. Ni-ndi a ndɔ̄ȳ noō

KƏLA RĀĀ 5:34

Banī deē kógə̄ḿ ḭḭ dɔɔ́ dan ngé sarya kə́ bo gə̄ tə́. Deē ní i Parijiyḛ, rīn na i Gamaliyel. Ni i nge ndóō de gə̄ ndū najə̄ gə̄ kə́ ngán Israel gə̄ malang ɓōlə́n̄ ndílən. Ni-ḭḭ dɔɔ́ ba dəje kadə̄ kə teēn̄ kə ngámbang kəla gēé ndágá sḛ́ý.

KƏLA RĀĀ 21:39

Pol tél ədan na: Mā i Jipə kə́ ojəmə̄n̄ i Tarsə, dɔ nang kə́ Silisi tə́. Mā i ngōn̄ kem ɓē kə́ rīn ɓār̄ ngá̰ý. m̄-rāāī ɓɔ́ ba ādə̄ m-ɔ̄r̄ najə̄ kə de gə̄ ń toō.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

2 KORḚNTƏ 11:22

Nin̄ i Hebəro gə̄ a? Mā i Hebəro ō. Nin̄ i ngán Israel gə̄ a? Mā i ngōn̄ Israel ō. Nin̄ i ngán kaa Abəraham gə̄ a? Mā i ngōn̄ kaa Abəraham ō.

Najə̄ kə́ Majə yā Jeju ń Luk ndang ní 10:39

Dəyá̰ ní aw̄ kə ngōkó̰o̰n kógə̄ḿ kə́ dəyá̰ kə́ rīn na i Mari. Ni kə́ Mari ngeé ń toō ndi nang tə́ nja Kɔ́ɔ̄ɓē tə́ a oōń najə̄ kɔrə̄n.

2 MBAN̄G 4:38

Elije tél aw̄ Gilgal. Dan ń noō tə́ ní ɓō əsō gō nang ngeé ń noō tə́. Ɓūtə̄ ngé koō ta gə̄ ndin̄ rɔ̄ Elije tə́, anī ni-əda nge kəla yān na: Ə̄ndā jóó kə́ bo horoó ī-nēgə́nń tá̰a̰ ādə̄ ngé koō ta gə̄.

NDŪ NAJƏ̄ 33:3

Kɔ́ɔ̄ɓē táŕ gír ɓē gə̄ yā ngán Israel gə̄. Ni-ngɔ̄m̄ deē yān gə̄ malang kə́ ngé kán̄ naā ta kejən tə́ yā taāń kɔjə̄ yān gə̄.

Makətūbə̄ ń Pol ndang adə̄ Rom gə̄ ní 11:1

Ādī m̄-dəjesí m-ōō: Adə̄ ń noō ní Nə́ɓā əya̰ i ngán Israel gə̄ kɔ̄ɔ́ tā ḿ? Sḛ́ý yḛtə aĺ bátə́. Tɔdɔ̄ mə̄kɔ́ ń toō, mā i ngōn̄ Israel ō, mā i de kə́ gír kaa yā Abəraham tə́ ō, de kə́ gír ɓē yā Benjamḛ tə́ ō.

KƏLA RĀĀ 23:6

Pol ger̄ kadə̄ dan de gə̄ ń kánə̄n̄ naā á ndin̄ tə́ ní, dām̄ kógə̄ḿ gə̄ i Sadusiyḛ gə̄ ō, dām̄ kə́rēý gə̄ i Parijiyḛ gə̄ ō, adə̄ ni-əga kɔŕ ədań ngé sarya gə̄ na: Ngákó̰ó̰ḿ gə̄, mā i Parijiyḛ ō, mā i ngōn̄ kem de kə́ ni i Parijiyḛ ō! I tām̄ yā yá̰á̰ ń j-əndāī kemjí dɔ tə́ ní, adə̄ i tām̄ yā ndól̄ kə́ de kə́ koy gə̄ a ndólə̄n̄ tə́ n reēn̄neé seḿ loo sarya tə́ yā rāā sarya seḿ ní.

KƏLA RĀĀ 6:9

Anī de kə́rēý gə̄ ḭḭn̄ seneé kə najá. De gə̄ ní i de gə̄ ń a ɓārə́n̄ kújə́ kán̄ naā yādə́ na i kújə́ kán̄ naā yā ɓəlo gə̄ kə́ gāngə̄n̄ dɔdə́ kɔ̄ɔ́ gə̄ ní ō, i de kə́ Siren tə́ gə̄ ō, kə́ Aleksandəri tə́ gə̄ ō, kə́ Silisi tə́ gə̄ ō, kə́ gō nang kə́ Aji tə́ gə̄ ō. Nin̄-nējə̄n̄ naā najə̄ kə Etiyen.

