KƏLA RĀĀ 17:1 - Bibəl ta Sar̄

¹ Pol nin̄ kə Silas əndan̄ nang kə́ Ampipolis ō, kə́ Apoloni ō gāngə̄n̄, ba aw̄ ugə̄n̄ kem ɓē kə́ Tesalonik tə́. Kújə́ kán̄ naā yā Jipə gə̄ i kem ɓē ní tə́.

Bible sar

¹ Pol nin̄ kə Silas əndan̄ nang kə́ Ampipolis ō, kə́ Apoloni ō gāngə̄n̄, ba aw̄ ugə̄n̄ kem ɓē kə́ Tesalonik tə́. Kújə́ kán̄ naā yā *Jipə gə̄ i kem ɓē ní tə́.

KƏLA RĀĀ 17:1 Referans Kwoze

PILIPƏ 4:16

Dan ń mā i kem ɓē kə́ Tesalonik tə́ ɓáý ní, sḭḭ̄ ə́laī kə yá̰á̰ kə́ ndoōn rāām̄ ādə̄mī nja i kógə̄ḿ beē ngóy alé.

1 TESALONIK 1:1

I Pol nin̄ kə Silas ō, Silas ō, Timote ō n əlan̄ kə makətūbə̄ ń toō adə̄n̄ Egəlijə kə́ Tesalonik tə́ ń ɓoon̄ naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní. Ādə̄ Nə́ɓā rāā kem majə sesí ō, sɔl̄ kemsí ō.

2 TESALONIK 1:1

I Pol nin̄ kə Silas ō, Timote ō n əlan̄ kə makətūbūú adə̄n̄ Egəlijə kə́ Tesalonik tə́ ń ɓoo naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní.

KƏLA RĀĀ 20:4

Madə̄ mbān gə̄ i Sopater ngōn̄ Pirus kə́ Bere ō, Aristark nin̄ kə Sekundus kə́ Tesalonik ō, Gayus kə́ Derbə ō, Timote ō, Tisik nin̄ kə Təropim ń nin̄ i de kə́ Aji tə́ gə̄ ní ō.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

KƏLA RĀĀ 27:2

Loo ń noō tə́ j-al̄ kem too bo kógə̄ḿ kə́ Adəramitə tə́, kə́ a aw̄ i yā kaw̄ dəba kə gō kum kā̰ā̰ gə̄ kə́ gō nang kə́ Aji tə́ tə́. Too ní ɔr̄ dɔɔ́ sejí. Deē ń i sejí ní i Aristark. Ni i de kə́ Masedəwan kə́ Tesalonik tə́.

KƏLA RĀĀ 17:13

Banī loo ń Jipə kə́ Tesalonik tə́ gə̄ oōn̄ kadə̄ Pol na ɔjə najə̄ yā Nə́ɓā kem ɓē kə́ Bere tə́ ō anī, nin̄-sə̄lān̄ kósə de gə̄ ō, rāān̄də́ adə̄ kemdə́ ndi kə gōó aĺ ō.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

KƏLA RĀĀ 16:13

Ndɔ̄ sabat tə́ anī jə-teē kem ɓēé, ba j-aw̄ kadə bā kógə̄ḿ tə́, loo kə́ jə-gír̄ kadə̄ loo ndɔ̄ȳ i tū tə́ tə́. Jə-ndi nang tə́ ba j-ɔr̄ najə̄ kə dəyá̰ gə̄ ń kánə̄n̄ naā ní.

KƏLA RĀĀ 15:21

Tām̄ əla gír i jóó ngá̰ý bátə́ ɓōólaā n de gə̄ a ɔjən̄ ndū najə̄ yā Moijə kə̄ kem ɓē gə̄ tə́ kógə̄ḿ kógə̄ḿ ō, a tə́dan̄ ndū najə̄ yān kem kújə́ kán̄ naā gə̄ tə́ kə dɔ ndɔ̄ sabat gə̄ malang ō ní.

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

KƏLA RĀĀ 17:10

Ndɔ̄ɔ́ anī, ngákó̰ó̰jí gə̄ adə̄n̄ Pol nin̄ kə Silas aw̄n̄ kem ɓē kə́ Bere tə́. Dan ń ugə̄n̄ anī aw̄n̄ kújə́ kán̄ naā yā Jipə gə̄ tə́.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.