KƏLA RĀĀ 17:4 - Bibəl ta Sar̄

⁴ Jipə kə́rēý gə̄ dandə́ tə́ ndigən̄ najə̄ yān ní, adə̄ nin̄-ɓoon̄ rɔ̄də́ tū yā Pol nin̄ kə Silas tə́. Gərek gə̄ ngá̰ý kə́ ngé rɔȳ Nə́ɓā rāān̄ tītə̄ ń noō ō, dəyá̰ kə́ ngáā ngáā gə̄ ō.

Bible sar

⁴ *Jipə kə́rēý gə̄ dandə́ tə́ ndigən̄ najə̄ yān ní, adə̄ nin̄-ɓoon̄ rɔ̄də́ tū yā Pol nin̄ kə Silas tə́. Gərek gə̄ ngá̰ý kə́ ngé rɔȳ Nə́ɓā rāān̄ tītə̄ ń noō ō, dəyá̰ kə́ ngáā ngáā gə̄ ō.

KƏLA RĀĀ 17:4 Referans Kwoze

KƏLA RĀĀ 17:12

De gə̄ ngá̰ý dandə́ tə́ taān̄ kem naā tə́ kə dəyá̰ Gərek kə́ ngáā ngáā gə̄ ō, dəngam gə̄ ngá̰ý ō.

KƏLA RĀĀ 14:4

De kə́ kem ɓēé gə̄ kēngə̄n̄ naā, kə́rēý gə̄ i gō Jipə gə̄ tə́ ō, gotə gə̄ i gō ngámbang kəla gə̄ tə́ ō.

KƏLA RĀĀ 13:43

Dan ń ngé kán̄ naā gə̄ tḭ̄ḭ̄n̄ naā anī, Jipə gə̄ ngá̰ý ō, Jipə tél gə̄ kə́ ngé rɔȳ Nə́ɓā gə̄ ō, unən̄ gō Pol nin̄ kə Barnabas. Nin̄-ɔrə̄n̄ najə̄ sedə́ ō, ɔjə̄n̄də́ kadə̄ əhɔn̄ gō majə ń Nə́ɓā rāā sedə́ ní adə̄ ngan̄g ō.

2 KORḚNTƏ 8:5

Yá̰á̰ ń nin̄-rāān̄ ní tɔȳ nge ń j-əndā kemjí dɔ tə́ ní. Nin̄-adə̄n̄ Kɔ́ɔ̄ɓē rɔ̄də́ kété pá tá, gō tə́ anī adə̄n̄jí rɔ̄də́ kə gō kem ndigə yā Nə́ɓāá ō.

KƏLA RĀĀ 28:24

Ngé kə́rēý gə̄ ń najə̄ ní əsō kemdə́ ní taān̄ kem Jeju ō, kə́ madə̄ gə̄ taān̄ kem aĺ ō.

KƏLA RĀĀ 15:22

Loo ń noō tə́ ngámbang kəla gə̄ ō, kum kɔɔ̄ gə̄ ō, ngé kán̄ naā gə̄ malang ō, ndigən̄ gə̄rā de kə́rēý gə̄ dandə́ tə́ yā kəladə́ A̰tiyos naā tə́ kə Pol nin̄ kə Barnabas. Nin̄-gə̄rān̄ Jud ń a ɓāŕnən̄ na i Barsabas ní ō, Silas ō. Nin̄ i ngé kɔr no de gə̄ dan ngákó̰ó̰də́ gə̄ tə́.

KƏLA RĀĀ 13:50

Banī Jipə gə̄ sə̄lān̄ dəyá̰ kə́ ngáā ngáā kə́ kem ɓēé gə̄ kə́ ngé rɔȳ Nə́ɓā ō, sə̄lān̄ de kə́ bo bo kə́ kem ɓēé gə̄ ō, adə̄ rāān̄ Pol nin̄ kə Barnabas ndoō tə́ ō, tə̄ɓān̄də́ kɔ̄ɔ́ gō nang yādə́ tə́ ō.

KƏLA RĀĀ 21:28

Nin̄-əgan̄ kɔŕ ədan̄ na: Israel gə̄ ī-dḭḭ̄jí tə́! Á̰a̰ī deē ń a aw̄ kə̄ loo gə̄ tə́ malang a ndóoń de gə̄ malang kadə̄ mbātə́n̄ gír deē yājí gə̄ ō, ndū najə̄ yā Moijə ō, kújə yā Kɔ́ɔ̄ɓē ń toō ō ní, ni n toó! Ba kə́ kal̄ naā ní ni udə kə de gə̄ kə́ nin̄ i Jipə aĺ gə̄ kem kújə yā Kɔ́ɔ̄ɓē tə́ rāań adə̄ loo kə́ táĺ ń toō tél kə́ yḛr kɔ̄ɔ́.

KƏLA RĀĀ 19:10

Ni-rāā beé ɓāl̄ jōó, adə̄ de gə̄ malang kə́ gō nang kə́ Aji tə́, Jipə gə̄ gə̄gē, Gərek gə̄ gə̄gē oōn̄ najə̄ yā Kɔ́ɔ̄ɓē.

