KƏLA RĀĀ 2:21 - Bibəl ta Sar̄

²¹ Ndɔ̄ ngeé ń noō tə́ ní, náā nəkɔ́ ń a ɓāŕ rī Kɔ́ɔ̄ɓē anī a ajə.

Bible sar

²¹ Ndɔ̄ ngeé ń noō tə́ ní, náā nəkɔ́ ń a ɓāŕ rī Kɔ́ɔ̄ɓē anī a ajə.

KƏLA RĀĀ 2:21 Referans Kwoze

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

KƏLA RĀĀ 22:16

Ba ń toō ɓáa yá̰á̰ kə́ rang kə́ yā kadə̄ ī-ngóō i rí ɓáý? Ḭ́ḭ dɔɔ́ ādə̄ rāāniī batém ō, ādə̄ tə́gon̄ yá̰á̰ kə́ majaĺ gə̄ ń ī-rāā ní kɔ̄ɔ́ ō, kə ta kūl̄ ɓāŕ kə́ ī-ɓārə́n kadə̄ rāā seí tə́.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

KƏLA RĀĀ 9:11

Kɔ́ɔ̄ɓē tél ədan na: Ḭ́ḭ dɔɔ́ āw̄ róbə́ ń a ɓārə́n̄ na i róbə́ kə́ ra súmūú ní tə́, údə ɓē Judas, ba ī-dəje kōō deē kógə̄ḿ kə́ a ɓāŕnən̄ na i Sol kə́ Tarsə. Ni-ndi a ndɔ̄ȳ noō

KƏLA RĀĀ 2:20

Mbang a ndul ō, nāā a kərē tītə̄ mósə ō, kété pá tá kadə̄ ndɔ̄ yā Kɔ́ɔ̄ɓē ugə̄ ɓáý. Ndɔ̄ ní i ndɔ̄ kə́ bo ō, i ndɔ̄ kə́ majə kɔsə gɔnən ō.