KƏLA RĀĀ 16:1 - Bibəl ta Sar̄

¹ Pol aw̄ ugə̄ Derbə ō Listər ō. Nge ndóō yá̰á̰ kógə̄ḿ ndi kem ɓē ngeé ń noō tə́, rīn na i Timote. Ni i ngōn̄ dəyá̰ Jipə kógə̄ḿ. Kó̰o̰n i nge taā kem, ba bɔbə̄n i Gərek.

Bible sar

¹ Pol aw̄ ugə̄ Derbə ō Listər ō. Nge ndóō yá̰á̰ kógə̄ḿ ndi kem ɓē ngeé ń noō tə́, rīn na i Timote. Ni i ngōn̄ dəyá̰ *Jipə kógə̄ḿ. Kó̰o̰n i nge taā kem, ba bɔbə̄n i Gərek.

KƏLA RĀĀ 16:1 Referans Kwoze

2 TIMOTE 1:5

Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.

2 TIMOTE 1:2

Timote, ngōn̄ kó tár yāḿ, i ḭ̄ n m̄-ndang makətūbə̄ ń toō m-ādī ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Jeju Kərist rāān̄ kem majə seí ō, a̰a̰n̄ kum to ndoō yāí ō, sɔlə̄n̄ kemií ō.

1 TIMOTE 1:2

n m-ə́la kə makətūbə̄ ń toō m-ādī ḭ̄ Timote ní. Ḭ̄ i ngōnə̄ḿ kə́ rɔ̄kum, tɔdɔ̄ i mā n m̄-rāā adə̄ ī-taā kem ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Kərist Jeju rāān̄ kem majə seí ō, a̰a̰n̄ kum tō ndoō yāí ō, sɔlə̄n̄ kemií ō.

1 TESALONIK 3:2

ba ngōkó̰ó̰jí Timote ń i nge rāā kəla naā tə́ kə Nə́ɓāá loo kɔjə Najə̄ kə́ Majə yā Kərist tə́ ní, j-əlan kadə̄ aw̄ mbūsə̄sí ō, adə̄sí tɔ́gə loo taā kem yāsí tə́ ō.

1 KORḚNTƏ 4:17

I tām̄ najə̄ ń noō tə́ n m-ə́la Timote rɔ̄sí tə́ ní. Ni i ngōnə̄ḿ kə́ ra dɔ ndūn tə́ kə́ m̄-tárən ngá̰ý sɔɔ̄ń Kɔ́ɔ̄ɓē. Ndū najə̄ gə̄ ń m-ún gō á m̄-ndiń kə Kərist ní, ni a ter̄ kemsí dɔ tə́. Adə̄ i yá̰a̰ gə̄ ń m̄-ndóō de gə̄ kə̄ kem Egəlijə gə̄ tə́ malang ní.

KƏLA RĀĀ 18:5

Banī loo ń Silas nin̄ kə Timote ḭḭn̄ Masedəwan reē ugə̄n̄ anī, Pol rāā yá̰á̰ kə́ rang to̰ alé, ba əndā rɔ̄n i ta kəla kɔjə najə̄ tə́ ngóy. Ni ɔjə Jipə gə̄ kadə̄ Jeju i Kərist rɔ̄kum.

KƏLA RĀĀ 17:14

Anī kə̄ ta jī tə́ noō ngákó̰ó̰jí gə̄ adə̄n̄ Pol aw̄ kumən kə̄ bā bo tə́ kɔ̄ɔ́. Banī Silas nin̄ kə Timote tá ndin̄ gotoó kem ɓē kə́ Bere tə́.

2 TESALONIK 1:1

I Pol nin̄ kə Silas ō, Timote ō n əlan̄ kə makətūbūú adə̄n̄ Egəlijə kə́ Tesalonik tə́ ń ɓoo naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní.

KOLOSƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní, naā tə́ kə ngōkó̰ó̰jí Timote n,

PILIPƏ 2:19

m̄-taā kem kadə̄ Kɔ́ɔ̄ɓē Jeju a rāā seḿ, adə̄ m-ā m-ə́la Timote loosí ngɔr, kadə̄ m-ōōń kōōsí ō, kadə̄ kemḿ tetəń kə̄ nang tə́ sḛ́ý ō.

Makətūbə̄ ń Pol ndang adə̄ Rom gə̄ ní 16:21

Timote kə́ madə̄ kəlaḿ rāāsí lápə́ya ō, Lusius ō, Jaso̰ ō, Sosipatər ō nin̄ ń i ngééḿ gə̄ ní rāān̄sí lápə́ya.

KƏLA RĀĀ 14:6

Dan ń nin̄-gerə̄n̄ gō anī, a̰ȳ aw̄ ɓɔ̄ɔ̄n̄ rɔ̄də́ kem ɓē gə̄ kə́ Likaoni tə́, adə̄ i kem ɓē kə́ Listər tə́ ō, Derbə tə́ ō, kem ngán ɓē gə̄ kə́ kə gō gidə ɓē gə̄ ní tə́ ō.

