KƏLA RĀĀ 21:7 - Bibəl ta Sar̄

⁷ Yā tɔ̄ləń ta njə̄rā mbā yājí kə to boó ní, j-ḭḭ Tir j-aw̄ Pətolemayis. Jə-rāā ngákó̰ó̰jí kə́ kem ɓē ngeé ń noō tə́ gə̄ lápə́ya ō, jə-ndi sedə́ ndɔ̄ kógə̄ḿ ō.

Bible sar

⁷ Yā tɔ̄ləń ta njə̄rā mbā yājí kə to boó ní, j-ḭḭ Tir j-aw̄ Pətolemayis. Jə-rāā ngákó̰ó̰jí kə́ kem ɓē ngeé ń noō tə́ gə̄ lápə́ya ō, jə-ndi sedə́ ndɔ̄ kógə̄ḿ ō.

KƏLA RĀĀ 21:7 Referans Kwoze

HEBƏRO 13:24

Ī-rāāī nge kɔr no ngé kán̄ naā gə̄ malang lápə́ya ō, de gə̄ yā Nə́ɓā malang lápə́ya ō. Ngé kə́ Itali tə́ gə̄ rāān̄sí lápə́ya ō.

KƏLA RĀĀ 28:12

J-aw̄ j-əla too kum kā̰ā̰ kə́ Sirakujə tə́, ba jə-ndi noó ndɔ̄ mətá.

KƏLA RĀĀ 25:13

Ndɔ̄ gə̄ mānə̄n̄, anī mban̄g Agəripa nin̄ kə Berenis reē ugə̄n̄ Sejare, ba aw̄n̄ go̰ō̰ Pestus tə́.

KƏLA RĀĀ 21:19

Dan ń ni rāādə́ lápə́ya oy anī, ɔjədə́ gotə yá̰a̰ gə̄ ń Nə́ɓā rāā dan de gə̄ kə́ nin̄ i Jipə aĺ gə̄ tə́ kə ta kūl̄ kəla yān nəkɔ́ Poló ní kə ta njaá.

KƏLA RĀĀ 21:10

Jə-ndi noó ndɔ̄ ngá̰ý. Anī nge koō ta kógə̄ḿ kə́ dɔ nang kə́ Jude tə́ reē ugə̄, rīn na i Agabus.

KƏLA RĀĀ 18:22

Ba dan ń jə̄ngā Sejare anī, aw̄ Jerusalem rāā Egəlijə lápə́ya tə́. Gō tə́ anī ni-aw̄ A̰tiyos.

KƏLA RĀĀ 12:20

Wōn̄g rāā Herod ngá̰ý kə de kə́ Tir gə̄ ō, kə de kə́ Sidon gə̄ ō. Nin̄-ɓōkə́n̄ ndūdə́ gō naā tə́ yā kaw̄ kənge Herod. Dan ń tūrə̄n̄ kem Blastus ń i pajā yā mban̄g ní adə̄ ndigə najə̄ gōdə́ tə́ oy anī, aw̄ əngen̄ Herod ba dəjenən̄ kadə̄ kə rɔ̄ɔ̄də́ alé, ba kadə̄ kə n-ndin̄ lápə́ya kə naá. Tɔdɔ̄ yá̰á̰ ń ndoōn rāādə́ gō nang yādə́ tə́ ní, nin̄ a aw̄ a ɔyn̄ i kem ɓē ko̰o̰ yā mban̄g tə́ n a reēn̄neé ní.

MATIYE 5:47

Ré i ngákó̰ó̰sí gə̄ ngóy n ā ī-rāāīdə́ lápə́ya anī, ī-rāāī i rí kə́ to tayā? De gə̄ ń nin̄ i Jipə aĺ gə̄ ní a rāān̄ i tītə̄ ń noō ō aĺ a?

1 SAMUEL 13:10

Dan ń tɔ̄l̄ ta kəla ndējə̄ Nə́ɓā yá̰a̰ tun̄ kə́ yā róō horoó ní anī Samuel ugə̄ ō. Ni-ɔtə tə́nī ta Samuel yā rāān lápə́ya.

1 SAMUEL 10:4

Nin̄ a dəjenī na ké ī-to karī wa, ba a adə̄nī mápa jōó. Ba ḭ̄ ā ī-taā mápa gə̄ ní jīdə́ tə́.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 21:3

Dan ń j-ugə̄ ngɔr á j-a̰a̰ dor̄ kə́ Sipər anī, j-əya̰n dɔ jī geljí tə́ ba j-əndā to kumjí sɔɔ̄ dɔ nang kə́ Siri. J-əla to kum kā̰ā̰ kə́ Tir tə́, tɔdɔ̄ i loo ń noō tə́ n a ɔyn̄ yá̰á̰ kə́ kemeé tū tə́ ní.

KƏLA RĀĀ 21:17

Dan ń j-ugə̄ Jerusalem ní ngákó̰ó̰jí gə̄ əhɔn̄jí kə̄ rɔ̄də́ tə́ majə ngá̰ý.