KƏLA RĀĀ 21:8 - Bibəl ta Sar̄

⁸ Teē kə ndɔ̄ kə́ noō anī j-ɔr̄ dɔɔ́ j-aw̄ Sejare. Dan ń j-ugə̄ anī, j-aw̄ ɓē yā Pilipə nge kɔjə Najə̄ kə́ Majə tə́ ba jə-ndi looneé. Ni i de kə́ dan ngé kə́ sīrí gə̄ ń gə̄rān̄də́ ní tə́.

Bible sar

⁸ Teē kə ndɔ̄ kə́ noō anī j-ɔr̄ dɔɔ́ j-aw̄ Sejare. Dan ń j-ugə̄ anī, j-aw̄ ɓē yā Pilipə nge kɔjə Najə̄ kə́ Majə tə́ ba jə-ndi looneé. Ni i de kə́ dan ngé kə́ sīrí gə̄ ń gə̄rān̄də́ ní tə́.

KƏLA RĀĀ 21:8 Referans Kwoze

KƏLA RĀĀ 6:5

Kósə́ ngé ndóō yá̰a̰ gə̄ malang ndigən̄ najə̄ ní. Adə̄ gə̄rān̄ Etiyen ń i de kə́ taā kem yān i taā kem kə́ mámák ō, Ndíĺ kə́ Táĺ rosə kemən ní ō, gə̄rān̄ Pilipə ō, Pərokor ō, Nikanor ō, Timon ō, Parmenas ō, Nikola kə́ A̰tiyos tə́ ń kété ni i Jipə tél ní ō,

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

2 TIMOTE 4:5

Ba ḭ̄ tā a ə́hɔ rɔ̄í dɔ yá̰a̰ gə̄ tə́ malang. Ī-tə́gā taí dan tápə̄ gə̄ tə́. Ī-rāā kəla kɔjə Najə̄ kə́ Majə, kəla ń Nə́ɓā adī ní.

KƏLA RĀĀ 28:16

Dan ń j-ugə̄ Rom anī, adə̄n̄ Pol ndūdə́ kadə̄ ndi kem kújə yān tə́ kə kérneé naā tə́ kə áskar ń əndānən̄ tan tə́ ní.

KƏLA RĀĀ 16:13

Ndɔ̄ sabat tə́ anī jə-teē kem ɓēé, ba j-aw̄ kadə bā kógə̄ḿ tə́, loo kə́ jə-gír̄ kadə̄ loo ndɔ̄ȳ i tū tə́ tə́. Jə-ndi nang tə́ ba j-ɔr̄ najə̄ kə dəyá̰ gə̄ ń kánə̄n̄ naā ní.

KƏLA RĀĀ 16:10

Gō yá̰a̰ ń noō ń ndɔ̄bə̄ Pol tə́ ní, kə̄ ta jī tə́ noō jə-sāā kaw̄ Masedəwan, tām̄ jə-ger̄ majə ngá̰ý kadə̄ Nə́ɓā ɓāŕjí i kadə̄ j-aw̄ j-ɔjə de kə́ gō nang ngeé ń noō tə́ gə̄ Najə̄ kə́ Majə.

KƏLA RĀĀ 9:30

Loo ń ngákó̰o̰n gə̄ oōn̄ anī aw̄n̄ seneé Sejare, ba əlan̄ seneé Tarsə.

KƏLA RĀĀ 28:11

Jə-ndi noó rāā nāā mətá tá kadə̄ j-ɔr̄ dɔɔ́ kə too bo kógə̄ḿ kə́ nāā kūl̄ gān̄g gírən loo ní tə́ ɓáý. To ní i too bo kə́ Aleksandəri, ba a ɓāŕnən̄ na i ɓesə̄ ndəngā gə̄.

KƏLA RĀĀ 27:1

Dan ń unən̄ ndūdə́ yā kadə̄ j-aw̄ Itali kə to boó ní, əlan̄ Pol nin̄ kə dəngáý kə́rēý gēé jī ngol áskar gə̄ kógə̄ḿ kə́ rīn na i Julius tə́. Ni i ngol ɓūtə̄ áskar gə̄ ń a ɓārə́n̄də́ na i ngé rɔ̄ gə̄ yā Sejar ní.

KƏLA RĀĀ 23:23

Gō tə́ anī ngol áskar gə̄ kə́ bo ɓāŕ ngol áskar yān gə̄ jōó ba ədadə́ na: Ɔ́yiī áskar gə̄ ɓú jōó ō, ngé sə́nda gə̄ kutə sīrí ō, ngé nənga gə̄ ɓú jōó ō, ba ī-rāāī rɔ̄sí yā kadə̄ ré mbang kə́ ndōhó kə́ ndɔ̄ɔ́ asə anī āwī Sejare.

KƏLA RĀĀ 20:13

Jḭḭ j-aw̄ kété kə too boó ta kaw̄ kə̄ Asos, loo ń kadə̄ j-un Pol tū tə́ ní tə́. Ni ɔjə loon i tītə̄ ń noō, tɔdɔ̄ gḛy kaw̄ tū tə́ i kə njaneé.

KƏLA RĀĀ 20:6

Jḭḭ kɔ́ gə̄ tá teē gidə gō ndɔ̄ yā mápá kə́ kanjə̄ kaa mápá tə́ anī, jḭḭ ɓē kə́ Pilipə tə́ j-utə̄ gōdə́ kə to boó, j-aw̄ j-əngedə́ Təroas kə ndɔ̄ kə́ nge ko̰ mí, ba jə-dəba noó jə-rāā ndɔ̄ sīrí.

KƏLA RĀĀ 18:22

Ba dan ń jə̄ngā Sejare anī, aw̄ Jerusalem rāā Egəlijə lápə́ya tə́. Gō tə́ anī ni-aw̄ A̰tiyos.

KƏLA RĀĀ 16:16

Ndɔ̄ kógə̄ḿ tə́ j-a j-aw̄ kə̄ loo ndɔ̄ȳ tə́ anī, nge kəla kə́ dəyá̰ kógə̄ḿ tə́nī tají: Ndíĺ kə́ majaĺ kógə̄ḿ i kemən tə́. Ndi ɓáa ɔsə seneé ta kɔjə yá̰á̰ kə́ a rāā yā rāā yá̰a̰ gə̄. Adə̄ kɔ́ɔ̄n gə̄ əngen̄ yá̰á̰ ngá̰ý gírən tə́ loo kɔjə yá̰á̰ kə́ a rāā yā rāā yá̰a̰ gə̄ tə́.

KƏLA RĀĀ 10:1

Dəngam kógə̄ḿ kə́ rīn na i Kɔrney ndi kem ɓē kə́ Sejare tə́. Ni i ngol áskar gə̄, ba a ɓārə́n̄ ɓūtə̄ áskar yān gə̄ na i kə́ Itali tə́ gə̄.

KƏLA RĀĀ 21:16

Ngé ndóō yá̰á̰ kə́ Sejare gə̄ n sāān̄ kaw̄ Jerusalem ō ní, əhɔn̄jí róbə́ tə́. Nin̄-aw̄n̄ sejí ɓē dəngam kógə̄ḿ kə́ rīn na i Mənaso̰ adə̄ jə-to looneé. Ni i de kə́ dor̄ kə́ Sipər tə́ ō, ni i nge ndóō yá̰á̰ kə́ kə ta nja gə̄ tə́ beē ō.