KƏLA RĀĀ 18:8 - Bibəl ta Sar̄

⁸ Ngār kə́ dɔ kújə́ kán̄ naā tə́ ń rīn na i Kərispus ní, taā kem Kɔ́ɔ̄ɓē naā tə́ kə ngéén gə̄ malang. Korḛntə gə̄ ngá̰ý ń oōn̄ najə̄ yā Pol ní taān̄ kem ō, rāān̄də́ batém ō.

Bible sar

⁸ Ngār kə́ dɔ kújə́ kán̄ naā tə́ ń rīn na i Kərispus ní, taā kem Kɔ́ɔ̄ɓē naā tə́ kə ngéén gə̄ malang. Korḛntə gə̄ ngá̰ý ń oōn̄ najə̄ yā Pol ní taān̄ kem ō, rāān̄də́ *batém ō.

KƏLA RĀĀ 18:8 Referans Kwoze

KƏLA RĀĀ 11:14

Ni a ədaī yá̰á̰ kə́ a ajiī īkɔ́ ō, de kə́ kem kújə yāí tə́ gə̄ malang ō.

KƏLA RĀĀ 8:12

Ba dan ń de gə̄ ní taān̄ kem Pilipə tɔdɔ̄ ni ɔjədə́ Najə̄ kə́ Majə kə́ dɔ Ɓē ko̰o̰ yā Nə́ɓā tə́ ō, kə́ dɔ rī Jeju Kərist tə́ ō anī, nin̄ malang ní adə̄ rāān̄də́ batém, dəngam gē dəyá̰ gē.

KƏLA RĀĀ 18:17

Loo ń noō tə́ nin̄ malang əhɔn̄ Sosten ngār kə́ dɔ kújə kán̄ naā tə́ ba udən̄ dɔn tə́ tə̄ndānən̄ kə̄ ta kújə́ kán̄ naā tə́ noō. Banī usə Galiyo̰ sḛ́ý aĺ bátə́.

KƏLA RĀĀ 16:34

Ni-aw̄ kə Pol ō, Silas ō kem kújə yān tə́ ba adə̄də́ yá̰a̰ kadə̄ əsan̄. Rɔ̄ dəngam ní ō, ngéén gə̄ ō, nel̄də́ ngá̰ý najə̄ taā ń nin̄-taān̄ kem Nə́ɓā tə́ ní.

KƏLA RĀĀ 13:15

Dan ń tə́dan̄ najə̄ kə́ kem makətūbə̄ ndū najə̄ gə̄ tə́ ō, kə́ kem makətūbə̄ yā ngé koō ta gə̄ tə́ ō oy anī, ngār gə̄ kə́ dɔ kújə́ kán̄ naā tə́ gə̄ əla ədan̄də́ na: Ngákó̰ó̰jí gə̄, ré āwī kə najə̄ kə́ a əla go̰ kem ngé kán̄ naā gə̄ tə́ anī ə́daī!

KƏLA RĀĀ 10:2

Ni i de kə́ nge rāā yá̰a̰ kə gō ń Nə́ɓā ndigə ní ō, tá ni ō de kə́ kem kújə yān tə́ gə̄ malang ō ní, rāān̄ kəla adə̄n̄ Nə́ɓā ō. Ni-rāā kə Jipə kə́ ngé ndoō gə̄ ngá̰ý ō, ndɔ̄ȳ Nə́ɓā kə kum mbang gə̄ malang ō.

MARK 5:35

Jeju a ɔr̄ najə̄ kə̄ tan tə́ ɓáý anī, de kə́rēý gə̄ teēn̄ ɓē ngār kújə́ kán̄ naá reē ədan̄ ngār kújə kán̄ naā na ngōnən ní na oy kɔ̄ɔ́ ō ba ké a njə́ɓā ngoldə́ karī na i rí wa.

MARK 5:22

Tā anī ngār kújə kán̄ naā kógə̄ḿ kə́ rīn na i Jairus reē. Loo ń ni-a̰a̰ Jeju anī, əsō kə̄ nang tə́ njan tə́,

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

TA KƏLA 17:27

naā tə́ kə ɓəlo gə̄ malang ń ojən̄də́ ɓēé looneé ní ō, kə ɓəlo gə̄ ń ni mangdə́ jī tə̄rā gə̄ tə́ ní ō.

KƏLA RĀĀ 18:1

Gō tə́ anī Pol ḭḭ Aten aw̄ Korḛntə.

KƏLA RĀĀ 19:1

Dan ń Apolos ndi Korḛntə ní, Pol ənda gō nang kə́ ḭḭ kə̄ dɔɔ́ gə̄ kə́ Aji tə́ gān̄g ba reē ugə̄ kem ɓē kə́ Epejə tə́. Ni-ənge ngé ndóō yá̰á̰ kə́rēý gə̄ noó.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

2 KORḚNTƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní ō, ngōkó̰ó̰sí Timote ō n j-əla kə makətūbə̄ ń toō ní. J-əlań j-adə̄ i Egəlijə yā Nə́ɓā ń i kem ɓē kə́ Korḛntə tə́ ní ō, ngé taā kem gə̄ ń ndin̄ dɔ nang kə́ Akayi tə́ kə taá malang ní ō.

2 KORḚNTƏ 1:23

Kə́ tām̄ yāḿ mā tə́ ɓáa m-úń Nə́ɓā kadə̄ ni i de kə́ kum tə́ yāḿ. Ré m̄-sor̄ i mbée anī ādə̄ ni-tɔ̄lə̄m̄ kɔ̄ɔ́. m̄-lōō gíŕ tél kaw̄ gogə́ Korḛntə tə́ i yā kadə̄ yá̰á̰ kə́ tōr̄ rāāńsí alé.

2 KORḚNTƏ 6:11

Sḭḭ̄ Korḛntə gə̄, jə-mundə̄sí yá̰á̰ kógə̄ḿ alé, j-ɔr̄ najə̄ sesí i wáńg. Jə-tḛḛ̄ kemjí ngá̰ý j-adə̄sí.

2 TIMOTE 4:20

Erastə na̰y Korḛntə. M-ə́ya̰ Təropim kem ɓē kə́ Milet tə́ i kə mo̰yo̰ó̰.