KƏLA RĀĀ 16:6 - Bibəl ta Sar̄

⁶ Pol nin̄ kə Silas əndan̄ nang kə́ Pəriji ō kə́ Galasi ō gāngə̄n̄, tɔdɔ̄ Ndíĺ kə́ Táĺ ɔgə̄də́ kɔjə najə̄ dɔ nang kə́ Aji tə́.

Bible sar

⁶ Pol nin̄ kə Silas əndan̄ nang kə́ Pəriji ō kə́ Galasi ō gāngə̄n̄, tɔdɔ̄ *Ndíĺ kə́ Táĺ ɔgə̄də́ kɔjə najə̄ dɔ nang kə́ Aji tə́.

KƏLA RĀĀ 16:6 Referans Kwoze

KƏLA RĀĀ 18:23

Ni-ndi noó sḛ́ý, ba gō tə́ anī tél dɔ tə́ aw̄ gogə́. Ni-njə̄rā kə gō ɓē gə̄ kə́ dɔ nang kə́ Galasi tə́ ō, kə́ Pəriji tə́ ō. Ni mbūsə̄ ngé ndóō yá̰a̰ gə̄ malang kə najá adə̄ ran̄ ngan̄g dɔ taā kem yādə́ tə́.

GALATƏ 1:2

i mā ō, ngákó̰ó̰jí gə̄ malang ń i seḿ ní ō n, j-əla kə makətūbə̄ ń toō ní. J-əlań j-ādə̄ i de gə̄ kə́ kem Egəlijə gə̄ kə́ gō nang kə́ Galasi tə́.

KƏLA RĀĀ 16:7

Dan ń nin̄-ugə̄n̄ dɔ nin̄ nang kə́ Miji tə́ anī, sāān̄ kaw̄ dɔ nang kə́ Bitini tə́, banī Ndíĺ Jeju ɔgə̄də́ kɔ̄ɔ́.

KƏLA RĀĀ 11:12

Ndíĺ kə́ Táĺ ədam̄ na kə m-āw̄ sedə́ kanjə̄ kadə̄ kemḿ tɔ́sə̄m̄. Ngákó̰ó̰jí kə́ mehḛ́ gə̄ ń m̄-reē sedə́ á ran̄ toó dānə̄mə̄n̄ Sejare ō, j-udə kem kújə yā Kɔrney tə́ i malangjí gə̄ ō.

1 PIYER 1:1

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?

KƏLA RĀĀ 19:10

Ni-rāā beé ɓāl̄ jōó, adə̄ de gə̄ malang kə́ gō nang kə́ Aji tə́, Jipə gə̄ gə̄gē, Gərek gə̄ gə̄gē oōn̄ najə̄ yā Kɔ́ɔ̄ɓē.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

JEJU TEĒ KUM JA̰A̰ 1:4

I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

2 TIMOTE 1:15

Ī-ger̄ majə kadə̄ de kə́ Aji tə́ gə̄ malang əya̰mə̄n̄ kɔ̄ɔ́. Pijel nin̄ kə Hermojen i sedə́ ō.

2 KORḚNTƏ 1:8

Tɔdɔ̄ ngákó̰ó̰jí gə̄, jə-gḛy kadə̄ ī-gerī gō yá̰á̰ kə́ tōr̄ gə̄ ń rāān̄jí dɔ nang kə́ Aji tə́ ní: Yá̰á̰ kə́ tōr̄ gə̄ ní ɔȳn̄jí ngá̰ý, kɔȳdə́ tɔȳ tɔ́gə́jí, adə̄ j-əndā kemjí dɔ ndi tə́ kə kumjí to̰ alé.

1 KORḚNTƏ 16:1

Najə̄ kə́ dɔ yá̰á̰ kə́ kɔsə dɔ naā tə́ tām̄ yā de gə̄ yā Nə́ɓā tə́ ń m-ɔ́jə́ de gə̄ kə́ kem Egəlijə gə̄ kə́ Galasi tə́ ní, sḭḭ̄ ā ī-rāāī yāsí i tītə̄ yādə́ ō.

