KƏLA RĀĀ 22:1 - Bibəl ta Sar̄

¹ Ngákó̰ó̰ḿ gə̄ ō, bɔbə́ḿ gə̄ ō, ōōī yá̰á̰ ń ngɔlaā m-ā m-ə́dásí yā nējəń najə̄ dɔḿ tə́ kɔ̄ɔ́ ní.

Bible sar

¹ Ngákó̰ó̰ḿ gə̄ ō, bɔbə́ḿ gə̄ ō, ōōī yá̰á̰ ń ngɔlaā m-ā m-ə́dásí yā nējəń najə̄ dɔḿ tə́ kɔ̄ɔ́ ní.

KƏLA RĀĀ 22:1 Referans Kwoze

KƏLA RĀĀ 7:2

Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:

2 TIMOTE 4:16

Ndɔ̄ sarya yāḿ kə́ ta kəga dɔ tə́ ń m-ɔ̄rəń najə̄ dɔ rɔ̄ḿ tə́ ní, deē kógə̄ḿ kə́ rāā seḿ gətóo, banī de gə̄ malang əya̰mə̄n̄ kɔ̄ɔ́. Ādə̄ Nə́ɓā əhɔ gíŕ yá̰á̰ ń nin̄-rāān̄ ní alé.

1 PIYER 3:15

Banī Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

PILIPƏ 1:17

Ngé gə̄ ń noō nin̄-ɔjən̄ najə̄ yā Kərist i kə nií kemdə́ tə́. Gír̄ kə́ kemdə́ tə́ ń ɔjən̄neé najə̄ ní, i gír̄ kə́ unjə̄ njáý njáý alé. Nin̄-gírə̄n̄ rāā kadə̄ kə dəngáy yāḿ kə tōr̄ rɔ̄ḿ tɔȳ kə́ kété ɓáý.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

2 KORḚNTƏ 12:19

Jóo toó ní, sḭḭ̄ ī-gírī kadə̄ jḭḭ j-a jə-nējə̄ i najə̄ dɔ rɔ̄jí tə́ ta kumsí tə́ a? I beé alé! Najə̄ ń j-ɔr̄ ní, j-ɔr̄ i tītə̄ ń Kərist ndigəń ní, ta kum Nə́ɓā tə́. Ba kó tár gə̄, j-ədasí yá̰a̰ gə̄ ń noō malang i yā kadə̄ ī-tɔgīneé kum kə̄ kété kété.

2 KORḚNTƏ 7:11

Nə́ɓā un rɔ̄sí kə́ nel̄sí aĺ rāań kəla, ba ngɔlaā á̰a̰ī yá̰á̰ ń rɔ̄sí kə́ nel̄sí aĺ rāā ní! Rɔ̄sí ń nel̄sí aĺ ní ndḛḛ̄ kadə̄ ī-rāāī yá̰á̰ ń rāā yá̰á̰ ní i yá̰á̰ kógə̄ naā tə́ aĺ ō, údə ī-ndiī karī aĺ ō, banī ī-rɔ̄ɔ̄ī dɔ rɔ̄sí tə́. Rɔ̄sí ń nel̄sí aĺ ní rāā adə̄ wōn̄g rāāsí ngá̰ý ō, ɓōĺ rāāsí ngá̰ý ō, adə̄ ngur tél ka̰a̰m̄ gogə́ rāāsí ngá̰ý. Rāā adə̄ rɔ̄sí təngāsí loo rāā kəla tə́ ō, loo rāā deē yá̰á̰ kə́ tōr̄ tə́ tām̄ yá̰á̰ kə́ majaĺ kə́ ni-rāā tə́ ō. Sḭḭ̄ ɔ́jiī kə ta róbə́ kə́ tayā tayā gēé kadə̄ najə̄ gətóo dɔsí tə́ tū najə̄ ń noō tə́.

1 KORḚNTƏ 9:3

Najə̄ ń m̄-tél m-ə́dá ngé kəndā najə̄ dɔḿ tə́ gə̄ m-únəń najə̄ dɔḿ tə́ kɔ̄ɔ́ ní n noó.

Makətūbə̄ ń Pol ndang adə̄ Rom gə̄ ní 2:15

Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

KƏLA RĀĀ 28:17

Rāā ndɔ̄ mətá gō tə́ anī, Pol ɓāŕ Jipə kə́ bo bo gə̄ kə́ kem ɓē kə́ Rom tə́ ɓē looneé. Dan ń nin̄-ɔsən̄ dɔdə́ naā tə́ oy anī, ni ədadə́ na: Ngákó̰ó̰ḿ gə̄, m̄-rāā yá̰á̰ kógə̄ḿ kə́ majaĺ kə gír deē yājí gēé aĺ ō, kə yá̰a̰ kāgə̄ ɓē yā kaají gēé aĺ ō. Banī əhɔmə̄n̄ Jerusalem əlamə̄n̄ jī Rom gə̄ tə́.