HEBƏRO 13:23

Majə kadə̄ ī-gerī kadə̄ ɔrə̄n̄ ngōkó̰ó̰jí Timote dəngáyá, adə̄ ré ní ugə̄ láẃ anī, j-a j-aw̄ seneé mbak yā go̰ō̰sí.

1 TIMOTE 1:18

Ngōnə̄ḿ Timote, yá̰a̰ gə̄ ń m-ə́daī kadə̄ ī-rāā ní, i kə gō najə̄ gə̄ ń Nə́ɓā əndā ta ngé koō ta yān gə̄ tə́ adə̄ ədan̄ dɔí tə́ kété ní. Ādə̄ najə̄ gə̄ ngeé ń toō adīn̄ tɔ́gə kadə̄ ī-rɔ̄ɔń rɔ̄ɔ̄ kə́ majə ń ā ī-rāā yā ra ta tə́ ní.

1 TESALONIK 1:1

I Pol nin̄ kə Silas ō, Silas ō, Timote ō n əlan̄ kə makətūbə̄ ń toō adə̄n̄ Egəlijə kə́ Tesalonik tə́ ń ɓoon̄ naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní. Ādə̄ Nə́ɓā rāā kem majə sesí ō, sɔl̄ kemsí ō.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

KƏLA RĀĀ 19:22

Ni-əla de gə̄ jōó dan ngé gə̄ ń rāān̄ kəla seneé tə́ ní, adə̄ i Timote ō Erastə ō. Nin̄-aw̄n̄ Masedəwan kété, ba nəkɔ́ tá ndi gogə́ gō nang kə́ Aji tə́ sḛ́ý ɓáý.

2 TIMOTE 3:11

Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

1 TESALONIK 3:6

Ba ngɔlaā ní, Timote ḭḭ rɔ̄sí tə́ tél ugə̄ rɔ̄jí tə́, ədají najə̄ kə́ majə kə́ dɔ taā kem yāsí tə́ ō, tár yāsí tə́ ō. Ədají na ī-gírī dɔjí tə́ majə ngándáńg ō, ngur ka̰a̰jí na rāāsí tītə̄ yājí ō.

2 KORḚNTƏ 1:19

Tɔdɔ̄ Kərist Jeju, ngōn̄ Nə́ɓā ń mā ō, Silas ō, Timote ō, j-ɔjəsí najə̄ yān ní, i a̰á̰ā̰ tá tél i hó̰ō̰ alé. Banī ni i a̰á̰ā̰ yā Nə́ɓā,

2 KORḚNTƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní ō, ngōkó̰ó̰sí Timote ō n j-əla kə makətūbə̄ ń toō ní. J-əlań j-adə̄ i Egəlijə yā Nə́ɓā ń i kem ɓē kə́ Korḛntə tə́ ní ō, ngé taā kem gə̄ ń ndin̄ dɔ nang kə́ Akayi tə́ kə taá malang ní ō.

1 KORḚNTƏ 7:14

Tɔdɔ̄ dəngam ń taā kem aĺ ní ɔrə̄n̄ kamə̄n tayā i kə ta kūl̄ nə̄yá̰n ō, dəyá̰ ń taā kem aĺ ní, ɔrə̄n̄ kamə̄n tayā i kə ta kūl̄ ngaan ō. Nə́ngētə́ i beé aĺ anī, ngáńsí gə̄ i ngáń kə yḛr gə̄, banī nin̄ i ngán gə̄ kə́ ɔrə̄n̄ kam̄də́ tayā.

KƏLA RĀĀ 14:21

Pol nin̄ kə Barnabas ɔjən̄ Najə̄ kə́ Majə kem ɓē kə́ Derbə tə́. Nin̄-rāān̄ adə̄ de gə̄ ngá̰ý télən̄ ngé ndóō yá̰a̰ gə̄. Gō tə́ anī nin̄-tél aw̄n̄ gogə́ Listər ō, Ikoniyɔm ō, A̰tiyos kə́ Pisidi tə́ ō.

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

ESDRAS 9:2

Na táān̄ dəyá̰ gə̄ dan gír de gə̄ ń noō tə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ kə́ dəngam gə̄ tə́ ō. Adə̄ ngán Israel gə̄ ń i de kə́ táĺ gə̄ ní na gurə́n̄ naā kə de kə́ kem ɓēé gēé. Na i ngār gə̄ ō, de kə́ bo gə̄ ō n əlan̄ gír rāā yá̰a̰ gə̄ kə́ majaĺ ń noō ń ɔjə kadə̄ nin̄ ran̄ dɔ ndūdə́ tə́ aĺ ní.

1 KORḚNTƏ 16:10

Ré Timote ugə̄ rɔ̄sí tə́ anī, ī-lōōī rāā kadə̄ ni-ndi kə ɓōló dansí tə́, tɔdɔ̄ ni a rāā i kəla yā Kɔ́ɔ̄ɓē tītə̄ yāḿ ō.

PILEMO̰ 1:1

I mā Pol ń i dəngáy yā Jeju Kərist ní, jḭḭ kə ngōkó̰ó̰jí Timote, jə-ndang najə̄ ń toō j-əlań j-adī ḭ̄ kó tár yājí Pilemo̰ madə̄ kəlají ō,