KƏLA RĀĀ 2:22 - Bibəl ta Sar̄

²² Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

Bible sar

²² *Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ *Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

KƏLA RĀĀ 2:22 Referans Kwoze

JA̰A̰ 3:2

Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

KƏLA RĀĀ 4:10

I beé ní majə kadə̄ sḭḭ̄ malang ī-gerī ō, majə kadə̄ ngán Israel gə̄ malang gerə̄n̄ ō, kadə̄ Jeju Kərist kə́ Najaret ń ə́ndaniī kə máyá̰ tū kāgə̄ kə́ dēsə́ tə́ ní, ni ń oy tá Nə́ɓā ndólə̄n dan de kə́ koy gə̄ tə́ ní, i kə ta kūl̄ rīneé n nja de kə́ nge lígə̄rī ń ra nosí tə́ toō ndájəń ní.

Najə̄ kə́ Majə yā Jeju ń Luk ndang ní 11:20

Kə́ rɔ̄kum tə́ ɓáa mā m̄-tə̄ɓā ndíĺ kə́ majaĺ gə̄ i kə tɔ́gə yā Nə́ɓāá. Kumən na Ɓē ko̰o̰ yā Nə́ɓā reē ugə̄ rɔ̄sí tə́ kɔ̄ɔ́.

MATIYE 12:28

Ba ré m̄-tə̄ɓā ndíĺ kə́ majaĺ gə̄ i kə ta kūl̄ Ndíĺ yā Nə́ɓā anī, i Ɓē ko̰o̰ yā Nə́ɓā n-reē ugə̄ rɔ̄sí tə́ ɓá kɔ̄ɔ́ noō.

MATIYE 9:8

Dan ń kósə de gə̄ a̰a̰n̄ yá̰á̰ ń noō anī, ɓōĺ rāādə́ ō, nin̄-ɔsən̄ gɔn Nə́ɓā tām̄ kadə̄ ń ni-adə̄ de gə̄ tɔ́gə kə́ tītə̄ ń noō ní ō.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

2 KORḚNTƏ 12:12

Yá̰a̰ gə̄ ń ɔjən̄ kə̄ ndágá kadə̄ mā i ngōmbang kəla ní, rāān̄ yá̰a̰ dɔ dáńsí tə́. Nin̄ n toō: I tə́gā kə́ m̄-tə́gā taḿ ngá̰ý dan yá̰a̰ gə̄ tə́ malang ō, i yá̰á̰ kə́ majə ngá̰ý kə́ to kɔr kum gə̄ ō, i yá̰á̰ kə́ yáā kə́ tayā tayā gə̄ ō, i yá̰a̰ gə̄ kə́ rāā kə tɔ́gɔ́ ō.

KƏLA RĀĀ 26:26

Mban̄g Agəripa ger̄ yá̰a̰ gə̄ ń toō, adə̄ m-ásə kɔr̄ najə̄n ta kumən tə́ kanjə̄ ɓōĺ. Mā m̄-taā kem mámák kadə̄ yá̰á̰ kógə̄ḿ kə́ mbaān ni danaá gətóo. Tɔdɔ̄ yá̰a̰ gə̄ ń toō ní rāān̄ yá̰a̰ i kɔgɔ̄ loo kógə̄ḿ tə́ alé.

KƏLA RĀĀ 26:9

Mā nəkɔ́ ń toō ní, kété m̄-gír̄ kemḿ tə́ m-ə́da na majə kadə̄ m̄-rāā yá̰a̰ malang ń tɔ́gə́ḿ asə ní kadə̄ m̄-nujəń rī Jeju kə́ Najaret kɔ̄ɔ́.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

KƏLA RĀĀ 22:8

m̄-tél m-ə́dan na: I ḭ̄ náā, Kɔ́ɔ̄ɓē? Ndū deē ní tél ədam̄ na: I mā Jeju kə́ Najaret ń ā ī-rāām̄ ndoō tə́ ní.

