KƏLA RĀĀ 2:11 - Bibəl ta Sar̄

¹¹ Jipə húŕ gə̄ ō, Jipə tél gə̄ ō, Kəretə gə̄ ō, Arabə gə̄ ō nin̄ i danjí tə́. Banī ngámbang kəla gə̄ ədan̄ najə̄ yá̰á̰ kə́ bo bo gə̄ ń Nə́ɓā rāā ní kə ta ɓē yājí gēé adə̄ j-oōī.

Bible sar

¹¹ *Jipə húŕ gə̄ ō, Jipə tél gə̄ ō, Kəretə gə̄ ō, Arabə gə̄ ō nin̄ i danjí tə́. Banī ngámbang kəla gə̄ ədan̄ najə̄ yá̰á̰ kə́ bo bo gə̄ ń Nə́ɓā rāā ní kə ta ɓē yājí gēé adə̄ j-oōī.

KƏLA RĀĀ 2:11 Referans Kwoze

1 KORḚNTƏ 12:10

adə̄ de kə́ rang tɔ́gə rāā yá̰á̰ kə́ yáā gə̄ ō, adə̄ de kə́ rang tɔ́gə kəda najə̄ kə́ Nə́ɓā əndā tan tə́ ō, adə̄ de kə́ rang ɓáý to̰ tɔ́gə ger̄ gíŕ ndíĺ gə̄ ō, adə̄ de kə́ rang tɔ́gə kɔr̄ najə̄ kə ta kə́ tayā gə̄ ō, adə̄ de kə́ rang ɓáý to̰ tɔ́gə ger̄ kum ta kə́ tayā gə̄ ní ō.

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

TITƏ 1:12

Deē kógə̄ḿ dandə́ tə́ kə́ nge koō ta yādə́ nin̄ kɔ́ gə̄ əda na: Kəretə gə̄ i ngé sor̄ gə̄ tá dejə. Nin̄ i dā̰ kə́ do̰ gə̄.

JEREMI 25:24

mban̄g Arabə gə̄ malang ō, mban̄g gə̄ malang kə́ no ɓē tə́ ń ndin̄ kem dəla loo tə́ ní ō,

PĀ GƏ̄ 26:7

yā kədaīń na m̄-ger̄ majə kə́ ī-rāā seḿ ō, yā kɔjəń gotə yá̰á̰ kə́ to kɔr kum gə̄ malang ń ī-rāā ní ō.

Makətūbə̄ yā Job 9:10

Ni-rāā yá̰á̰ kə́ bo gə̄ kə́ deē asə ger̄ aĺ gə̄. Yá̰á̰ kə́ majə kə́ to kɔr kum gə̄ ń ni-rāā ní, deē asə tə́da kutədə́ alé.

TITƏ 1:5

M-ə́ya̰ī gō nang kə́ Kəretə tə́ i yā kadə̄ ə̄ndā dɔ yá̰a̰ gə̄ ń na̰yn̄ ɓáý ní danaá kə gōó ō, kadə̄ ə̄ndā kum kɔɔ̄ gə̄ kə dɔ ɓē gə̄ kógə̄ḿ kógə̄ḿ tītə̄ ń m-ə́daīń ní ō.

KƏLA RĀĀ 27:12

Kum kā̰ā̰ ní majə ndi tū tə́ kūlīí alé. Adə̄ ngá̰ý gə̄ ndigən̄ kadə̄ ré i loon tə́ ɓáa kə n-aw̄ kə n-ndin̄ Penikəs kə n-ngóōn̄neé kadə̄ gír kūl̄ gān̄g tá. Penikəs i kum kā̰ā̰ kógə̄ḿ kə́ dor̄ kə́ Kəretə tə́, kə́ ra kumən sɔɔ̄ loo kə́ dɔ dáń mbɔ́r ɓē kə́ geleé tə́ kə loo kə́ no ɓē tə́ ō, ra kumən sɔɔ̄ loo kə́ dɔ dáń mbɔ́r ɓē kə́ ko̰ó̰ tə́ kə loo kə́ no ɓē tə́ ō.