1 KORḚNTƏ 12:11

I Ndíĺ kə́ kal kógə̄ḿ beē nəkɔ́ ń toō n rāā yá̰a̰ gə̄ ń toō malang ní. Ni-adə̄ de gə̄ kógə̄ḿ kógə̄ḿ yá̰á̰ kə́ tayā tayā gə̄ kə gō kem ndigə yānneé.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

KƏLA RĀĀ 20:16

Tɔdɔ̄ Pol gḛy mān̄ Epejə kanjə̄ dəba, yā kadə̄ n-ɔrəń bā̰ā̰ gō nang kə́ Aji tə́ alé. Ni sōl̄ kaw̄ láẃ ngá̰ý i yā kadə̄ ré n-asə anī kadə̄ ni i kem ɓē kə́ Jerusalem tə́ ndɔ̄ nāā Pa̰təkotə tə́.

KƏLA RĀĀ 20:4

Madə̄ mbān gə̄ i Sopater ngōn̄ Pirus kə́ Bere ō, Aristark nin̄ kə Sekundus kə́ Tesalonik ō, Gayus kə́ Derbə ō, Timote ō, Tisik nin̄ kə Təropim ń nin̄ i de kə́ Aji tə́ gə̄ ní ō.

KƏLA RĀĀ 10:19

Piyer ndi a gír̄ kum yá̰á̰ ń ndɔ̄wn ní ɓáý anī, Ndíl ədan na: De gə̄ mətá ra a sāānī laā.

IJAI 30:21

Ā ōō najə̄ ń toō gidií tə́: Róbə n toó, majə kadə̄ ún āwń dām̄ kə́ ko̰ó̰ tə́, aláa dām̄ kə́ geleé tə́!

Najə̄ kə́ Majə yā Jeju ń Luk ndang ní 1:2

Ndangən̄ i kə gō ń ngé ka̰a̰ kə kumdə́ gə̄ ənīn̄neé gotə adə̄n̄jí ní. Ngé ka̰a̰ kə kumdə́ gə̄ ní télən̄ i ngé kɔjə najə̄ kə́ bo gə̄ yā Nə́ɓā.

KƏLA RĀĀ 6:9

Anī de kə́rēý gə̄ ḭḭn̄ seneé kə najá. De gə̄ ní i de gə̄ ń a ɓārə́n̄ kújə́ kán̄ naā yādə́ na i kújə́ kán̄ naā yā ɓəlo gə̄ kə́ gāngə̄n̄ dɔdə́ kɔ̄ɔ́ gə̄ ní ō, i de kə́ Siren tə́ gə̄ ō, kə́ Aleksandəri tə́ gə̄ ō, kə́ Silisi tə́ gə̄ ō, kə́ gō nang kə́ Aji tə́ gə̄ ō. Nin̄-nējə̄n̄ naā najə̄ kə Etiyen.

KƏLA RĀĀ 8:29

Anī Ndíĺ kə́ Táĺ əda Pilipə na: Ī-njə̄rā kə̄ kété, aw̄ ngɔr rɔ̄ púsə́ ń noō tə́.

KƏLA RĀĀ 21:27

Ndɔ̄ kə́ sīrí gə̄ ń jə-ndiń Jerusalem ní a rāā yā təgā ngɔr anī, Jipə kə́ gō nang kə́ Aji tə́ gə̄ a̰a̰n̄ Pol kem kújə yā Kɔ́ɔ̄ɓē tə́. Nin̄-sə̄lān̄ kósə de gə̄ malang ba əhɔn̄ Pol.

Makətūbə̄ ń Pol ndang adə̄ Rom gə̄ ní 16:5

Ī-rāāī de kə́ kem Egəlijə tə́ gə̄ ń a kánə̄n̄ naā loodə́ ní lápə́ya ādə̄mī ō. Ī-rāāī kó tár yāḿ Epenetə ń i nge taā kem Jeju Kərist kə́ ta kəga dɔ sasak kə́ gō nang kə́ Aji tə́ ní lápə́ya ādə̄mī ō.

1 KORḚNTƏ 16:19

De gə̄ kə́ kem Egəlijə gə̄ kə́ dɔ nang kə́ Aji tə́ rāān̄sí lápə́ya. Akilas ō, Pərisil ō, naā tə́ kə de gə̄ kə́ kem Egəlijə tə́ ń a kánə̄n̄ naā kem kújə yādə́ nin̄ tə́ ní, rāān̄sí lápə́ya kə gō ɓoojí naā kə Kɔ́ɔ̄ɓēé.