KƏLA RĀĀ 21:28

Nin̄-əgan̄ kɔŕ ədan̄ na: Israel gə̄ ī-dḭḭ̄jí tə́! Á̰a̰ī deē ń a aw̄ kə̄ loo gə̄ tə́ malang a ndóoń de gə̄ malang kadə̄ mbātə́n̄ gír deē yājí gə̄ ō, ndū najə̄ yā Moijə ō, kújə yā Kɔ́ɔ̄ɓē ń toō ō ní, ni n toó! Ba kə́ kal̄ naā ní ni udə kə de gə̄ kə́ nin̄ i Jipə aĺ gə̄ kem kújə yā Kɔ́ɔ̄ɓē tə́ rāań adə̄ loo kə́ táĺ ń toō tél kə́ yḛr kɔ̄ɔ́.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

KƏLA RĀĀ 13:16

Anī Pol ḭḭ dɔɔ́, wél̄ jīn, ba əda na: Israel gə̄ ō, sḭḭ̄ ngé rāā kəla kadə̄ Nə́ɓā ō, ōōī najə̄ yāḿ.

KƏLA RĀĀ 6:14

Najə̄ ń ni-əda ní j-oō majə ngá̰ý, ni-əda na Jeju kə́ Najaret ń noō na a nujə loo ń toō kɔ̄ɔ́ ō, na a tūr̄ gír jī bēl̄ loo rāā yá̰a̰ gə̄ ń Moijə ɔjəjí ní kɔ̄ɔ́ ō.

KƏLA RĀĀ 5:35

Gō tə́ anī ni-ɔr̄ najə̄ kə ngé sarya kə́ bo gēé, ədadə́ na: Yá̰á̰ ń ī-sāāī rāā kə de gə̄ ń toō ní ə̄ndāī ma̰ȳ majə tá.

KƏLA RĀĀ 3:12

Dan ń Piyer a̰ā̰ beé ní a əda de gə̄ na: Israel gə̄, kum nəkɔ́ ń yá̰á̰ ń toō ɔrəń kumsí ngá̰ý ní na i rí? Kum ka̰a̰ ń á̰a̰ījí tītə̄ kə́ i jḭ̄ n jə-rāā deē ń toō adə̄ njə̄rā kə ta kūl̄ tɔ́gə yājí jḭḭ kɔ́ gɔ̄ɔ́, aláa kə ta kūl̄ rāā yá̰a̰ kə gō ń Nə́ɓā yājí ndigə ní na i rí?

JA̰A̰ 19:19

Pilatə ndang najə̄ kə́ dɔ Jeju tə́ əndā tū kāgə̄ kə́ dēsə́ ní tə́. Najə̄ ń ndang ní n toó: I Jeju kə́ Najaret, mban̄g yā Jipə gə̄.

JA̰A̰ 15:24

Nə́ngētə́ m̄-rāā kəla kə́ de kə́ rang rāā aĺ ɓáý dandə́ tə́ aĺ anī, majaĺ yādə́ a gətóo. Banī ngɔlaā nin̄-a̰a̰n̄ kəla rāāḿ gə̄ ba imə̄n̄jí mbak kə Bɔbə́ḿ.

JA̰A̰ 12:17

Kósə de gə̄ ń nin̄ i kə Jeju dan ń ni ɓārə́nń Lajar kadə̄ teē kɔ̄ɔ́ bəlo yo tə́, ba ndólə̄n dan de kə́ koy gə̄ tə́ ní, ɔrə̄n̄ gíŕ yá̰á̰ ń ni-rāā á a̰ā̰n̄ kə kumdə́ ní.

JA̰A̰ 11:47

Loo ń noō tə́ ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, ɔsən̄ dɔ ngé rāā sarya kə́ bo gə̄ naā tə́ ba ədan̄ na. J-a jə-rāāī i ba̰ý, tām̄ deē ní rāā yá̰á̰ kə́ yáā gə̄ ngá̰ý.

JA̰A̰ 10:37

Ré m̄-rāā kəla gə̄ yā Bɔbə́ḿ aĺ anī, ī-lōōī taā kemḿ.