KƏLA RĀĀ 27:7

Rāā ndɔ̄ ngá̰ý ní to njə̄rā sejí láẃ aĺ bátə́, adə̄ j-a̰a̰ tápə̄ ngá̰ý tá j-ugə̄ń loo ń ra sɔɔ̄n̄ ta naā kə ɓē kə́ Kənidə ní tə́. Dan ń nél a əla i kə gō gūsə̄rūú adə̄ ɔgə̄jí kaw̄ kum kə̄ kété ní, jə-tetə rɔ̄jí j-aw̄ Salmone ń i ta só̰o̰ dor̄ kə́ Kəretə ní tə́, ba j-əndā to bo kə gō kadə̄ kóongó kə́ dor̄ kə́ Kəretə tə́ kadə̄ taā nél dɔjí tə́.

JEREMI 3:2

Ún kumií kə̄ dɔɔ́ ba á̰a̰ loo kum kə̄ dɔ mbal̄ kə́ ndágə doy gə̄ tə́: I loo kə́ rá n ādə̄ ɓīīn̄ seí tū tə́ aĺ ní? Ī-ndi ī-ngóōdə́ kə bɔ̄gə̄ róbə gēé tītə̄ Arabə kə́ ndi kem dəla loo tə́. Ḭ̄ ī-rāā ájə́ba ō, háĺ kə́ gōtə́ aĺ ō, ī-yḛrəń loo kə́ dɔ nang tə́.

IJAI 28:29

Kɔ́ɔ̄ɓē kə́ bo kə́ tɔ́gən i ngá̰ý ní, loo rāā kəla kə́ tītə̄ ń noō ḭḭ i rɔ̄n tə́ ō. Ni i nge kadə̄ kɔjə̄ kə́ majə ngá̰ý. Ni ger̄ rāā yá̰á̰ ngá̰ý.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

IJAI 13:20

Deē a ndi kemeé to̰ aĺ i kə́ bátə́ gə̄ tə́, kemən a ra karī i kə́ njɔ́ḿ gə̄ tə́. Ngé njə̄rā dɔɔ́ gə̄gē a əhɔn̄ loo kemeé yā ndi tū tə́ to̰ alé. Ngé ngɔ̄m̄ yá̰a̰ kul̄ gə̄ gə̄gē a aw̄n̄ kə ɓūtə̄ yá̰a̰ kul̄ yādə́ gēé tū tə́ to̰ alé.

PĀ GƏ̄ 136:4

I nəkɔ́ ngóy n rāā yá̰á̰ kə́ yáā kə́ bo ngá̰ý gə̄ ní, tɔdɔ̄ kem majə yān to ngándáńg.

PĀ GƏ̄ 111:4

Ni ndigə kadə̄ de gə̄ terə̄n̄ kem naā dɔ yá̰á̰ kə́ yáā yān gə̄ tə́. Kɔ́ɔ̄ɓē i nge rāā kem majə ō, i nge ka̰a̰ kum tō ndoō ō.

PĀ GƏ̄ 107:21

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 107:15

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 107:8

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 96:3

Ə̄nīī mbēr̄ kɔsə gɔn yān dan nápar de gə̄ tə́, ə̄nīī mbēr̄ yá̰á̰ kə́ yáā gə̄ ń ni-rāā ní dan nápar de gə̄ tə́ malang.

PĀ GƏ̄ 89:5

M-ā m-ādə̄ gír kojə yāí a o̰o̰ ɓē ngándáńg. I beé n m-ā m̄-rāań kadə̄ de kə́ gír kojə yāí tə́ gə̄ a o̰o̰n̄neé ɓē kə dɔ ɓāl̄ gə̄ dɔ ɓāl̄ gə̄ ní.

PĀ GƏ̄ 78:4

j-a jə-mundə̄ ngáńjí gə̄ alé, banī rī kə́ to kɔsə gɔn gə̄ kə́ dɔ Kɔ́ɔ̄ɓē tə́ ō, tɔ́gə ō, yá̰á̰ kə́ majə kə́ to kɔr kum gə̄ ń ni-rāā ō ní, j-a j-ənī gotə kadə̄ ngán kemjí gə̄ a oōn̄.

PĀ GƏ̄ 77:11

Adə̄ m-ə́da kə̄ kemḿ tə́ na: Yá̰á̰ ń tōrə̄m̄ ní, i rāā kə́ Nə́ɓā kə́ dɔɔ́ sa̰y ngá̰ý rāā yá̰a̰ tām̄ yājí tə́ to̰ alé.

