KƏLA RĀĀ 20:2 - Bibəl ta Sar̄

² Ni ənda gō nang ń noō gān̄g ba ɔjə ngákó̰o̰n kə́ tū tə́ gə̄ najə̄ yā Nə́ɓā ngá̰ý əlań go̰ kemdə́ tə́ dɔɔ́ dɔɔ́. Ni-aw̄ bátə́ ugə̄ dɔ nang kə́ Gəresə tə́,

Bible sar

² Ni ənda gō nang ń noō gān̄g ba ɔjə ngákó̰o̰n kə́ tū tə́ gə̄ najə̄ yā Nə́ɓā ngá̰ý əlań go̰ kemdə́ tə́ dɔɔ́ dɔɔ́. Ni-aw̄ bátə́ ugə̄ dɔ nang kə́ Gəresə tə́,

KƏLA RĀĀ 20:2 Referans Kwoze

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

1 TESALONIK 2:3

Najə̄ kə́ Majə ń j-ɔjə ní teē i tū gír̄ kə́ gō tə́ aĺ tə́ aĺ ō, kə́ yḛr tə́ aĺ ō, kə́ kə ngamaá tə́ aĺ ō,

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

1 TESALONIK 2:11

Tītə̄ ń ī-gerīneé ní, yá̰á̰ ń jə-rāā sesí ní, i tītə̄ yá̰á̰ ń bɔbə̄ ngán gə̄ a rāā kə ngánən gēé ní.

KƏLA RĀĀ 20:11

Ni-tél aw̄ dɔɔ́ gogə́, tetə mápa əsa, ba ɔr̄ najə̄ ɓáý to̰ bátə́ loo tīī tá ḭḭ mbā.

KƏLA RĀĀ 17:10

Ndɔ̄ɔ́ anī, ngákó̰ó̰jí gə̄ adə̄n̄ Pol nin̄ kə Silas aw̄n̄ kem ɓē kə́ Bere tə́. Dan ń ugə̄n̄ anī aw̄n̄ kújə́ kán̄ naā yā Jipə gə̄ tə́.

KƏLA RĀĀ 17:1

Pol nin̄ kə Silas əndan̄ nang kə́ Ampipolis ō, kə́ Apoloni ō gāngə̄n̄, ba aw̄ ugə̄n̄ kem ɓē kə́ Tesalonik tə́. Kújə́ kán̄ naā yā Jipə gə̄ i kem ɓē ní tə́.

KƏLA RĀĀ 16:12

J-ḭḭ noó j-aw̄ Pilipə ń i ɓē kə́ gō nang kə́ Masedəwan tə́ kə́ bo tɔȳ madə̄ gə̄ malang ō, i ɓē kə́ de kə́ Rom gə̄ rāān̄ ɓē tū tə́ ō ní. Jə-ndi kem ɓē ngeé ń noō tə́ dan oy tām̄.

KƏLA RĀĀ 15:41

Ni ənda dɔ nang kə́ Siri ō, kə́ Silisi ō gān̄g. Ni mbūsə̄ de gə̄ kə́ kem Egəlijə gə̄ tə́ adə̄ ran̄ ngan̄g dɔ taā kem yādə́ tə́ ō.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

KƏLA RĀĀ 2:40

Piyer ɔr̄ najə̄ kə́ rang gə̄ ngá̰ý sedə́ loo de kə́ kum yá̰á̰ tə́ tə́ ɔjəńdə́ yá̰a̰ kadə̄ gerə̄n̄ ō, mēr̄də́ kəhɔ rɔ̄də́ tɔgə ō ədadə́ na: Ī-ndigiī yá̰á̰ ń i kajə ní ādə̄ ajən̄sí, loo ń noō tə́ ā ī-teēī kɔ̄ɔ́ dan gír de kə́ tadə́ tḭ̄ḭ̄ kɔ̄ɔ́ gə̄ ń toō tə́!

JAKARI 9:13

M-ā m-ún dɔ nang kə́ Juda tītə̄ loo kun ga̰ gərā kə́ yā rɔ̄ɔń beē. Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.

Najə̄ kə́ Majə yā Jeju ń Luk ndang ní 3:18

Ja̰a̰ ɔjə ngán Israel gə̄ najə̄ dɔ yá̰á̰ kə́ rang gə̄ tə́ ngá̰ý ɓáý to̰. Ni ɔjədə́ Najə̄ kə́ Majə i tītə̄ ń noō.

KƏLA RĀĀ 20:1

Dan ń gír najə̄ gān̄g anī, Pol ɓāŕ ngé taā kem gə̄ ba əla go̰ kemdə́ tə́. Gō tə́ anī ni-rāādə́ lápə́ya a̰ȳń ta njan ba ɔr̄ dɔɔ́ ta kaw̄ kə̄ Masedəwan.

KƏLA RĀĀ 20:3

ba ndi noó nāā mətá. Dan ń ni-sāā kun to bo yā kaw̄ dɔ nang kə́ Siri tə́ anī, oō kadə̄ Jipə gə̄ oōn̄ naā dɔn tə́. Loo ń noō tə́ ni-gḛy tél teē gogə́ dɔ nang kə́ Masedəwan tə́.

1 KORḚNTƏ 4:19

Banī ré Kɔ́ɔ̄ɓē ndigə anī, m-ā m̄-tél yā kaw̄ loosí ngɔr. Loo ń noō tə́ ngé gə̄ ń ɔjən̄ rɔ̄də́ ngá̰ý ní, m-ā m̄-ger̄ i najə̄ kɔr̄də́ ngóy alé, ba i kəla rāādə́ gə̄.