KƏLA RĀĀ 16:9 - Bibəl ta Sar̄

⁹ Ndɔ̄ɔ́ anī yá̰a̰ ndɔ̄bə̄ Pol: Ni-a̰a̰ deē kógə̄ḿ kə́ Masedəwan. Deē ní ra kə njan kə́ dɔɔ́ rāān ɓɔ́ ba ədan na: Ī-reē Masedəwan ī-dḭḭ̄jí!

Bible sar

⁹ Ndɔ̄ɔ́ anī yá̰a̰ ndɔ̄bə̄ Pol: Ni-a̰a̰ deē kógə̄ḿ kə́ Masedəwan. Deē ní ra kə njan kə́ dɔɔ́ rāān ɓɔ́ ba ədan na: Ī-reē Masedəwan ī-dḭḭ̄jí!

KƏLA RĀĀ 16:9 Referans Kwoze

KƏLA RĀĀ 19:21

Gō yá̰a̰ gə̄ ń noō ń rāān̄ yá̰á̰ tə́ ní, Pol ɔjə gír̄ teē gō nang kə́ Masedəwan tə́ ō, gō nang kə́ Akayi tə́ ō, yā kaw̄ń kə̄ Jerusalem, ni-əda na: Ré m-ūgə̄ nú anī, majə kadə̄ m-á̰a̰ ɓē kə́ Rom ō.

KƏLA RĀĀ 18:5

Banī loo ń Silas nin̄ kə Timote ḭḭn̄ Masedəwan reē ugə̄n̄ anī, Pol rāā yá̰á̰ kə́ rang to̰ alé, ba əndā rɔ̄n i ta kəla kɔjə najə̄ tə́ ngóy. Ni ɔjə Jipə gə̄ kadə̄ Jeju i Kərist rɔ̄kum.

Makətūbə̄ ń Pol ndang adə̄ Rom gə̄ ní 15:26

Tɔdɔ̄ ngé taā kem kə́ Masedəwan tə́ gə̄ ō kə́ Akayi tə́ gə̄ ō, ndigən̄ kɔsə dɔ yá̰a̰ naā tə́ tām̄ yā ngé ndoō gə̄ kə́ dan de gə̄ yā Nə́ɓā kə́ Jerusalem tə́.

KƏLA RĀĀ 20:1

Dan ń gír najə̄ gān̄g anī, Pol ɓāŕ ngé taā kem gə̄ ba əla go̰ kemdə́ tə́. Gō tə́ anī ni-rāādə́ lápə́ya a̰ȳń ta njan ba ɔr̄ dɔɔ́ ta kaw̄ kə̄ Masedəwan.

1 TESALONIK 4:10

I tītə̄ ń noō n ī-táriīń ngákó̰ó̰sí gə̄ kə́ gō nang kə́ Masedəwan tə́ malang kə taá ní. Banī ngákó̰ó̰jí gə̄, jə-dəjesí kadə̄ ī-táriī kum kə̄ kété ɓáý.

2 KORḚNTƏ 12:7

Yá̰á̰ ń Nə́ɓā teē kumḿ dɔ tə́ ní, i yá̰á̰ kə́ bo ngá̰ý aĺ naā ō, ni gḛy kadə̄ m-ɔ́jə rɔ̄ḿ najə̄n tə́ aĺ ō. Adə̄ ni-əla kōn̄ kógə̄ḿ kem dā̰ḿ tə́, kōn̄ ní i de kə́ dɔ rā̰ tə́ kógə̄ḿ yā Sətan, kə́ kadə̄ əndam̄ na sōgə́ m-ɔ́jə rɔ̄ḿ.

2 KORḚNTƏ 11:9

Ba dan ń m̄-ndi dansí tə́ á ndoō rāām̄ ní, m-ɔ̄ȳ deē kógə̄ḿ alé. Tɔdɔ̄ ngákó̰ó̰jí gə̄ ń ḭḭn̄ dɔ nang kə́ Masedəwan tə́ reēn̄ ní, adə̄mə̄n̄ yá̰a̰ malang ń ndoōn rāām̄ ní. Mā m̄-mbātə́ kɔȳsí ō, m̄-na̰y kə̄ loo mbātə́ tə́ ɓáý ō.

2 KORḚNTƏ 9:2

m̄-ger̄ yá̰á̰ kə́ majə gə̄ ń ī-sāāī rāā ní kɔ̄ɔ́, adə̄ m-ɔ́r ta rɔ̄ḿ najə̄ yāsí tə́ ta kum de gə̄ kə́ Masedəwan tə́: M-ə́dádə́ na de kə́ Akayi tə́ gə̄ əndān̄ dɔ rɔ̄də́ danaá kɔ̄ɔ́ i kaĺbēé beē. Adə̄ kɔl watang yāsí ɔsə kə ngé kán̄ naā gə̄ ngá̰ý ta rāā yá̰a̰ ō.

2 KORḚNTƏ 8:1

Ngákó̰ó̰jí gə̄, jə-gḛy kadə̄ ī-gerī kem majə ń Nə́ɓā rāā kə de gə̄ kə́ kem Egəlijə gə̄ kə́ dɔ nang kə́ Masedəwan tə́ ní.