JA̰A̰ 9:33

Ré deē ń noō ḭḭ i rɔ̄ Nə́ɓā tə́ aĺ anī, asə rāā yá̰á̰ kógə̄ḿ alé.

JA̰A̰ 7:31

De gə̄ ngá̰ý dan kósə de gə̄ tə́ taān̄ kemən, adə̄ ədan̄ na: Kərist ní, loo ń a reē anī, a rāā yá̰á̰ kə́ yáā gə̄ ngá̰ý tɔȳ yā deē ń toō a?

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

JA̰A̰ 6:14

Loo ń de gə̄ a̰ā̰n̄ yá̰á̰ kə́ yáā ń Jeju rāā ní anī, ədan̄ na: Nge koō ta ń kadə̄ reē dɔ nang tə́ ní i deē ń toō rɔ̄kum.

JA̰A̰ 5:36

Banī mā i kə najə̄ kə́ kum tə́ kə́ bo tɔȳ yā Ja̰a̰. Tɔdɔ̄ kəla gə̄ ń m̄-rāā ní, i kəla gə̄ ń Bɔbə́ḿ adə̄m̄ kadə̄ m̄-rāā m̄-tɔ̄l̄ ta ní. Nin̄-ɔjən̄ najə̄ kə́ kum tə́ yāḿ kadə̄ i Bɔbə́ḿ n əlam̄ ní.

JA̰A̰ 4:48

Jeju əda na: Ré sḭḭ̄ á̰a̰ī yá̰á̰ kə́ to kɔr kum gə̄ ō, yá̰á̰ kə́ yáā gə̄ ō aĺ anī, ā ī-taāī kem aĺ bátə́ tā!

JA̰A̰ 1:45

Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ ndū najə̄ yā Moijə tə́ ō, kem makətūbə̄ yā ngé koō ta gə̄ tə́ ō ní: I Jeju ngōn̄ Jəjep kə́ Najaret.

Najə̄ kə́ Majə yā Jeju ń Luk ndang ní 24:18

Nge kógə̄ḿ kə́ dandə́ tə́ kə́ rīn na i Kəleopas tél ədan na: Ḭ̄ ngóy n i de kə́ Jerusalem kə́ ger̄ gō yá̰a̰ gə̄ ń rāān̄ yá̰a̰ kemeé kem ndɔ̄ gə̄ ń toō tə́ aĺ ní? De kə́ rang kə́ ger̄ gō yá̰a̰ gə̄ ń toō aĺ bátə́ gətóo.

MATIYE 2:23

Ni-aw̄ ndi kem ɓē kógə̄ḿ kə́ a ɓārə́n̄ na i Najaret tə́, adə̄ najə̄ ń ngé koō ta gə̄ ədan̄ ní reē udə gírí. Ədan̄ na a ɓāŕnən̄ na i de kə́ Najaret.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

KƏLA RĀĀ 2:19

M-ā m̄-rāā yá̰á̰ kə́ yáā gə̄ dɔɔ́ dɔ rā̰ tə́ ō, yá̰á̰ kə́ to kɔr kum gə̄ dɔ nang tə́ laā ō. Mósə ō, hor ō, sa hor kə́ tītə̄ kil̄ man̄ gə̄ ō a ton̄.

KƏLA RĀĀ 2:43

Ngámbang kəla gə̄ rāān̄ yá̰á̰ kə́ yáā gə̄ ō, yá̰á̰ kə́ to kɔr kum gə̄ ō ngá̰ý, adə̄ de gə̄ malang ndin̄ i kə ɓōló kemdə́ tə́.

KƏLA RĀĀ 3:6

Loo ń noō tə́ Piyer ədan na: M-ə́nge gində̄ arjā̰a̰ aĺ ō, lɔ́r aĺ ō, banī yá̰á̰ ń m-ə́ngé ní ādə̄ m-ādī: Ḭ́ḭ dɔɔ́ ī-njə̄rā kə rī Jeju Kərist kə́ Najaret!

Najə̄ kə́ Majə yā Jeju ń Luk ndang ní 18:37

Anī ədanən̄ na i Jeju kə́ Najaret n a mān̄ ní.