KƏLA RĀĀ 2:1 - Bibəl ta Sar̄

¹ Dan ń ndɔ̄ Pa̰təkotə ugə̄ anī, nin̄ malang kánə̄n̄ naā loo kə́ kógə̄ḿ beē tə́.

Bible sar

¹ Dan ń ndɔ̄ *Pa̰təkotə ugə̄ anī, nin̄ malang kánə̄n̄ naā loo kə́ kógə̄ḿ beē tə́.

KƏLA RĀĀ 2:1 Referans Kwoze

Makətūbə̄ ń Pol ndang adə̄ Rom gə̄ ní 15:6

yā kadə̄ ɔ́siīń gɔn Nə́ɓā kə́ Bɔbə̄ Kɔ́ɔ̄ɓē yājí Jeju Kərist kə kemsí kə́ kógə̄ḿ beē ō, kə tasí kə́ kógə̄ḿ beē ō.

PILIPƏ 2:2

I beé ɓáa ī-rāāī ādə̄ rɔ̄nel̄ yāḿ i rɔ̄nel̄ kə́ ɔtə̄ kə taá mámák. Ādī gír̄ yāsí i kógə̄ḿ beē ō, tár yāsí i kógə̄ḿ beē ō, kemsí i kógə̄ḿ beē ō, yá̰á̰ ń ī-sāāī rāā ní i yá̰á̰ kə́ kógə̄ḿ beē ō.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

1 KORḚNTƏ 16:8

Ɓá tā ba m-ā m̄-ndi Epejə tə́ laā bátə́ nāā Pa̰təkotə tə́.

SOPONI 3:9

A̰á̰ā̰, m-ā m̄-tə́go ta nápar de gə̄ kadə̄ unjə̄ njáý njáý. Loo ń noō tə́ nin̄ malang a asən̄ ndɔ̄ȳm̄ mā Kɔ́ɔ̄ɓē ō, a rāān̄ kəla yā kadə̄m̄ kə kemdə́ kə́ kógə̄ḿ ō.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

Teē Ngán Israel gə̄ 23:16

Gō tə́ anī ā ī-rāāī nāā sāā kōō ń i nāā kəja kōō yāsí kə́ ta kəga dɔ ō, i nāā yá̰a̰ gə̄ ń ī-dubī kem ndɔrɔ́ ní ō. Ré ɓāl̄ ndɔ̄ adə̄ ī-kánī nja kōō yāsí kə́ ndɔrɔ́ gə̄ malang kɔ̄ɔ́ anī, ī-rāāī nāā kán̄ nja kōō.

KƏLA RĀĀ 20:16

Tɔdɔ̄ Pol gḛy mān̄ Epejə kanjə̄ dəba, yā kadə̄ n-ɔrəń bā̰ā̰ gō nang kə́ Aji tə́ alé. Ni sōl̄ kaw̄ láẃ ngá̰ý i yā kadə̄ ré n-asə anī kadə̄ ni i kem ɓē kə́ Jerusalem tə́ ndɔ̄ nāā Pa̰təkotə tə́.

KƏLA RĀĀ 4:24

Dan ń nin̄-oōn̄ najə̄ gə̄ ní anī, nin̄ malang ndɔ̄ȳn̄ Nə́ɓā kə kem kə́ kógə̄ḿ beé ədan̄ na: Kɔ́ɔ̄jí, i ḭ̄ n ī-rāā dɔ rā̰ ō dɔ nang ō, bā bo ō, kə yá̰a̰ gə̄ malang kə́ tū tə́ ní.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

Teē Ngán Israel gə̄ 34:22

Ā ī-rāāī nāā sāā kōō dan yā sāā kōō gémē gə̄ kə́ ta kəga dɔ tə́ ō, ré ɓāl̄ ndɔ̄ anī, ā ī-rāāī nāā sāā kōō kə́ ta tɔ̄l̄ ta tə́ ō.

KƏLA RĀĀ 5:12

Yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, rāān̄ yá̰á̰ ngá̰ý dan ngán Israel gə̄ tə́ kə ta kūl̄ ngámbang kəla gēé. Nin̄ malang ní kemdə́ i kógə̄ḿ ō, ran̄ naā tə́ loo kógə̄ḿ ō, gír dabə yā Salomo̰ kə́ rāā kə mbalá tə́.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

PĀ GƏ̄ 133:1

Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

2 YÁ̰A̰ GƏ̄ 5:13

Ngé kɔ̄ŕ bərúnjə gə̄ gə̄gē, ngé kənī pā gə̄ gə̄gē, ɓōkə́n̄ ndūdə́ gō naā tə́ malang yā tɔ̄yń Kɔ́ɔ̄ɓē ō, kɔsəń gɔnən ō. Dan ń kōō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, gotə yá̰á̰ kə́ ɓār̄ gōsə̄ kə́ rang gə̄ ō ɓār̄ anī, tɔ̄ȳn̄ Kɔ́ɔ̄ɓē ədan̄ na: Ī-tɔ̄yī Kɔ́ɔ̄ɓē tɔdɔ̄ ni i de kə́ majə ō, tɔdɔ̄ kem majə yān to ngándáńg ō. Loo ń noō tə́ kil̄ man̄ kə́ kem kújə yā Kɔ́ɔ̄ɓē tə́ taā kem kújə malang.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

KƏLA RĀĀ 1:5

Tɔdɔ̄ Ja̰a̰ rāā de gə̄ batém i kum man̄ tə́, banī na̰y ndɔ̄ i ngá̰ý aĺ kadə̄ a rāān̄sí batém kum Ndíĺ kə́ Táĺ tə́.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.