KƏLA RĀĀ 20:3 - Bibəl ta Sar̄

³ ba ndi noó nāā mətá. Dan ń ni-sāā kun to bo yā kaw̄ dɔ nang kə́ Siri tə́ anī, oō kadə̄ Jipə gə̄ oōn̄ naā dɔn tə́. Loo ń noō tə́ ni-gḛy tél teē gogə́ dɔ nang kə́ Masedəwan tə́.

Bible sar

³ ba ndi noó nāā mətá. Dan ń ni-sāā kun to bo yā kaw̄ dɔ nang kə́ Siri tə́ anī, oō kadə̄ *Jipə gə̄ oōn̄ naā dɔn tə́. Loo ń noō tə́ ni-gḛy tél teē gogə́ dɔ nang kə́ Masedəwan tə́.

KƏLA RĀĀ 20:3 Referans Kwoze

KƏLA RĀĀ 20:19

m̄-rāā kəla yā Kɔ́ɔ̄ɓē i kə dɔ sɔlɔ́ ō, i kə man̄ noó kumḿ tə́ ō, i dan yá̰á̰ kə́ tōr̄ gə̄ tə́ ō, sɔɔ̄ń Jipə gə̄ ń oōn̄ naā dɔḿ tə́ ní.

2 KORḚNTƏ 11:26

m̄-njə̄rā mbā ngá̰ý, adə̄ m-ə́ngé yá̰á̰ kə́ to yo gə̄ dɔ bā bo gə̄ tə́ ō, jī ngé gān̄g róbə gə̄ tə́ ō, jī náparəḿ mə̄kɔ́ gə̄ tə́ ō, jī nápar de kə́ rang gə̄ tə́ ō. M-ə́ngé yá̰á̰ kə́ to yo gə̄ kem ɓē bo gə̄ tə́ ō, kem dəla loo gə̄ tə́ ō. M-ə́ngé yá̰á̰ kə́ to yo dɔ bā bo tə́ ō, jī ngákó̰ó̰ḿ kə́ rɔ̄kum aĺ gə̄ tə́ ō.

KƏLA RĀĀ 25:3

kadə̄ kə rāā kem majə sedə́ ba kə reē kə Poló Jerusalem. Kə́ rɔ̄kum tə́ ɓáa nin̄-oōn̄ naā dɔ Pol tə́ yā tɔ̄lən róbó.

2 KORḚNTƏ 7:5

Tɔdɔ̄ dan ń j-ugə̄ dɔ nang kə́ Masedəwan tə́ ní, j-ɔr̄ koō aĺ bátə́. Wur kɔl əsō dɔjí tə́ kə ta róbə́ kə́ tayā tayā gēé: J-a jə-rɔ̄ɔ̄ kə de kə́ rang gēé ō, ɓōĺ i kemjí tə́ ō.

GALATƏ 1:21

Gō tə́ anī m-āw̄ gō nang kə́ Siri tə́ ō, kə́ Silisi tə́ ō.

2 KORḚNTƏ 1:15

Dan ń m̄-taā kem mámák kadə̄ a to i beé ní, ta kəga dɔ m̄-gír̄ i kaw̄ loosí kadə̄ ə́ngeī yá̰á̰ kə́ majə kə́ nge ko̰ jōó.

KƏLA RĀĀ 21:3

Dan ń j-ugə̄ ngɔr á j-a̰a̰ dor̄ kə́ Sipər anī, j-əya̰n dɔ jī geljí tə́ ba j-əndā to kumjí sɔɔ̄ dɔ nang kə́ Siri. J-əla to kum kā̰ā̰ kə́ Tir tə́, tɔdɔ̄ i loo ń noō tə́ n a ɔyn̄ yá̰á̰ kə́ kemeé tū tə́ ní.

