KƏLA RĀĀ 16:2 - Bibəl ta Sar̄

² Rī Timote ní ɓār̄ majə ngá̰ý dan ngákó̰ó̰jí gə̄ kə́ Listər tə́ ō, kə́ Ikoniyɔm tə́ ō.

Bible sar

² Rī Timote ní ɓār̄ majə ngá̰ý dan ngákó̰ó̰jí gə̄ kə́ Listər tə́ ō, kə́ Ikoniyɔm tə́ ō.

KƏLA RĀĀ 16:2 Referans Kwoze

2 TIMOTE 3:15

I dan ń ḭ̄ i ngōn̄ kə́ dūú ɓáý ní n ī-ger̄ makətūbə̄ yā Nə́ɓā ní. Makətūbə̄ ní asə rāā kadə̄ kumií edə̄. Ba kum kedə̄ ngeé ń toō a rāā kadə̄ ájə, kə ta kūl̄ taā kə́ ī-taā kem Kərist Jeju.

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

HEBƏRO 11:2

Nə́ɓā ndigə de kə́ kété jóo gə̄ najə̄ taā kem yādə́ tə́.

2 TIMOTE 3:11

Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

1 TIMOTE 3:7

Tá ɓáý to̰ ní, majə kadə̄ de kə́ ndágá gə̄ ədan̄ najə̄ yān majə, na sōgə́ de gə̄ kídə̄nən̄ ō, əsō kum gūmbə̄ yā diabəl tə́ ō.

KƏLA RĀĀ 16:40

Dan ń Pol nin̄ kə Silas teēn̄ kújə dəngáyá anī, aw̄n̄ ɓē Lidə. Nin̄-a̰a̰n̄ ngákó̰ó̰də́ gə̄ ō, ɔjə̄n̄də́ ō, tá kadə̄ aw̄n̄ ɓáý.

KƏLA RĀĀ 14:21

Pol nin̄ kə Barnabas ɔjən̄ Najə̄ kə́ Majə kem ɓē kə́ Derbə tə́. Nin̄-rāān̄ adə̄ de gə̄ ngá̰ý télən̄ ngé ndóō yá̰a̰ gə̄. Gō tə́ anī nin̄-tél aw̄n̄ gogə́ Listər ō, Ikoniyɔm ō, A̰tiyos kə́ Pisidi tə́ ō.

KƏLA RĀĀ 13:51

Pol nin̄ kə Barnabas gógə̄n̄ bumbə́rú kə́ njadə́ tə́ ba aw̄n̄ Ikoniyɔm.

KƏLA RĀĀ 6:3

Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

1 TIMOTE 5:25

Kəla kə́ majə gə̄ ní ton̄ kə̄ dɔ ndágá wáńg i tītə̄ ń noō ō. Ngé gə̄ ń loo ka̰a̰də́ i láẃ aĺ ní, asən̄ to loo ɓɔ̄ɔ̄ tə́ aĺ ō.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

KƏLA RĀĀ 14:6

Dan ń nin̄-gerə̄n̄ gō anī, a̰ȳ aw̄ ɓɔ̄ɔ̄n̄ rɔ̄də́ kem ɓē gə̄ kə́ Likaoni tə́, adə̄ i kem ɓē kə́ Listər tə́ ō, Derbə tə́ ō, kem ngán ɓē gə̄ kə́ kə gō gidə ɓē gə̄ ní tə́ ō.

PILIPƏ 2:22

Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē.