KƏLA RĀĀ 19:8 - Bibəl ta Sar̄

⁸ Pol aw̄ kújə́ kán̄ naā yā Jipə gə̄ tə́ ba ɔr̄ najə̄ kemeé kanjə̄ ɓōĺ nāā mətá. Ni-ɔr̄ i najə̄ kə́ dɔ Ɓē ko̰o̰ yā Nə́ɓā tə́ ō, sāā i kɔsə ngóý ngé koō najə̄ kɔrə̄n gə̄ ō.

Bible sar

⁸ Pol aw̄ kújə́ kán̄ naā yā *Jipə gə̄ tə́ ba ɔr̄ najə̄ kemeé kanjə̄ ɓōĺ nāā mətá. Ni-ɔr̄ i najə̄ kə́ dɔ *Ɓē ko̰o̰ yā Nə́ɓā tə́ ō, sāā i kɔsə ngóý ngé koō najə̄ kɔrə̄n gə̄ ō.

KƏLA RĀĀ 19:8 Referans Kwoze

KƏLA RĀĀ 1:3

I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

KƏLA RĀĀ 19:9

Banī ngá̰ý gə̄ rāān̄ dɔ ngan̄g, mbātə́n̄ taā kem ba tə́dan̄ najə̄ kə́ majaĺ gə̄ dɔ róbə yā Kɔ́ɔ̄ɓē tə́ ta kum ngé kán̄ naā gə̄ tə́. Loo ń noō tə́ Pol əya̰də́ ba ɔy ngé ndóō yá̰a̰ gə̄ aw̄ sedə́. Ni ɔjədə́ najə̄ yā Nə́ɓā kə dɔ ndɔ̄ gə̄ kem kújə́ ndóō yá̰a̰ yā Tiranus tə́.

KƏLA RĀĀ 18:19

Nin̄-ugə̄n̄ Epejə anī Pol əya̰ madə̄ mbān gə̄. Nəkɔ́ udə kújə́ kán̄ naā yā Jipə gə̄ tə́ ba ɔr̄ najə̄ sedə́.

KƏLA RĀĀ 18:4

Kə ndɔ̄ sabat gə̄ malang ní, Pol a ɔr̄ i najə̄ kem kújə́ kán̄ naā tə́. Ni sāā i kɔsə ngóy Jipə gə̄ ō Gərek gə̄ ō.

KƏLA RĀĀ 17:17

Ni-ɔr̄ najə̄ kem kújə́ kán̄ naā tə́ kə Jipə gə̄ ō, kə ngé rɔȳ Nə́ɓā gə̄ ō. Ni-ɔr̄ najə̄ ndágə looó kə dɔ ndɔ̄ gə̄ kə de gə̄ ń ni-əngedə́ ní ō.

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

KƏLA RĀĀ 13:46

Loo ń noō tə́ Pol nin̄ kə Barnabas ədan̄də́ kanjə̄ ɓōĺ na: Majə kadə̄ i sḭḭ̄ n ədan̄sí najə̄ yā Nə́ɓā kété ní! Ba dan ń sḭḭ̄ kɔ́ gə̄ ī-mbātíī ō, á̰a̰ī kadə̄ ī-ndetiī kadə ndi kə kumuú kə́ ngándáńg aĺ ō ɓá ní, jḭḭ jə-tūr̄ rɔ̄jí kə̄ rɔ̄ de gə̄ kə́ nin̄ i Jipə aĺ gə̄ tə́.

KƏLA RĀĀ 13:14

Banī nin̄-unən̄ ta njə̄rā mbā yādə́ kum kə̄ kété, nin̄-ḭḭn̄ Perjə aw̄ ugə̄n̄ A̰tiyos kə́ Pisidi tə́. Ndɔ̄ sabat tə́ anī, nin̄-udən̄ kújə́ kán̄ naā tə́ ba aw̄ ndin̄ nang tə́.

KƏLA RĀĀ 18:26

Ni udə kə̄ rɔ̄ najə̄ tə́ kem kújə́ kán̄ naā tə́ a ɔr̄ kanjə̄ ɓōĺ. Dan ń Pərisil nin̄ kə Akilas oōn̄ najə̄ kɔrə̄n anī, əhɔnən̄ kə̄ rɔ̄də́ tə́ ba ɔjənən̄ róbə yā Nə́ɓā kə gōó ngá̰ý tɔȳ kə́ kété ɓáý to̰.

KƏLA RĀĀ 19:7

De gə̄ ní nin̄ malang asən̄ yá̰á̰ kə́ kutə gidə i jōó ń noō.

KƏLA RĀĀ 19:10

Ni-rāā beé ɓāl̄ jōó, adə̄ de gə̄ malang kə́ gō nang kə́ Aji tə́, Jipə gə̄ gə̄gē, Gərek gə̄ gə̄gē oōn̄ najə̄ yā Kɔ́ɔ̄ɓē.

KƏLA RĀĀ 20:31

I beé ní ī-ndiī dɔ rɔ̄sí tə́ majə. Ādə̄ əga kemsí dɔ ɓāl̄ kə́ mətá gə̄ ń ndɔ̄ɔ́ ō, kadaá ō, m-ɔ̄jəńsí tə́ ní, m-ɔ̄jə̄sí kə man̄ noó kumḿ tə́ gə̄gē.