2 SAMUEL 21:2

Loo ń noō tə́ mban̄g ɓāŕ Gabaon gə̄ ba ɔr̄ najə̄ sedə́. Gabaon gə̄ i ngán Israel gə̄ alé. Nin̄ i gotə Amor gə̄ ń teēn̄ ta yo tə́ ní. Kété ní ngán Israel gə̄ ənīn̄ ndūdə́ adə̄n̄də́, ədan̄ na n-a n-əyan̄də́ kadə̄ ndin̄ kə kumdə́. Banī mósə Saul tə́ngān ngá̰ý najə̄ yā Israel gə̄ tə́ ō, Juda gə̄ tə́ ō, adə̄ ni sāā tɔ̄l̄ Gabaon gə̄ kɔ̄ɔ́ malang.

GALATƏ 1:21

Gō tə́ anī m-āw̄ gō nang kə́ Siri tə́ ō, kə́ Silisi tə́ ō.

GALATƏ 1:14

Jipə madə́ḿ gə̄ ń ɓāl̄jí asə naā ní, m̄-rāā kəla m-ādə̄ Nə́ɓā kə gō róbən yā Jipə gēé m̄-tɔȳdə́. Tām̄ o̰o̰m̄ tɔdɔ̄ yá̰a̰ kāgə̄ ɓē yā kaaḿ gə̄ tɔȳ yādə́.

KƏLA RĀĀ 23:34

Ni-taā makətūbə̄ ní a̰a̰, ba dəje Pol na ké ni i de kə́ gō nang kə́ rá tə́ wa. Dan ń ni-oō kadə̄ Pol i de kə́ gō nang kə́ Silisi tə́ anī ədan na:

KƏLA RĀĀ 15:41

Ni ənda dɔ nang kə́ Siri ō, kə́ Silisi ō gān̄g. Ni mbūsə̄ de gə̄ kə́ kem Egəlijə gə̄ tə́ adə̄ ran̄ ngan̄g dɔ taā kem yādə́ tə́ ō.

KƏLA RĀĀ 15:23

Əlan̄də́ kə makətūbə̄ ń toō, nin̄-ndangən̄ kemeé na: Ngámbang kəla gə̄ ō, kum kɔɔ̄ gə̄ ō, nin̄ ń i ngákó̰ó̰sí gə̄ ní, rāān̄ ngákó̰ó̰də́ kə́ Jipə aĺ gə̄ ń ndin̄ A̰tiyos dɔ nang kə́ Siri tə́ ō, Silisi tə́ ō ní lápə́ya.

KƏLA RĀĀ 11:25

Gō tə́ anī Barnabas aw̄ Tarsə sāā Sol tə́.

KƏLA RĀĀ 9:30

Loo ń ngákó̰o̰n gə̄ oōn̄ anī aw̄n̄ seneé Sejare, ba əlan̄ seneé Tarsə.

Najə̄ kə́ Majə yā Jeju ń Luk ndang ní 8:35

Adə̄ de gə̄ teē reēn̄ ka̰a̰ yá̰a̰ nəkɔ́ ń rāā yá̰á̰ tə́ ní. Dan ń reē ugə̄n̄ rɔ̄ Jeju tə́ anī, əngen̄ dəngam ń ndíĺ kə́ majaĺ gə̄ teēn̄ kemən tə́ kɔ̄ɔ́ ní ndi nang tə́ nja Jeju tə́ kə kūbūú rɔ̄n tə́ ō, ndi i kə́ de kə́ karī gə̄ tə́ ba i kə́ de kə́ yá̰a̰ rāān tə́ to̰ aĺ ō, adə̄ ɓōĺ rāādə́.

Najə̄ kə́ Majə yā Jeju ń Luk ndang ní 2:46

Kə ndɔ̄ kə́ nge ko̰ mətá anī əngenən̄ kem kújə yā Kɔ́ɔ̄ɓē tə́, ndi nang tə́ dan ngé kɔjə de gə̄ yá̰a̰ gə̄ tə́ a oōń najə̄ yādə́ ō, a dəjeńdə́ najə̄ ō.

KƏLA RĀĀ 9:1

Dan ngeé ń noō tə́ ní, najə̄ yā ka̰ȳ ndíĺ ngé ndóō yá̰a̰ gə̄ yā Kɔ́ɔ̄ɓē ō, najə̄ yā tɔ̄l̄də́ ō, teē dɔ Sol tə́ alé.

KƏLA RĀĀ 26:9

Mā nəkɔ́ ń toō ní, kété m̄-gír̄ kemḿ tə́ m-ə́da na majə kadə̄ m̄-rāā yá̰a̰ malang ń tɔ́gə́ḿ asə ní kadə̄ m̄-nujəń rī Jeju kə́ Najaret kɔ̄ɔ́.