KƏLA RĀĀ 2:4 - Bibəl ta Sar̄

⁴ Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

Bible sar

⁴ *Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

KƏLA RĀĀ 2:4 Referans Kwoze

MARK 16:17

Yá̰á̰ kə́ to kɔr kum gə̄ ń a ɔjən̄ kadə̄ Nə́ɓā i kə ngé taā kem gə̄ ní n toó: Nin̄ a tə̄ɓān̄ ndíĺ kə́ majaĺ gə̄ kə rīḿ ō, a ɔrə̄n̄ najə̄ kə ta kə́ kijə gə̄ ō.

KƏLA RĀĀ 13:52

Ba ngé ndóō yá̰a̰ gə̄ kə́ A̰tiyos tá rɔ̄də́ nel̄də́ ngá̰ý ō, Ndíĺ kə́ Táĺ rosə kemdə́ ō.

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī Ndíĺ kə́ Táĺ rosə kemsí.

1 KORḚNTƏ 12:10

adə̄ de kə́ rang tɔ́gə rāā yá̰á̰ kə́ yáā gə̄ ō, adə̄ de kə́ rang tɔ́gə kəda najə̄ kə́ Nə́ɓā əndā tan tə́ ō, adə̄ de kə́ rang ɓáý to̰ tɔ́gə ger̄ gíŕ ndíĺ gə̄ ō, adə̄ de kə́ rang tɔ́gə kɔr̄ najə̄ kə ta kə́ tayā gə̄ ō, adə̄ de kə́ rang ɓáý to̰ tɔ́gə ger̄ kum ta kə́ tayā gə̄ ní ō.

JA̰A̰ 14:26

Ba nge rāā sesí i Ndíĺ kə́ Táĺ ń Bɔbə́ḿ a əlań kə rīḿ ní. Ni a ndóōsí yá̰a̰ malang ō, a rāā kadə̄ əga kemsí dɔ najə̄ gə̄ ń m-ə́dásí tə́ ní ō.

KƏLA RĀĀ 19:6

Pol əndā jīn dɔdə́ tə́, anī Ndíĺ kə́ Táĺ reē dɔdə́ tə́. Loo ń noō tə́ nin̄-ɔrə̄n̄ najə̄ kə ta kə́ tayā tayā gə̄ ō, ədan̄ najə̄ gə̄ ń Nə́ɓā əndā tadə́ tə́ ní ō.

KƏLA RĀĀ 10:46

Tɔdɔ̄ nin̄-oōn̄ ndūdə́ loo kɔr̄ najə̄ tə́ kə ta kə́ tayā gə̄ ō, loo kɔsə gɔn bo Nə́ɓā tə́ ō. Anī Piyer əda na:

KƏLA RĀĀ 9:17

Ananias aw̄, aké udə kújú, əndā jīn dɔ Sol tə́ ba əda na: Ngōkó̰ó̰ḿ Sol, Kɔ́ɔ̄ɓē Jeju ń ndɔ̄bī róbó adə̄ á̰a̰n ta reēí tə́ ní, əlam̄ kadə̄ ī-tél á̰a̰ loo gogə́ ō, kadə̄ Ndíĺ kə́ Táĺ rosə kemií ō.

KƏLA RĀĀ 7:55

Ndíĺ kə́ Táĺ rosə kem Etiyen. Ni-ənī kumən kə̄ dɔɔ́ anī a̰a̰ kɔsə gɔn yā Nə́ɓā ō, a̰a̰ Jeju ra kə njan kə́ dɔɔ́ dɔ jī ko̰ Nə́ɓā tə́ ō.

KƏLA RĀĀ 1:5

Tɔdɔ̄ Ja̰a̰ rāā de gə̄ batém i kum man̄ tə́, banī na̰y ndɔ̄ i ngá̰ý aĺ kadə̄ a rāān̄sí batém kum Ndíĺ kə́ Táĺ tə́.

1 KORḚNTƏ 13:8

Tár a to ngándáńg. Gír kəda najə̄ kə́ Nə́ɓā əndā ta deē tə́ a gān̄g ō, gír kɔr̄ najə̄ kə ta kə́ tayā gə̄ a gān̄g ō, gíŕ yá̰a̰ ger̄ kə́ kə ta kūl̄ Ndíĺ kə́ Táĺ a gān̄g ō.

