KƏLA RĀĀ 19:4 - Bibəl ta Sar̄

⁴ Anī Pol ədadə́ na: Batém ń Ja̰a̰ rāā de gə̄ ní i batém tūr̄ háĺ ō, ni-əda ngán Israel gə̄ na kə taān̄ kem deē ń a rāā yā reē gōn tə́ ní ō, kumən na kə taān̄ na i kem Jeju.

Bible sar

⁴ Anī Pol ədadə́ na: *Batém ń Ja̰a̰ rāā de gə̄ ní i batém tūr̄ háĺ ō, ni-əda ngán *Israel gə̄ na kə taān̄ kem deē ń a rāā yā reē gōn tə́ ní ō, kumən na kə taān̄ na i kem Jeju.

KƏLA RĀĀ 19:4 Referans Kwoze

KƏLA RĀĀ 1:5

Tɔdɔ̄ Ja̰a̰ rāā de gə̄ batém i kum man̄ tə́, banī na̰y ndɔ̄ i ngá̰ý aĺ kadə̄ a rāān̄sí batém kum Ndíĺ kə́ Táĺ tə́.

KƏLA RĀĀ 11:16

Loo ń noō tə́ əga kemḿ dɔ najə̄ ń Kɔ́ɔ̄ɓē əda kété ní tə́, əda na: Ja̰a̰ rāā de gə̄ batém i kə maná, banī sḭḭ̄ a rāān̄sí batém i kə Ndíĺ kə́ Tálá.

JA̰A̰ 1:27

Ni a reē gōḿ tə́, ba mā tā a tútə kəlā sākə̄rā kə́ njan tə́ gə̄gē ngóý ní, m-ásə́ tútə alé.

JA̰A̰ 1:7

Ni-reē tām̄ ni i kə́ de kə́ kum tə́, yā kɔr̄ najə̄ dɔ loo kə́ unjə̄ kow ní tə́, kadə̄ de gə̄ malang taān̄ kem kə kūl̄neé.

JA̰A̰ 1:15

Ja̰a̰ ɔr̄ najə̄ kə́ dɔn tə́ əda na: Á̰a̰ī, deē ń m-ə́da najə̄ yān na deē kógə̄ḿ kə́ noḿ tə́ a reē gōḿ tə́ noō ní. Tɔdɔ̄ ni i kété noḿ tə́.

JA̰A̰ 1:26

Ja̰a̰ tél ədadə́ na: Mā m̄-rāā de gə̄ batém i kə́ maná, ba deē kógə̄ḿ kə́ ī-ger̄niī alé i dansí tə́ laā.