KƏLA RĀĀ 17:5 - Bibəl ta Sar̄

⁵ Banī nii rāā Jipə gə̄, adə̄ ɔyn̄ de kə́ kur̄ dɔdə́ gətóo gə̄ ń əngen̄də́ kum róbə kɔsə gə̄ tə́ ní ō, ɔsən̄ dɔ de gə̄ ń nin̄-sə̄lān̄də́ ní kə̄ naā tə́ ō, rāān̄ adə̄ de gə̄ əsōn̄ wōn̄g kem ɓēé ō. Ba aw̄n̄ ɓē Jaso̰ sāān̄ Pol nin̄ kə Silas yā kaw̄ sedə́ no kósə de gə̄ ń kánə̄n̄ naā tə́ ní.

Bible sar

⁵ Banī nii rāā *Jipə gə̄, adə̄ ɔyn̄ de kə́ kur̄ dɔdə́ gətóo gə̄ ń əngen̄də́ kum róbə kɔsə gə̄ tə́ ní ō, ɔsən̄ dɔ de gə̄ ń nin̄-sə̄lān̄də́ ní kə̄ naā tə́ ō, rāān̄ adə̄ de gə̄ əsōn̄ wōn̄g kem ɓēé ō. Ba aw̄n̄ ɓē Jaso̰ sāān̄ Pol nin̄ kə Silas yā kaw̄ sedə́ no kósə de gə̄ ń kánə̄n̄ naā tə́ ní.

KƏLA RĀĀ 17:5 Referans Kwoze

GALATƏ 5:26

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

KƏLA RĀĀ 17:13

Banī loo ń Jipə kə́ Tesalonik tə́ gə̄ oōn̄ kadə̄ Pol na ɔjə najə̄ yā Nə́ɓā kem ɓē kə́ Bere tə́ ō anī, nin̄-sə̄lān̄ kósə de gə̄ ō, rāān̄də́ adə̄ kemdə́ ndi kə gōó aĺ ō.

GALATƏ 5:21

ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem Ɓē ko̰o̰ yā Nə́ɓā tə́ alé.

Makətūbə̄ ń Pol ndang adə̄ Rom gə̄ ní 16:21

Timote kə́ madə̄ kəlaḿ rāāsí lápə́ya ō, Lusius ō, Jaso̰ ō, Sosipatər ō nin̄ ń i ngééḿ gə̄ ní rāān̄sí lápə́ya.

KƏLA RĀĀ 17:7

anī Jaso̰ əhɔdə́ kə̄ rɔ̄n tə́! Nin̄ malang i ngé mbātə́ ndū najə̄ yā Sejar ō, ədan̄ na mban̄g kə́ rang kə́ rīn na i Jeju na ndi noó ō.

KƏLA RĀĀ 14:2

Banī Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

KƏLA RĀĀ 19:40

Kán̄ naā yājí kə́ ɓōólaā ń toō j-asiī kənge najə̄ tāmən tə́. Asə kadə̄ əndān̄ najə̄ sə̄lā de gə̄ kadə̄ mbātə́n̄ najə̄ ta ngār yājí gə̄ tə́ dɔjí tə́. Tɔdɔ̄ jḭḭ̄ j-awī kə najə̄ kógə̄ḿ kə́ yā kɔjəń kum kɔsə dɔ naā tə́ yājí ń toō alé.

KƏLA RĀĀ 18:12

Dan ń Galiyo̰ a o̰o̰ń ɓē kə́ Akayi ní, Jipə gə̄ malang əndān̄ rɔ̄də́ naā tə́ ba oōn̄ kum Pol alé. Nin̄-aw̄n̄ seneé loo sarya tə́,

KƏLA RĀĀ 14:19

Loo ń noō tə́ Jipə gə̄ ḭḭn̄ A̰tiyos ō Ikoniyɔm ō reē ugə̄n̄. Nin̄-sə̄lān̄ kósə de gə̄ ba tə́nīn̄ Pol kə mbalá yā tɔ̄lən. Gō tə́ anī ndɔ́r̄ aw̄ ənīnən̄ gidə ɓē tə́, tām̄ nin̄-ɔjən̄neé na oy kɔ̄ɔ́.

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

MATIYE 27:18

Tɔdɔ̄ ni ger̄ majə kadə̄ i nii n rāādə́ á nin̄-əlan̄ Jeju jīn tə́ ní.