2 KORḚNTƏ 7:5

Tɔdɔ̄ dan ń j-ugə̄ dɔ nang kə́ Masedəwan tə́ ní, j-ɔr̄ koō aĺ bátə́. Wur kɔl əsō dɔjí tə́ kə ta róbə́ kə́ tayā tayā gēé: J-a jə-rɔ̄ɔ̄ kə de kə́ rang gēé ō, ɓōĺ i kemjí tə́ ō.

KƏLA RĀĀ 20:3

ba ndi noó nāā mətá. Dan ń ni-sāā kun to bo yā kaw̄ dɔ nang kə́ Siri tə́ anī, oō kadə̄ Jipə gə̄ oōn̄ naā dɔn tə́. Loo ń noō tə́ ni-gḛy tél teē gogə́ dɔ nang kə́ Masedəwan tə́.

KƏLA RĀĀ 10:30

Anī Kɔrney əda na: Asə ndɔ̄ mətá kɔ̄ɔ́ ɓōólaā tā, i kə mbang nəkɔ́ ń toō bang, adə̄ i kə mbang kə́ mətá kə́ loo sɔlí, m̄-ndi m-ā m̄-ndɔ̄ȳ i Nə́ɓā ɓēé looḿ, anī deē kógə̄ḿ o̰ō̰ kūbə̄ kə́ ndaa kə́ ndə́lē ngá̰ý teē rétə́ gēé reē ra noḿ tə́

KƏLA RĀĀ 10:3

Ndɔ̄ kógə̄ḿ tə́ kə mbang kə́ mətá kə́ loo sɔlí anī, de kə́ dɔ rā̰ tə́ kógə̄ḿ yā Nə́ɓā ndɔ̄bən adə̄ a̰a̰n unjə̄ ká̰ý ká̰ý. Nge kəla ní udə kújú gōn tə́ ba ədan na: Kɔrney!

KƏLA RĀĀ 9:38

Ngé ndóō yá̰a̰ gə̄ ń ndin̄ kem ɓē kə́ Jope tə́ ní, oōn̄ kadə̄ Piyer i kem ɓē kə́ Lida tə́. Tá kḭḭ Lida kaw̄ kə̄ Jope i ngɔr. Adə̄ əlan̄ de gə̄ jōó kadə̄ aw̄ ədanən̄ na: Jə-rāāī ɓɔ́, ī-reē láẃ kanjə̄ kɔr bā̰ā̰.

KƏLA RĀĀ 16:10

Gō yá̰a̰ ń noō ń ndɔ̄bə̄ Pol tə́ ní, kə̄ ta jī tə́ noō jə-sāā kaw̄ Masedəwan, tām̄ jə-ger̄ majə ngá̰ý kadə̄ Nə́ɓā ɓāŕjí i kadə̄ j-aw̄ j-ɔjə de kə́ gō nang ngeé ń noō tə́ gə̄ Najə̄ kə́ Majə.

KƏLA RĀĀ 16:12

J-ḭḭ noó j-aw̄ Pilipə ń i ɓē kə́ gō nang kə́ Masedəwan tə́ kə́ bo tɔȳ madə̄ gə̄ malang ō, i ɓē kə́ de kə́ Rom gə̄ rāān̄ ɓē tū tə́ ō ní. Jə-ndi kem ɓē ngeé ń noō tə́ dan oy tām̄.

KƏLA RĀĀ 19:22

Ni-əla de gə̄ jōó dan ngé gə̄ ń rāān̄ kəla seneé tə́ ní, adə̄ i Timote ō Erastə ō. Nin̄-aw̄n̄ Masedəwan kété, ba nəkɔ́ tá ndi gogə́ gō nang kə́ Aji tə́ sḛ́ý ɓáý.

KƏLA RĀĀ 19:29

Najə̄ ní taā loo kem ɓēé malang, adə̄ de gə̄ bə̄gān̄ naā ta kaw̄ kə̄ loo kɔjə yá̰á̰ tə́, ba ndɔ́rə̄n̄ Gayus nin̄ kə Aristark ń i de kə́ Masedəwan tə́ gə̄ ní ō, i madə̄ mbā Pol gə̄ ní ō aw̄n̄ sedə́.

KƏLA RĀĀ 27:2

Loo ń noō tə́ j-al̄ kem too bo kógə̄ḿ kə́ Adəramitə tə́, kə́ a aw̄ i yā kaw̄ dəba kə gō kum kā̰ā̰ gə̄ kə́ gō nang kə́ Aji tə́ tə́. Too ní ɔr̄ dɔɔ́ sejí. Deē ń i sejí ní i Aristark. Ni i de kə́ Masedəwan kə́ Tesalonik tə́.

NDŪ NAJƏ̄ 30:13

To i gidə bā bo tə́ á deē a ədań na: I náā n a aw̄ gō tə́ gidə bā bo tə́ yā reēń kadə̄ j-oō ba jə-rāā kə gōó aĺ ō.