Biblia Todo Logo
Bib sou entènèt

- Piblisite -




KƏLA RĀĀ 2:9 - Bibəl ta Sar̄

9 Partə gə̄ ō, Medə gə̄ ō, Elam gə̄ ō, de kə́ Mesopotami tə́ gə̄ ō, Jude gə̄ ō, Kapados gə̄ ō, Po̰o̰ gə̄ ō, de kə́ gō nang kə́ Aji tə́ gə̄ ō,

Gade chapit la Kopi

Bible sar

9 Partə gə̄ ō, Medə gə̄ ō, Elam gə̄ ō, de kə́ Mesopotami tə́ gə̄ ō, Jude gə̄ ō, Kapados gə̄ ō, Po̰o̰ gə̄ ō, de kə́ gō nang kə́ Aji tə́ gə̄ ō,

Gade chapit la Kopi




KƏLA RĀĀ 2:9
34 Referans Kwoze  

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.


I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,


Ī-ger̄ majə kadə̄ de kə́ Aji tə́ gə̄ malang əya̰mə̄n̄ kɔ̄ɔ́. Pijel nin̄ kə Hermojen i sedə́ ō.


Ni-ənge Jipə kógə̄ḿ kə́ ojənən̄ dɔ nang kə́ Po̰o̰ tə́ kem ɓē ní tə́, rīn na i Akilas. Jipə ní ḭḭ dɔ nang kə́ Itali tə́ reē ugə̄ i ngɔr ɓáý nin̄ kə nə̄yá̰n Pərisil, tɔdɔ̄ Kəlodə nge ko̰o̰ ɓē adə̄ ndūn kadə̄ Jipə gə̄ malang teēn̄ kɔ̄ɔ́ kem ɓē kə́ Rom tə́. Pol aw̄ əngedə́, adə̄ ndi sedə́ ō, rāā kəla sedə́ ō,


Pol nin̄ kə Silas əndan̄ nang kə́ Pəriji ō kə́ Galasi ō gāngə̄n̄, tɔdɔ̄ Ndíĺ kə́ Táĺ ɔgə̄də́ kɔjə najə̄ dɔ nang kə́ Aji tə́.


Ni-rāā beé ɓāl̄ jōó, adə̄ de gə̄ malang kə́ gō nang kə́ Aji tə́, Jipə gə̄ gə̄gē, Gərek gə̄ gə̄gē oōn̄ najə̄ yā Kɔ́ɔ̄ɓē.


Anī de kə́rēý gə̄ ḭḭn̄ seneé kə najá. De gə̄ ní i de gə̄ ń a ɓārə́n̄ kújə́ kán̄ naā yādə́ na i kújə́ kán̄ naā yā ɓəlo gə̄ kə́ gāngə̄n̄ dɔdə́ kɔ̄ɔ́ gə̄ ní ō, i de kə́ Siren tə́ gə̄ ō, kə́ Aleksandəri tə́ gə̄ ō, kə́ Silisi tə́ gə̄ ō, kə́ gō nang kə́ Aji tə́ gə̄ ō. Nin̄-nējə̄n̄ naā najə̄ kə Etiyen.


Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.


Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.


Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.


Nge kəla ní əhɔ jámbal kutə kógə̄ḿ dan jámbal yā kɔ́ɔ̄n Abəraham gə̄ tə́ ō, gə̄rā yá̰á̰ kə́ majə majə gə̄ dan yá̰a̰ kənge yā kɔ́ɔ̄n gə̄ tə́ malang ō, ba əsō róbó aw̄ kə̄ dɔ nang kə́ Mesopotami tə́, ɓē Nahor.


Dan ngeé ń noō tə́ ní Amrapel mban̄g kə́ Sinear ō, Ariok mban̄g kə́ Elasar ō, Kedor Laomer mban̄g kə́ Elam ō, Tidal mban̄g kə́ Goim ō,


ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.


Tɔdɔ̄ ngákó̰ó̰jí gə̄, jə-gḛy kadə̄ ī-gerī gō yá̰á̰ kə́ tōr̄ gə̄ ń rāān̄jí dɔ nang kə́ Aji tə́ ní: Yá̰á̰ kə́ tōr̄ gə̄ ní ɔȳn̄jí ngá̰ý, kɔȳdə́ tɔȳ tɔ́gə́jí, adə̄ j-əndā kemjí dɔ ndi tə́ kə kumjí to̰ alé.


De gə̄ kə́ kem Egəlijə gə̄ kə́ dɔ nang kə́ Aji tə́ rāān̄sí lápə́ya. Akilas ō, Pərisil ō, naā tə́ kə de gə̄ kə́ kem Egəlijə tə́ ń a kánə̄n̄ naā kem kújə yādə́ nin̄ tə́ ní, rāān̄sí lápə́ya kə gō ɓoojí naā kə Kɔ́ɔ̄ɓēé.


Ī-rāāī de kə́ kem Egəlijə tə́ gə̄ ń a kánə̄n̄ naā loodə́ ní lápə́ya ādə̄mī ō. Ī-rāāī kó tár yāḿ Epenetə ń i nge taā kem Jeju Kərist kə́ ta kəga dɔ sasak kə́ gō nang kə́ Aji tə́ ní lápə́ya ādə̄mī ō.