NGÉ SARYA 9:4

Nin̄ ɔyn̄ sə́lē arjā̰a̰ kutə sīrí kem kújə ɓesə̄ yā Baal Berit tə́ adə̄nən̄. Abimelek ɔy nar ní adə̄ de kə́ yá̰a̰ aĺ gə̄ ō, kaya gə̄ ō, kadə̄ unnən̄ gōn.

JAKƏ 4:5

Aké sḭḭ̄ ɔ́jiīneé na najə̄ ń ndangən̄ kem makətūbə̄ yā Nə́ɓā tə́ ní i kə ndāńg a? Ndangən̄ na: Nə́ɓā rāā jang dɔ Ndíĺ ń ni-əndā kemjí tə́ ní.

KƏLA RĀĀ 7:9

Kaají gə̄ ní əndān̄ Jəjep nii ba igən̄ seneé kadə̄ aw̄n̄ seneé Ejiptə tə́, banī Nə́ɓā i seneé.

Gōsə̄ najə̄ gə̄ 14:30

Kem kə́ sɔl̄ lɔm a rāā majə kə dā̰ rɔ̄ deē, banī rāā nii i kuŕ ngān̄g tām̄ yā deē tə́.

PĀ GƏ̄ 69:12

M-ō̰ō̰ kūbə̄ sákə̄ ń i kūbə̄ kəhɔ ndoō ní, anī nin̄ ənīn̄ pā seḿ.

PĀ GƏ̄ 35:15

Ba dan ń m-ā m̄-bibə́rī ní, nin̄ ɔsən̄ dɔdə́ naā tə́ ba əgōmə̄n̄ ō, əndān̄ rɔ̄də́ naā tə́ yā rɔ̄ɔ̄m̄ ō. Tə̄rā gə̄ ń i de kə́ m̄-ger̄də́ aĺ gə̄ ní, əgan̄ naā dɔḿ tə́ ō, əgan̄ kɔŕ ō.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

KƏLA RĀĀ 17:6

Ba dan ń nin̄-əngen̄də́ aĺ anī ndɔ́rə̄n̄ Jaso̰ ō, ngákó̰ó̰jí kə́rēý gə̄ ō, aw̄n̄ sedə́ no ngé ko̰o̰ ɓē gə̄ tə́. Nin̄-ədan̄ kə̄ dɔɔ́ ngá̰ý na: De gə̄ ń toō sól̄yōn̄ de gə̄ kə gō loo gə̄ malang kə́ dɔ nang tə́ laā. Ba ń toō ɓáa nin̄-reē ugə̄n̄ laā,

KƏLA RĀĀ 17:9

Adə̄ nin̄-ndan̄ kə Jaso̰ ō, madə̄n gə̄ ō adə̄ ɓōkə́n̄ nar nang tə́ no ngé ko̰o̰ ɓē gə̄ tə́ pá tá ngé ko̰o̰ ɓē gə̄ əya̰n̄də́ dɔɔ́ ɓáý.

2 KORḚNTƏ 11:26

m̄-njə̄rā mbā ngá̰ý, adə̄ m-ə́ngé yá̰á̰ kə́ to yo gə̄ dɔ bā bo gə̄ tə́ ō, jī ngé gān̄g róbə gə̄ tə́ ō, jī náparəḿ mə̄kɔ́ gə̄ tə́ ō, jī nápar de kə́ rang gə̄ tə́ ō. M-ə́ngé yá̰á̰ kə́ to yo gə̄ kem ɓē bo gə̄ tə́ ō, kem dəla loo gə̄ tə́ ō. M-ə́ngé yá̰á̰ kə́ to yo dɔ bā bo tə́ ō, jī ngákó̰ó̰ḿ kə́ rɔ̄kum aĺ gə̄ tə́ ō.

1 TESALONIK 1:6

Ba sḭḭ̄ ī-téliī ngé ndájə̄jí gə̄ ō, ngé ndájə̄ Kɔ́ɔ̄ɓē gə̄ ō, tām̄ ī-ndigiī najə̄ yā Nə́ɓā dan wur kɔl kə́ ngá̰ý tə́, kə ta kūl̄ rɔ̄nel̄ yā Ndíĺ kə́ Táĺ.