KƏLA RĀĀ 18:4 - Bibəl ta Sar̄

⁴ Kə ndɔ̄ sabat gə̄ malang ní, Pol a ɔr̄ i najə̄ kem kújə́ kán̄ naā tə́. Ni sāā i kɔsə ngóy Jipə gə̄ ō Gərek gə̄ ō.

Bible sar

⁴ Kə ndɔ̄ *sabat gə̄ malang ní, Pol a ɔr̄ i najə̄ kem kújə́ kán̄ naā tə́. Ni sāā i kɔsə ngóy *Jipə gə̄ ō Gərek gə̄ ō.

KƏLA RĀĀ 18:4 Referans Kwoze

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

KƏLA RĀĀ 17:17

Ni-ɔr̄ najə̄ kem kújə́ kán̄ naā tə́ kə Jipə gə̄ ō, kə ngé rɔȳ Nə́ɓā gə̄ ō. Ni-ɔr̄ najə̄ ndágə looó kə dɔ ndɔ̄ gə̄ kə de gə̄ ń ni-əngedə́ ní ō.

KƏLA RĀĀ 26:28

Anī Agəripa tél əda Pol na: Na̰y i sḛ́ý beē kadə̄ ɔ́sə́ ngóýḿ kadə̄ m̄-tél deē yā Kərist.

KƏLA RĀĀ 19:26

Ba yá̰á̰ ń Pol ngeé ń noō rāā ní, sḭḭ̄ á̰a̰ī ō ōōī ō. Ni-əda na nə́ɓā gə̄ ń de gə̄ rāān̄ kə jīdə́ ní na i nə́ɓā gə̄ alé. Ni-ɔsə ngóy de gə̄, adə̄ de gə̄ ngá̰ý ndigən̄ najə̄ gōn tə́. I kem ɓē yājí kə́ Epejə tə́ laā ngóy alé, na̰y sḛ́ý beē kadə̄ i gō nang kə́ Aji tə́ malang.

KƏLA RĀĀ 19:8

Pol aw̄ kújə́ kán̄ naā yā Jipə gə̄ tə́ ba ɔr̄ najə̄ kemeé kanjə̄ ɓōĺ nāā mətá. Ni-ɔr̄ i najə̄ kə́ dɔ Ɓē ko̰o̰ yā Nə́ɓā tə́ ō, sāā i kɔsə ngóý ngé koō najə̄ kɔrə̄n gə̄ ō.

KƏLA RĀĀ 18:13

ba ədan̄ na: Deē ń toō a sāā i kadə̄ de gə̄ rɔȳn̄ Nə́ɓā kə gō loo rɔȳ kə́ ndū najə̄ ɔgə̄.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

KƏLA RĀĀ 13:14

Banī nin̄-unən̄ ta njə̄rā mbā yādə́ kum kə̄ kété, nin̄-ḭḭn̄ Perjə aw̄ ugə̄n̄ A̰tiyos kə́ Pisidi tə́. Ndɔ̄ sabat tə́ anī, nin̄-udən̄ kújə́ kán̄ naā tə́ ba aw̄ ndin̄ nang tə́.

Najə̄ kə́ Majə yā Jeju ń Luk ndang ní 16:31

Banī Abəraham tél ədan ɓáý to̰ na: Ré nin̄-oōn̄ ta Moijə ō, ngé koō ta gə̄ ō aĺ anī, de kə́ rang, ká i kə́ ndól̄ dan de kə́ koy gə̄ tə́ gə̄gē anī, nin̄ a taān̄ kemən alé.

Najə̄ kə́ Majə yā Jeju ń Luk ndang ní 4:16

Jeju aw̄ Najaret tə́, ɓē ń ətōnən̄ tū tə́ ní tə́. Ndɔ̄ sabat tə́ anī, ni-aw̄ kem kújə́ kán̄ naá tə́ tītə̄ ń i jī bēl̄ loo rāān ní. Ni-ḭḭ dɔɔ́ yā tə́da makətūbə̄.

2 YÁ̰A̰ GƏ̄ 32:11

Ejekias ədasí na Kɔ́ɔ̄ɓē Nə́ɓā yāsí na a taāsí jīḿ tə́. Kógə̄ḿ alé, ni gól̄sí i mbée yā kadə̄ ɓō tɔ̄l̄sí ō, kəndā man̄ tɔ̄l̄sí ō.

TA KƏLA 9:27

Ādə̄ Nə́ɓā ɔr̄ gír loo yā Japet kə̄ gogə́! Ādə̄ Japet ndi kem kújə tandā gə̄ yā Sem tə́, ba ādə̄ Kanaan i ɓəlo yān!

JA̰A̰ 7:35

Gō najə̄ ń toō tə́ anī Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?

KƏLA RĀĀ 9:20

Ni ngóō alé ba udə kə̄ rɔ̄ kɔjə najə̄ tə́ kem kújə́ kán̄ naā gə̄ tə́, əda de gə̄ na Jeju i Ngōn̄ Nə́ɓā.

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

KƏLA RĀĀ 18:19

Nin̄-ugə̄n̄ Epejə anī Pol əya̰ madə̄ mbān gə̄. Nəkɔ́ udə kújə́ kán̄ naā yā Jipə gə̄ tə́ ba ɔr̄ najə̄ sedə́.