KƏLA RĀĀ 19:1 - Bibəl ta Sar̄

¹ Dan ń Apolos ndi Korḛntə ní, Pol ənda gō nang kə́ ḭḭ kə̄ dɔɔ́ gə̄ kə́ Aji tə́ gān̄g ba reē ugə̄ kem ɓē kə́ Epejə tə́. Ni-ənge ngé ndóō yá̰á̰ kə́rēý gə̄ noó.

Bible sar

¹ Dan ń Apolos ndi Korḛntə ní, Pol ənda gō nang kə́ ḭḭ kə̄ dɔɔ́ gə̄ kə́ Aji tə́ gān̄g ba reē ugə̄ kem ɓē kə́ Epejə tə́. Ni-ənge ngé ndóō yá̰á̰ kə́rēý gə̄ noó.

KƏLA RĀĀ 19:1 Referans Kwoze

1 KORḚNTƏ 16:12

Ba yā ngōkó̰ó̰jí Apolos tā anī, m-ɔ́sə seneé ngá̰ý ta kaw̄ loosí naā tə́ kə ngákó̰ó̰jí gēé, banī ni-gḛy kaw̄ ngɔr ń toō tə́ aĺ ɓáý. Ré ənge ta róbə́ tá a aw̄ ɓáý.

1 KORḚNTƏ 1:12

Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

KƏLA RĀĀ 18:1

Gō tə́ anī Pol ḭḭ Aten aw̄ Korḛntə.

KƏLA RĀĀ 18:8

Ngār kə́ dɔ kújə́ kán̄ naā tə́ ń rīn na i Kərispus ní, taā kem Kɔ́ɔ̄ɓē naā tə́ kə ngéén gə̄ malang. Korḛntə gə̄ ngá̰ý ń oōn̄ najə̄ yā Pol ní taān̄ kem ō, rāān̄də́ batém ō.

KƏLA RĀĀ 19:17

De kə́ Epejə gə̄ malang, Jipə gə̄ ō, Gərek gə̄ ō, oōn̄ gotə yá̰á̰ ń noō ń rāā yá̰á̰ ní. Nin̄ malang ní ɓōĺ rāādə́ ō, de gə̄ tɔ̄ȳn̄ rī Kɔ́ɔ̄ɓē Jeju ō.

KƏLA RĀĀ 19:26

Ba yá̰á̰ ń Pol ngeé ń noō rāā ní, sḭḭ̄ á̰a̰ī ō ōōī ō. Ni-əda na nə́ɓā gə̄ ń de gə̄ rāān̄ kə jīdə́ ní na i nə́ɓā gə̄ alé. Ni-ɔsə ngóy de gə̄, adə̄ de gə̄ ngá̰ý ndigən̄ najə̄ gōn tə́. I kem ɓē yājí kə́ Epejə tə́ laā ngóy alé, na̰y sḛ́ý beē kadə̄ i gō nang kə́ Aji tə́ malang.

KƏLA RĀĀ 20:16

Tɔdɔ̄ Pol gḛy mān̄ Epejə kanjə̄ dəba, yā kadə̄ n-ɔrəń bā̰ā̰ gō nang kə́ Aji tə́ alé. Ni sōl̄ kaw̄ láẃ ngá̰ý i yā kadə̄ ré n-asə anī kadə̄ ni i kem ɓē kə́ Jerusalem tə́ ndɔ̄ nāā Pa̰təkotə tə́.

KƏLA RĀĀ 20:18

Dan ń nin̄-reē ugə̄n̄ rɔ̄n tə́ anī ədadə́ na: Əla gír ndɔ̄ ń m-ə̄ndań njaḿ dɔ nang kə́ Aji tə́ ní, hálə́ḿ ń m̄-ndiń sesí ní sḭḭ̄ ī-gerī.

KƏLA RĀĀ 21:29

Nin̄-ədan̄ beé i tɔdɔ̄ a̰a̰n̄ Təropim ń i de kə́ Epejə tə́ ní seneé kem ɓēé, adə̄ ɔjənə̄ń na Pol na aw̄ seneé kem kújə yā Kɔ́ɔ̄ɓē tə́.

1 KORḚNTƏ 4:6

Ngákó̰ó̰ḿ gə̄, m̄-tūr̄ najə̄ ń toō m̄-reēń dɔ Apolos tə́ ō, dɔḿ mə̄kɔ́ tə́ ō, i tām̄ yāsí tə́, kadə̄ ī-rāāījí yá̰á̰ ndájə̄ tə́, ba ī-ndóōī loo kɔjə rɔ̄sí kə ta kūl̄ ndigə najə̄ gō de kə́rēý tə́, ba mbātə́nń najə̄ gō de kə́ noō tə́ alé.

1 KORḚNTƏ 15:32

Rɔ̄ɔ̄ ń m̄-rɔ̄ɔ̄ kə dā̰ gēé kem ɓē kə́ Epejə tə́ ní, ré m̄-ra i dɔ gír̄ yā deē ndul gə̄ tə́ anī a teēm̄ i rí? Ré de gə̄ ń oyn̄ ní a ndólə̄n̄ aĺ anī, ādə̄ j-əsaī ō, j-a̰yī ō, tɔdɔ̄ bírí anī j-a j-ɔyiī.

1 KORḚNTƏ 16:8

Ɓá tā ba m-ā m̄-ndi Epejə tə́ laā bátə́ nāā Pa̰təkotə tə́.

EPEJƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní n m-ə́la kə makətūbə̄ ń toó m-ādə̄sí, sḭḭ̄ de gə̄ yā Nə́ɓā ń ī-ndiī Epejə ba ī-taāī kem Jeju Kərist ní.