1 KORḚNTƏ 13:1

Ká ré m-ɔ̄rəń i ta yā de kə́ dɔ nang tə́ gə̄ ō, yā de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

KƏLA RĀĀ 13:9

Loo ń noō tə́ Ndíĺ kə́ Táĺ rosə kem Sol ń a ɓāŕnən̄ na i Pol ō ní, adə̄ əndā kumən dɔn tə́,

KƏLA RĀĀ 2:11

Jipə húŕ gə̄ ō, Jipə tél gə̄ ō, Kəretə gə̄ ō, Arabə gə̄ ō nin̄ i danjí tə́. Banī ngámbang kəla gə̄ ədan̄ najə̄ yá̰á̰ kə́ bo bo gə̄ ń Nə́ɓā rāā ní kə ta ɓē yājí gēé adə̄ j-oōī.

Najə̄ kə́ Majə yā Jeju ń Luk ndang ní 12:12

Tɔdɔ̄ kum mbang nəkɔ́ ń noō tə́ ní Ndíĺ kə́ Táĺ a ndóōsí yá̰á̰ ń kadə̄ ə́daī ní.

1 KORḚNTƏ 14:18

m̄-ndadə̄ Nə́ɓā najə̄ kɔr̄ ń m-ɔ̄r̄ najə̄ kə ta kə́ tayā gə̄ tɔȳsí malang ní.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

KƏLA RĀĀ 4:8

Loo ń noō tə́ Piyer ń Ndíĺ kə́ Táĺ rosə kemən ní ədadə́ na:

JA̰A̰ 20:22

Gō najə̄ ń toō tə́ anī, ni əla tóo dɔdə́ tə́ ba ədadə́ na: Ī-taāī Ndíĺ kə́ Táĺ.

Najə̄ kə́ Majə yā Jeju ń Luk ndang ní 4:1

Jeju ń Ndíĺ kə́ Táĺ rosə kemən ní tél bā Jurdḛ tə́, anī Ndíĺ kə́ Táĺ ɔrən ta róbə aw̄ seneé kem dəla loo tə́. Ni-ndi noó ndɔ̄ kutə sɔ́,

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

1 KORḚNTƏ 14:5

m̄-ndigə ngá̰ý kadə̄ sḭḭ̄ malang ɔ̄rī najə̄ kə ta kə́ tayā gə̄. Banī ré ə́daī najə̄ kə́ Nə́ɓā əndā tasí tə́ anī, a nelə̄m̄ ngá̰ý tɔȳ ɓáý to̰. Nge kəda najə̄ kə́ Nə́ɓā əndā tan tə́ tɔȳ nge kɔr̄ najə̄ kə ta kə́ tayā gə̄. Ba ré nge kɔr̄ najə̄ kə ta kə́ tayā gə̄ əda kum najə̄ ní adə̄ ngé kán̄ naā gə̄ malang əngen̄neé tɔ́gə anī, nge kəda najə̄ kə́ Nə́ɓā əndā tan tə́ tɔȳn alé.

KƏLA RĀĀ 11:15

M-ə́lá gír kɔr̄ najə̄ ɓáý anī Ndíĺ kə́ Táĺ reē dɔdə́ tə́ tītə̄ ń reēń dɔjí tə́ ta kəla gíŕ tə́ ní.

KƏLA RĀĀ 6:5

Kósə́ ngé ndóō yá̰a̰ gə̄ malang ndigən̄ najə̄ ní. Adə̄ gə̄rān̄ Etiyen ń i de kə́ taā kem yān i taā kem kə́ mámák ō, Ndíĺ kə́ Táĺ rosə kemən ní ō, gə̄rān̄ Pilipə ō, Pərokor ō, Nikanor ō, Timon ō, Parmenas ō, Nikola kə́ A̰tiyos tə́ ń kété ni i Jipə tél ní ō,

KƏLA RĀĀ 6:3

Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

Najə̄ kə́ Majə yā Jeju ń Luk ndang ní 1:15

Tɔdɔ̄ ni a tél de kə́ bo ta kum Kɔ́ɔ̄ɓē tə́. Ni a a̰ȳ kasə kan̄ kāgə̄ nduú aĺ ō, a a̰ȳ kasə kə́ rang kə́ ngan̄g aĺ ō. Ndíĺ kə́ Táĺ a rosən dan ń ni i kem kó̰o̰n tə́ ɓáý ní.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

IJAI 28:11

I beé ní, ngɔlaā Kɔ́ɔ̄ɓē a ɔr̄ najə̄ kə gír de gə̄ ń toō i kə ta tə̄rāá, i kə najə̄ gə̄ kə́ nin̄ gerə̄n̄ kum alé.

2 SAMUEL 23:2

Ndíĺ Kɔ́ɔ̄ɓē ɔr̄ najə̄ kə kūlə̄ḿ, ni-əndā najə̄ yān ta ndo̰ḿ tə́.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.

KƏLA RĀĀ 11:24

Tɔdɔ̄ Barnabas i de kə́ majə, kə́ Ndíĺ kə́ Táĺ rosə kemən ō, ni-taā kem mámák ō. Adə̄ kósə de gə̄ ngá̰ý ndigən̄ najə̄ yā Kɔ́ɔ̄ɓē.