KƏLA RĀĀ 19:21

Gō yá̰a̰ gə̄ ń noō ń rāān̄ yá̰á̰ tə́ ní, Pol ɔjə gír̄ teē gō nang kə́ Masedəwan tə́ ō, gō nang kə́ Akayi tə́ ō, yā kaw̄ń kə̄ Jerusalem, ni-əda na: Ré m-ūgə̄ nú anī, majə kadə̄ m-á̰a̰ ɓē kə́ Rom ō.

KƏLA RĀĀ 18:18

Pol ndi Korḛntə dan oy tām̄ ɓáý. Gō tə́ anī ni-əya̰ ngákó̰o̰n gə̄ ba al̄ kem to bo kógə̄ḿ tə́ yā kaw̄ kə̄ Siri naā tə́ kə Pərisil ō Akilas ō. Ni dəsā dɔn kɔ̄ɔ́ kem ɓē kə́ Sankəre tə́, tɔdɔ̄ ni-ənī míndən kété.

KƏLA RĀĀ 16:9

Ndɔ̄ɔ́ anī yá̰a̰ ndɔ̄bə̄ Pol: Ni-a̰a̰ deē kógə̄ḿ kə́ Masedəwan. Deē ní ra kə njan kə́ dɔɔ́ rāān ɓɔ́ ba ədan na: Ī-reē Masedəwan ī-dḭḭ̄jí!

JEREMI 5:26

Tɔdɔ̄ de kə́ najə̄ i dɔdə́ tə́ gə̄ i dan gír deē yāḿ gə̄ tə́, nin̄ umə̄n̄ loo tītə̄ ń nge kəyā gūmbə̄ əyāń gūmbə̄ ō əhɔń de gə̄ ō ní.

Gōsə̄ najə̄ gə̄ 1:11

Ngáń kə́ beé gə̄ a ə́daīn̄ na kə āw̄ sedə́, kə ī-gāngī de gə̄ róbó, kə ī-tɔ̄līdə́, ká i de gə̄ kə́ najə̄ gətóo dɔdə́ tə́ gə̄gē anī, kə ī-teēī sedə́ rétə́ gēé kə ə́hɔīdə́ dɔ jīdə́ tə́ kanjə̄ kumən, anī ī-mbātə́ kɔ̄ɔ́!

ESDRAS 8:31

Kə ndɔ̄ kə́ nge ko̰ kutə gidə i jōó yā nāā kə́ ta kəga dɔɔ́ anī, j-ḭḭ kadə man̄ kə́ Ahaba tə́ yā kaw̄ ta kaw̄ kə̄ Jerusalem. Dan ń jḭḭ i róbó ní, Nə́ɓā yājí əndā jīn dɔjí tə́ ngɔ̄m̄jí ta madə̄ ba̰ā̰jí gə̄ tə́ ō, ta ngé kum̄ róbə gə̄ tə́ ō.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

KƏLA RĀĀ 16:12

J-ḭḭ noó j-aw̄ Pilipə ń i ɓē kə́ gō nang kə́ Masedəwan tə́ kə́ bo tɔȳ madə̄ gə̄ malang ō, i ɓē kə́ de kə́ Rom gə̄ rāān̄ ɓē tū tə́ ō ní. Jə-ndi kem ɓē ngeé ń noō tə́ dan oy tām̄.

KƏLA RĀĀ 20:1

Dan ń gír najə̄ gān̄g anī, Pol ɓāŕ ngé taā kem gə̄ ba əla go̰ kemdə́ tə́. Gō tə́ anī ni-rāādə́ lápə́ya a̰ȳń ta njan ba ɔr̄ dɔɔ́ ta kaw̄ kə̄ Masedəwan.

KƏLA RĀĀ 20:2

Ni ənda gō nang ń noō gān̄g ba ɔjə ngákó̰o̰n kə́ tū tə́ gə̄ najə̄ yā Nə́ɓā ngá̰ý əlań go̰ kemdə́ tə́ dɔɔ́ dɔɔ́. Ni-aw̄ bátə́ ugə̄ dɔ nang kə́ Gəresə tə́,