Dan ń nin̄-reē ugə̄n̄ rɔ̄n tə́ anī ədadə́ na: Əla gír ndɔ̄ ń m-ə̄ndań njaḿ dɔ nang kə́ Aji tə́ ní, hálə́ḿ ń m̄-ndiń sesí ní sḭḭ̄ ī-gerī.


Tɔdɔ̄ Pol gḛy mān̄ Epejə kanjə̄ dəba, yā kadə̄ n-ɔrəń bā̰ā̰ gō nang kə́ Aji tə́ alé. Ni sōl̄ kaw̄ láẃ ngá̰ý i yā kadə̄ ré n-asə anī kadə̄ ni i kem ɓē kə́ Jerusalem tə́ ndɔ̄ nāā Pa̰təkotə tə́.


Tá de kə́ bo kə́rēý gə̄ kə́ Aji tə́, kə́ nin̄ i madə̄ tan gə̄ əlan̄ rɔ̄n tə́ rāānən̄ ɓɔ́ kadə̄ kə lōō kaw̄ loo yá̰á̰ kə́ rāā yā kɔjəń yá̰á̰ gə̄ tə́ ɓáý to̰.


I kəla yājí ngóy n a nujə ní alé, ba Artemis ń i nə́ɓā kə́ dəyá̰ kə́ bo ní gə̄gē, najə̄ kújə yān a ɓār̄ to̰ alé! Loo ń noō tə́ nə́ɓā kə́ dəyá̰ ngeé ń toō ń de gə̄ malang kə́ gō nang kə́ Aji tə́ ō, kə́ dɔ nang tə́ laā ō a rɔȳn̄ ní, kɔsə gɔn yān a gətóo kɔ̄ɔ́!


Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:


Bal batə̄ ń á̰a̰ á gajən i jōó ní i mban̄g Medə gə̄ ō Persə gə̄ ō.


Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.


Banī əngen̄ ndāŕ ndang najə̄ kógə̄ḿ kə́ ɓír̄ gidə naā tə́ i kem ɓē kə́ ngan̄g ngá̰ý ń rīn na i Ekəbatan ní tə́ gō nang kə́ Medi tə́. Najə̄ ń ndangən̄ kem makətūbə̄ ngeé ń toō tə́ ní n toó:


Dan ń Hanun nin̄ kə Amon gə̄ gerə̄n̄ kadə̄ yá̰á̰ ń rāān̄ ní rāā adə̄ nin̄ télən̄ de kə́ majaĺ ngá̰ý gə̄ ta kum Dabid tə́ anī, əlan̄ kə gində̄ arjā̰a̰ kə́ kɔȳn i kəlōo dūbú kutə mətá mangən̄neé Aram gə̄ kə́ bā kə́ jōó gə̄ tə́ ō, Aram gə̄ kə́ Maaka ō, kə́ Soba ō, púsə rɔ̄ɔ̄ gə̄ ō, ngé kal̄ sə́nda gə̄ ō.


Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.


Amon gə̄ ō, Moab gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé i kə́ bátə́ gə̄ tə́. Ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé. Ká i gír kojə yādə́ kə́ nge ko̰ kutə gə̄gē a udə alé.


Ngán Sem gə̄ n toó: Elam ō, Asur ō, Arpaksad ō, Lud ō, Aram ō.


Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.


Ba i ba̰ý á jḭḭ̄ kógə̄ḿ kógə̄ḿ j-oōī ta ɓē yājí gə̄ tadə́ tə́ ní?


Madə̄ mbān gə̄ i Sopater ngōn̄ Pirus kə́ Bere ō, Aristark nin̄ kə Sekundus kə́ Tesalonik ō, Gayus kə́ Derbə ō, Timote ō, Tisik nin̄ kə Təropim ń nin̄ i de kə́ Aji tə́ gə̄ ní ō.


Ndɔ̄ kə́ sīrí gə̄ ń jə-ndiń Jerusalem ní a rāā yā təgā ngɔr anī, Jipə kə́ gō nang kə́ Aji tə́ gə̄ a̰a̰n̄ Pol kem kújə yā Kɔ́ɔ̄ɓē tə́. Nin̄-sə̄lān̄ kósə de gə̄ malang ba əhɔn̄ Pol.


I loo ń noō tə́ n teēn̄ dɔḿ tə́ kem kújə yā Kɔ́ɔ̄ɓē tə́, ndɔ̄ ń m-ā m̄-tɔ̄ləń ta tə́go rɔ̄ḿ tə́ kadə̄ m-ūnjəń njáý njáý tə́ ní. De gə̄ ɔsən̄ dɔdə́ naā tə́ ran̄ aĺ ō, ká̰a̰ najə̄ ɓār̄ sow aĺ ō.


Loo ń noō tə́ j-al̄ kem too bo kógə̄ḿ kə́ Adəramitə tə́, kə́ a aw̄ i yā kaw̄ dəba kə gō kum kā̰ā̰ gə̄ kə́ gō nang kə́ Aji tə́ tə́. Too ní ɔr̄ dɔɔ́ sejí. Deē ń i sejí ní i Aristark. Ni i de kə́ Masedəwan kə́ Tesalonik tə́.


Swiv nou:

Piblisite


Piblisite