KƏLA RĀĀ 6:8

Etiyen rāā yá̰á̰ kə́ yáā gə̄ kə́ to ɓōĺ ngá̰ý gə̄ ō, yá̰á̰ kə́ to kɔr kum gə̄ kə́ bo ngá̰ý gə̄ ō, dan ngán Israel gə̄ tə́ kə ta kūl̄ tɔ́gə́ ń Nə́ɓā adə̄n ní.

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

Najə̄ kə́ Majə yā Jeju ń Luk ndang ní 1:67

Ndíĺ kə́ Táĺ rosə kem bɔbə̄n Jakari, adə̄ ɔr̄ najə̄ kə́ nge koō ta tə́ əda na:

Najə̄ kə́ Majə yā Jeju ń Luk ndang ní 1:41

Dan ń Elijabet oō lápə́ya ń Mari rāān ní anī ngōn̄ jənga rik rik kemən tə́. Ndíĺ kə́ Táĺ rosə Elijabet,

MISE 3:8

Ba mā ɓáa, kə ta kūl̄ ndíĺ Kɔ́ɔ̄ɓēé ní, tɔ́gə́ḿ i ngá̰ý ō, m̄-ger̄ yá̰á̰ kə́ gōtə́ ō, m-ə́hɔ rɔ̄ḿ tɔgə ngá̰ý ō. Adə̄ de gə̄ kə́ kem kojə yā Jakob tə́, ń i gír de gə̄ yā Israel ní, m-ásə kɔjədə́ kəsō wōn̄g yādə́ ō, mān̄ dɔ ndū najə̄ yādə́ ō, kadə̄ gerə̄n̄.

MATIYE 10:19

Loo ń a əlan̄sí jī de gə̄ tə́ anī, ī-lōōī sōl̄ kəda na ké ā ə́daī na i rí ō, ké loo kədan i ba̰ý ō wa. Tɔdɔ̄ Nə́ɓā a ədasí najə̄ i kum mbang nəkɔ́ ń noō tə́ kadə̄ ā ə́daīdə́.

1 SAMUEL 10:10

Dan ń Saul nin̄ kə nge kəla yānneé ugə̄n̄ Gibea anī, əngen̄ ɓūtə̄ ngé koō ta gə̄ kə́ a reēn̄ kum kə̄ rɔ̄də́ tə́. Loo ń noō tə́ Ndíl yā Nə́ɓā reē dɔ Saul tə́ kə tɔ́gɔ́ adə̄ udə dandə́ tə́ ba rāā yá̰a̰ tītə̄ kə́ yá̰a̰ rāān beé.

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

EJEKIEL 3:11

Ba gō tə́ anī āw̄ rɔ̄ ngákó̰ó̰í gə̄ ń i ngán Israel ní tə́, nin̄ ń ɔyn̄də́ dɔ gúú tə́ reēn̄ sedə́ laā ní. Ɔ̄r̄ najə̄ sedə́, ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: Ká nin̄ oōn̄ najə̄ yāí aáā, oōn̄ aĺ aáā, ɔ̄r̄ najə̄ sedə́.

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

1 SAMUEL 1:14

adə̄ ədan na: Kasə ní a rāāī ngá̰ý ɓáý a? Āw̄ ī-to ī-ɓīī ādə̄ kasə gán̄g kumií tə́.

KƏLA RĀĀ 2:3

Anī nin̄-a̰a̰n̄ yá̰á̰ kə́ tītə̄ ta ndo̰ hor gə̄ beé teēn̄ hɔy kə̄ rɔ̄də́ tə́. Yá̰a̰ gə̄ ní kēgə̄n̄ naā ba reē əhɔn̄ loo dɔdə́ gə̄ tə́ kógə̄ḿ kógə̄ḿ.

KƏLA RĀĀ 8:17

Adə̄ Piyer nin̄ kə Ja̰a̰ əndān̄ jīdə́ dɔdə́ tə́, anī nin̄-əngen̄ Ndíĺ kə́ Táĺ.

KƏLA RĀĀ 10:47

De gə̄ ń toō ń əngen̄ Ndíĺ kə́ Táĺ tītə̄jí ní, deē asə kɔgə̄ kadə̄ rāān̄də́ batém a?

KƏLA RĀĀ 15:8

Ba Nə́ɓā ń i nge ger̄ kem de gə̄ ní ɔjə kə̄ ndágá kadə̄ əhɔdə́ kə̄ rɔ̄n tə́ i kə ta kūl̄ kadə̄də́ Ndíĺ kə́ Táĺ tītə̄ ń ni-adə̄ńjí ní ō.