PĀ GƏ̄ 71:17

Nə́ɓā, ə́lá gír kɔjəm̄ yá̰a̰ i kə ngōn̄ dūúḿ ō, m-ə̄nī mbēr̄ dɔ yá̰a̰ rāāí kə́ majə ngá̰ý gə̄ tə́ bátə́ ɓōólaā ō.

PĀ GƏ̄ 40:5

Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

2 YÁ̰A̰ GƏ̄ 26:7

Nə́ɓā rāā seneé loo rɔ̄ɔ̄ Pilistin gə̄ tə́ ō, Arabə gə̄ ń ndin̄ Gur Baal ní ō, Mewni gə̄ ō.

2 YÁ̰A̰ GƏ̄ 17:11

De gə̄ ḭḭn̄ kə kadə̄ karī gə̄ ō, nar ō, dɔ yá̰á̰ kə́ tīr̄ gə̄ ō, ɓē Pilistin gēé reēn̄neé adə̄n̄ Josapat. Arabə gə̄ reēn̄ kə yá̰a̰ kul̄ gēé adə̄nən̄ ō, adə̄nən̄ bal batə̄ gə̄ dūbú sīrí kə ɓú mí ō, bal bə̄yā̰ gə̄ dūbú sīrí kə ɓú sīrí ō.

1 MBAN̄G GƏ̄ 10:15

kanjə̄ tə́da yā ngé njə̄rā mbā gə̄ ō, yā ngé rāā gātə̄ gə̄ ō, yā mban̄g gə̄ malang kə́ no ɓē tə́ ō, yā ngé ko̰o̰ ɓē gə̄ kə́ kem ɓēé ō.

GALATƏ 4:25

Tɔdɔ̄ Agar i kum gotə mbal̄ kə́ Sinai gō nang kə́ Arabə tə́. Ni i Jerusalem kə́ ngɔlaā ń toō, tɔdɔ̄ ni i ɓəlo naā tə́ kə ngánən gēé.

GALATƏ 1:17

de gə̄ ń nin̄ i ngámbang kəla gə̄ kété noḿ tə́ ní, m-āw̄ ka̰a̰də́ tə́ Jerusalem aĺ ō, ba m-āw̄ i gō nang kə́ Arabə tə́ kanjə̄ kɔr bā̰ā̰ ō. Gō tə́ anī, m̄-tél dɔ tə́ m-āw̄ gogə́ Damas ō.

IJAI 21:13

Najə̄ yā dɔ nang kə́ Araba. Sḭḭ̄ ɓūtə̄ ngé njə̄rā mbā dəla loo tə́ gə̄ kə́ Dedan, āw̄ ī-toī ndɔ̄ɔ́ kem bembeé dɔ nang kə́ Araba tə́ ādə̄ loo tīī dɔsí tə́.

1 KORḚNTƏ 12:28

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

KƏLA RĀĀ 2:10

Pəriji gə̄ ō, Pampili gə̄ ō, de kə́ Ejiptə tə́ gə̄ ō, de kə́ gō nang kə́ Siren kə́ Libi tə́ gə̄ ō, Rom gə̄ ō,

KƏLA RĀĀ 2:12

Nin̄ malang ní yá̰á̰ ní ɔr kumdə́ ngá̰ý ō, gerə̄n̄ najə̄ kə́ yā kəda dɔ tə́ aĺ ō, adə̄ dəjen̄ naā na ké kum yá̰á̰ ní na i rí bang wa.

KƏLA RĀĀ 27:13

Ngōn̄ néĺ kógə̄ḿ kə́ dām̄ mbɔ́r ɓē kə́ geleé tə́ əla pelele, anī nin̄-ɔjən̄neé na yá̰á̰ ń na n-gírə̄n̄ rāā ní na n-a n-rāān̄ kadə̄ a udə gírí karī. Gində̄ kə́ ta ngɔr ngo̰ ń rāān̄ bēl̄ tə́ əhɔn̄neé to bo gotə kógə̄ḿ ní, ndɔ́r̄ ənīn̄ kem toó, ba adə̄n̄ néĺ ndɔ́r̄ to bo kə gō kadə kóongó kə́ dor̄ kə́ Kəretə tə́ ngɔr ngɔr aw̄ń.