KƏLA RĀĀ 18:4

Kə ndɔ̄ sabat gə̄ malang ní, Pol a ɔr̄ i najə̄ kem kújə́ kán̄ naā tə́. Ni sāā i kɔsə ngóy Jipə gə̄ ō Gərek gə̄ ō.

KƏLA RĀĀ 17:34

Banī de kə́rēý gə̄ dandə́ tə́ əhɔn̄ gō Pol ō, télən̄ ngé taā kem gə̄ ō. Denis ń ni i kə́ kógə̄ḿ yā ngé sarya kə́ bo gə̄ kə́ dɔ mbal̄ Areopajə tə́ ní, i dan de gə̄ ní tə́ ō, dəyá̰ kógə̄ḿ kə́ rīn na i Damaris i sedə́ ō, de kə́ rang gə̄ i sedə́ ɓáý to̰ ō.

KƏLA RĀĀ 17:17

Ni-ɔr̄ najə̄ kem kújə́ kán̄ naā tə́ kə Jipə gə̄ ō, kə ngé rɔȳ Nə́ɓā gə̄ ō. Ni-ɔr̄ najə̄ ndágə looó kə dɔ ndɔ̄ gə̄ kə de gə̄ ń ni-əngedə́ ní ō.

KƏLA RĀĀ 16:3

Pol gḛy kadə̄ aw̄ seneé. Adə̄ ni unən ba əja mɔtən najə̄ yā Jipə gə̄ ń ndin̄ gō nang ngeé ń noō tə́ ní. Tām̄ nin̄ malang ní gerə̄n̄ kadə̄ bɔbə̄n i Gərek.

KƏLA RĀĀ 15:40

Pol gə̄rā yān i Silas ō. Dan ń ngákó̰ó̰jí gə̄ ndɔ̄ȳn̄ Kɔ́ɔ̄ɓē tām̄ yā Pol tə́ kadə̄ rāā kem majə seneé oy anī, Pol aw̄ kaā yān ō.

KƏLA RĀĀ 15:32

Jud ō, Silas ō ń nin̄ i ngé koō ta gə̄ ní, ɔrə̄n̄ najə̄ kə ngákó̰ó̰də́ gēé dan i ngá̰ý. Mbūsə̄n̄neédə́ ō, adə̄n̄neédə́ tɔ́gə ō.

KƏLA RĀĀ 15:27

Adə̄ j-əla Jud ō, Silas ō, kadə̄ aw̄ ədan̄sí najə̄ gə̄ ń jə-ndang ní kə tadə́ ɓáý to̰.

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

KƏLA RĀĀ 4:23

Dan ń ngé sarya gə̄ əya̰n̄ Piyer nin̄ kə Ja̰a̰ dɔɔ́ anī, nin̄-tél aw̄n̄ rɔ̄ madə̄də́ gə̄ tə́, ba ɔjən̄də́ gotə najə̄ gə̄ malang ń ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, ədan̄də́ ní.

KƏLA RĀĀ 2:44

Ngé taā kem gə̄ malang ɔsən̄ dɔdə́ naā tə́ ō, yá̰a̰ malang ń nin̄-əngen̄ ní kēgə̄n̄ naā dɔ dáńdə́ tə́ ō.

JA̰A̰ 7:35

Gō najə̄ ń toō tə́ anī Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?

PĀ KƏ́ MAJƏ 6:1

Dəyá̰ kə́ mandə tɔȳ dəyá̰ gə̄ malang, kó tár yāí aw̄ i rá? Kó tár yāí aw̄ kumən i kə̄ dām̄ kə́ rá tə́? Jə-ndigə sāā njan seí.

Gōsə̄ najə̄ gə̄ 13:20

Nge njə̄rā kə ngé kum kedə̄ gēé a tél de kə́ nge kum kedə̄, ba nge kaw̄ ɓē de kə́ mbóo gēé ngándáńg a ənge yá̰á̰ kə́ tōr̄.

Gōsə̄ najə̄ gə̄ 9:6

Ə́ya̰ī háĺ kə́ to mbóo kɔ̄ɔ́ anī ā ī-ndiī kə kumsí! Gō tə́ anī úniī róbə́ ń ger̄ kum yá̰a̰ i tū tə́ ní.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

KƏLA RĀĀ 17:10

Ndɔ̄ɔ́ anī, ngákó̰ó̰jí gə̄ adə̄n̄ Pol nin̄ kə Silas aw̄n̄ kem ɓē kə́ Bere tə́. Dan ń ugə̄n̄ anī aw̄n̄ kújə́ kán̄ naā yā Jipə gə̄ tə́.

KƏLA RĀĀ 17:14

Anī kə̄ ta jī tə́ noō ngákó̰ó̰jí gə̄ adə̄n̄ Pol aw̄ kumən kə̄ bā bo tə́ kɔ̄ɔ́. Banī Silas nin̄ kə Timote tá ndin̄ gotoó kem ɓē kə́ Bere tə́.