KƏLA RĀĀ 20:6 - Bibəl ta Sar̄

⁶ Jḭḭ kɔ́ gə̄ tá teē gidə gō ndɔ̄ yā mápá kə́ kanjə̄ kaa mápá tə́ anī, jḭḭ ɓē kə́ Pilipə tə́ j-utə̄ gōdə́ kə to boó, j-aw̄ j-əngedə́ Təroas kə ndɔ̄ kə́ nge ko̰ mí, ba jə-dəba noó jə-rāā ndɔ̄ sīrí.

Bible sar

⁶ Jḭḭ kɔ́ gə̄ tá teē gidə gō ndɔ̄ yā mápá kə́ kanjə̄ *kaa mápá tə́ anī, jḭḭ ɓē kə́ Pilipə tə́ j-utə̄ gōdə́ kə to boó, j-aw̄ j-əngedə́ Təroas kə ndɔ̄ kə́ nge ko̰ mí, ba jə-dəba noó jə-rāā ndɔ̄ sīrí.

KƏLA RĀĀ 20:6 Referans Kwoze

KƏLA RĀĀ 12:3

Ba dan ń ni-a̰ā̰ kadə̄ nel̄ Jipə gə̄ anī, ni-adə̄ ndūn kadə̄ əhɔn̄ Piyer ō. I kem ndɔ̄ gə̄ ń a rāān̄neé nāā yā mápá kə́ kanjə̄ kaa mápá tə́ ní.

KƏLA RĀĀ 16:12

J-ḭḭ noó j-aw̄ Pilipə ń i ɓē kə́ gō nang kə́ Masedəwan tə́ kə́ bo tɔȳ madə̄ gə̄ malang ō, i ɓē kə́ de kə́ Rom gə̄ rāān̄ ɓē tū tə́ ō ní. Jə-ndi kem ɓē ngeé ń noō tə́ dan oy tām̄.

Teē Ngán Israel gə̄ 23:15

Ā ī-rāāī nāā mápá kə́ rāā kanjə̄ kaa mápa. Ā ə́saī mápá kə́ rāā kanjə̄ kaa mápa ndɔ̄ sīrí tītə̄ ń m-ə́dańsí ní kem nāā Abib tə́, tɔdɔ̄ ī-teēī kem ɓē kə́ Ejiptə tə́ kɔ̄ɔ́ i kem nāā ń noō tə́. Deē a reē kə̄ loo kə́ táĺ yāḿ tə́ jīn karī alé.

2 TIMOTE 4:13

Loo ń ā ī-reē anī, kūbə̄ kūl̄ ń m-ə́ya̰ Təroas ɓē Karpus ní, ún jīí tə́ ī-reēń ādə̄m̄. Ɔ́y makətūbə̄ gə̄ ō, ba mandang ɓáa ɔ́y ndāŕ gə̄ ń ndangən̄ najə̄ tū tə́ ní.

Teē Ngán Israel gə̄ 34:18

Ā ī-rāāī nāā mápá kə́ rāā kanjə̄ kaa mápa. Ā ə́saī mápá kə́ rāā kanjə̄ kaa mápa ndɔ̄ sīrí, tītə̄ ń m-ə́dańsí ní kem na Abib tə́. Tɔdɔ̄ ī-teēī kem ɓē kə́ Ejiptə tə́ kɔ̄ɔ́ i kem nāā ń noō tə́.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

KƏLA RĀĀ 28:14

J-ənge ngákó̰ó̰jí gə̄ kem ɓē ngeé ń noō tə́, adə̄ nin̄-əhɔn̄jí mbā ndɔ̄ sīrí. I beé n j-ugə̄ń Rom ní.

KƏLA RĀĀ 21:8

Teē kə ndɔ̄ kə́ noō anī j-ɔr̄ dɔɔ́ j-aw̄ Sejare. Dan ń j-ugə̄ anī, j-aw̄ ɓē yā Pilipə nge kɔjə Najə̄ kə́ Majə tə́ ba jə-ndi looneé. Ni i de kə́ dan ngé kə́ sīrí gə̄ ń gə̄rān̄də́ ní tə́.

KƏLA RĀĀ 21:4

J-ənge ngé ndóō yá̰a̰ gə̄ noó, adə̄ jə-ndi sedə́ ndɔ̄ sīrí. Ndíĺ kə́ Táĺ tāādə́ adə̄ nin̄-ədan̄ Pol na kə lōō kaw̄ Jerusalem.

KƏLA RĀĀ 16:8

Tā anī nin̄-əndan̄ nang kə́ Miji gāngə̄n̄ ba aw̄n̄ Təroas.

KƏLA RĀĀ 16:10

Gō yá̰a̰ ń noō ń ndɔ̄bə̄ Pol tə́ ní, kə̄ ta jī tə́ noō jə-sāā kaw̄ Masedəwan, tām̄ jə-ger̄ majə ngá̰ý kadə̄ Nə́ɓā ɓāŕjí i kadə̄ j-aw̄ j-ɔjə de kə́ gō nang ngeé ń noō tə́ gə̄ Najə̄ kə́ Majə.

KƏLA RĀĀ 20:5

Nin̄-əsōn̄ róbó kété ba aw̄ ngóōn̄jí Təroas.

KƏLA RĀĀ 20:16

Tɔdɔ̄ Pol gḛy mān̄ Epejə kanjə̄ dəba, yā kadə̄ n-ɔrəń bā̰ā̰ gō nang kə́ Aji tə́ alé. Ni sōl̄ kaw̄ láẃ ngá̰ý i yā kadə̄ ré n-asə anī kadə̄ ni i kem ɓē kə́ Jerusalem tə́ ndɔ̄ nāā Pa̰təkotə tə́.