KƏLA RĀĀ 26:24

Pol ɔr̄ najə̄ dɔ rɔ̄n tə́ ugə̄ loo ń noō tə́, anī Pestus əga kɔŕ əda na: Pol, ā̰ȳ kɔ̄r̄ kɔ̄ɔ́! Yá̰á̰ ń ī-ndóō ngá̰ý ní rāāī adə̄ ā̰ȳ kɔ̄r̄ kɔ̄ɔ́!

KƏLA RĀĀ 25:16

Banī m̄-tūr̄ m-ə́dádə́ na kə gō yá̰a̰ kāgə̄ ɓē yā de kə́ Rom tə́ gə̄ ní, deē ń sekə́nən̄ ní, a reēn̄ kə ngé sekə́n gēé non tə́ ō, a əya̰nən̄ kadə̄ ɔr̄ najə̄ dɔ rɔ̄n tə́ najə̄ sekə́ ń sekə́nən̄ tə́ ní ō, pá tá a əlanən̄ jī ngé sekə́n gə̄ tə́ ɓáý.

KƏLA RĀĀ 25:8

Banī Pol nējə̄ najə̄ dɔ rɔ̄n tə́ kɔ̄ɔ́, əda na: m̄-rāā yá̰á̰ kə́ mān̄ dɔ ndū najə̄ yā Jipə gə̄ aĺ ō, m̄-rāā yá̰á̰ kə́ majaĺ kə kújə yā Kɔ́ɔ̄ɓēé aĺ ō, kə Sejar aĺ ō.

KƏLA RĀĀ 24:10

Dan ń nge ko̰o̰ ɓē əla jīn kə dɔ Pol tə́ kadə̄ ɔr̄ najə̄ anī, Pol, əda na: Mā m̄-ger̄ kadə̄ ḭ̄ i nge gān̄g sarya yā nápar de gə̄ ń toō rāā ɓāl̄ ngá̰ý ngɔlaā. Adə̄ m-ə̄nā wurəḿ mámák yā kɔrə̄ń najə̄, kadə̄ m̄-nējəń najə̄ dɔḿ tə́ kɔ̄ɔ́.

KƏLA RĀĀ 23:6

Pol ger̄ kadə̄ dan de gə̄ ń kánə̄n̄ naā á ndin̄ tə́ ní, dām̄ kógə̄ḿ gə̄ i Sadusiyḛ gə̄ ō, dām̄ kə́rēý gə̄ i Parijiyḛ gə̄ ō, adə̄ ni-əga kɔŕ ədań ngé sarya gə̄ na: Ngákó̰ó̰ḿ gə̄, mā i Parijiyḛ ō, mā i ngōn̄ kem de kə́ ni i Parijiyḛ ō! I tām̄ yā yá̰á̰ ń j-əndāī kemjí dɔ tə́ ní, adə̄ i tām̄ yā ndól̄ kə́ de kə́ koy gə̄ a ndólə̄n̄ tə́ n reēn̄neé seḿ loo sarya tə́ yā rāā sarya seḿ ní.

KƏLA RĀĀ 23:1

Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

KƏLA RĀĀ 19:33

Jipə gə̄ əndān̄ deē kógə̄ḿ kə́ rīn na i Alekjandər kété nodə́ tə́, adə̄ de kə́rēý gə̄ kə́ dan kósə de gə̄ tə́ ɔjənən̄ kum najə̄ ní. Tā anī Alekjandər wél̄ jīn ɔjəń kadə̄ n-gḛy kɔr̄ gír najə̄ ta kum kósə de gə̄ tə́.

KƏLA RĀĀ 13:26

Ngákó̰ó̰ḿ gə̄, sḭḭ̄ ngán kaa Abəraham gə̄ ō, sḭḭ̄ gə̄ ń ī-reēī laā i rāā kəlaá kadə̄ Nə́ɓā ō ní, najə̄ kajə ń toō əlan̄neé adə̄n̄jí i jḭḭ̄.

Najə̄ kə́ Majə yā Jeju ń Luk ndang ní 21:14

Ə̄ndāī kemsí tə́ majə kadə̄ yá̰á̰ ń i kə́ yā kadə̄ ā ə́daī yā nējəń najə̄ dɔsí tə́ ní, sḭḭ̄ n ā ī-rāāī loon kemsí tə́ kété ní alé.

Najə̄ kə́ Majə yā Jeju ń Luk ndang ní 12:11

Loo ń a aw̄n̄ sesí kə̄ kem kújə́ kán̄ naā gə̄ tə́, aláa kə̄ no ngār gə̄ tə́, aláa kə̄ no ngé ko̰o̰ ɓē gə̄ tə́ yā rāā sarya sesí anī, ī-lōōī sōl̄ kəda na ké ā ī-rāāī i ba̰ý n ā ī-nējīneé najə̄ dɔ rɔ̄sí tə́ ní wa, aké i najə̄ rí n kə ə́daī ní wa.