KƏLA RĀĀ 18:3 - Bibəl ta Sar̄

³ tām̄ kəla yān i kə́ tītə̄ yādə́, i kəla kəjō kūbə̄ tandā gə̄.

Bible sar

³ tām̄ kəla yān i kə́ tītə̄ yādə́, i kəla kəjō kūbə̄ tandā gə̄.

KƏLA RĀĀ 18:3 Referans Kwoze

1 TESALONIK 2:9

Ngákó̰ó̰jí gə̄, ādə̄ əga kemsí dɔ kəla ń jə-rāā tə́ ní ō, dɔ kɔr ń j-ɔr sesí tām̄ táŕ kə́ kemjí tə́ ní ō. Dan ń j-ɔjəsí Najə̄ kə́ Majə yā Nə́ɓā ní, jə-rāā kəla ndɔ̄ɔ́ ō, kadaá ō, kadə̄ j-ɔȳń deē kógə̄ḿ dáńsí tə́ alé.

1 KORḚNTƏ 4:12

j-a̰a̰ tápə̄ loo rāā kəla tə́ kə jījí ō. Ré de gə̄ tájə̄n̄jí anī, jə-tɔ́r̄ i tají tá dɔdə́ tə́. Ré rāān̄jí yá̰á̰ kə́ tōr̄ anī, jə-tə́gā tají.

2 KORḚNTƏ 11:9

Ba dan ń m̄-ndi dansí tə́ á ndoō rāām̄ ní, m-ɔ̄ȳ deē kógə̄ḿ alé. Tɔdɔ̄ ngákó̰ó̰jí gə̄ ń ḭḭn̄ dɔ nang kə́ Masedəwan tə́ reēn̄ ní, adə̄mə̄n̄ yá̰a̰ malang ń ndoōn rāām̄ ní. Mā m̄-mbātə́ kɔȳsí ō, m̄-na̰y kə̄ loo mbātə́ tə́ ɓáý ō.

2 KORḚNTƏ 12:13

Yá̰á̰ ń de gə̄ kə́ kem Egəlijə kə́ rang gə̄ tə́ əngen̄ ba sḭḭ̄ əngeī aĺ ní i rí? I kadə̄ m-ɔ̄ȳsí aĺ ngóy aĺ a? Yá̰á̰ kə́ gōtə́ aĺ ń noō ń m̄-rāā sesí ní, m̄-dəjesí kadə̄ ī-mā̰yī rɔ̄sí dɔḿ tə́ najə̄n tə́!

2 KORḚNTƏ 11:7

Téĺ ń mə̄kɔ́ m̄-tél kə rɔ̄ḿ kə̄ nang tə́ ba m-ɔ́sə́sí kə̄ dɔɔ́, tɔdɔ̄ m-ɔ́jə́sí Najə̄ kə́ Majə yā Nə́ɓā i karī ní, m̄-rāā i yá̰á̰ kə́ gōtə́ aĺ a?

1 KORḚNTƏ 9:14

Tāa ngé kɔjə Najə̄ kə́ Majə gə̄ ní, Kɔ́ɔ̄ɓē əda kadə̄ əngen̄ yá̰a̰ kəsa yādə́ i kə ta kūl̄ Najə̄ kə́ Majaá ō.

1 KORḚNTƏ 9:15

Yá̰a̰ gə̄ ń noō ń m-ásə taā ní m̄-taā alé. Tá m̄-ndang makətūbə̄ ń toō i yā dəjeń aĺ ō. Koyḿ i só tə́ tɔȳ kadə̄ deē taā yá̰a̰ kɔsə gɔn rɔ̄ yāḿ jīḿ tə́!

1 KORḚNTƏ 9:18

Ní, yá̰a̰ kəndā nja yāḿ i rí? Yá̰a̰ kəndā nja yāḿ i kadə̄ m-ɔ́jə de gə̄ Najə̄ kə́ Majə ní karī, kanjə̄ taā yá̰á̰ ń m-ásə taā gírí ní.

1 TESALONIK 4:11

Ī-ndiī jəke kə naá ō, ə̄ndāī kumsí gír kəla yāsí sḭḭ̄ kɔ́ gə̄ tə́ ō. Ī-rāāī kəla kə jīsí tītə̄ ń j-ədańsí ní.

2 MBAN̄G 6:2

Ní, ādə̄jí ta róbə ādə̄ j-aw̄ bā Jurdḛ tə́ jə-tə́gā sáā kāgə̄ gə̄ yā reē rāań səlá kə́ rang loo ń toō tə́ kadə̄ jə-ndiī gírí. Ni tūr̄ ədadə́ na kə aw̄n̄.