KƏLA RĀĀ 15:6 - Bibəl ta Sar̄

⁶ Ngámbang kəla gə̄ ō, kum kɔɔ̄ gə̄ ō, kánə̄n̄ naā yā kəndā ma̰ȳ najə̄ ní.

Bible sar

⁶ Ngámbang kəla gə̄ ō, *kum kɔɔ̄ gə̄ ō, kánə̄n̄ naā yā kəndā ma̰ȳ najə̄ ní.

KƏLA RĀĀ 15:6 Referans Kwoze

Gōsə̄ najə̄ gə̄ 15:22

Ta yá̰á̰ kə́ kɔjə rāā gə̄ to siriri kɔ̄ɔ́ sɔɔ̄ń i koō naā dɔ tə́ alé, ba ré ngé kadə̄ kɔjə̄ gə̄ i ngá̰ý anī yá̰a̰ gə̄ ní reē udən̄ gírí.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

HEBƏRO 13:7

Ādə̄ əga kemsí dɔ nge kɔr no ngé kán̄ naā gə̄ yāsí á ɔjən̄sí najə̄ yā Nə́ɓā ní. Ə̄ndāī ma̰ȳ loo ndidə́ dɔ nang tə́ laā ō, ta ngóýdə́ ō, ba ī-ndájī taā kem yādə́.

KƏLA RĀĀ 15:25

I tām̄ najə̄ ń noō tə́ n jḭḭ malang ní kemjí i gō naā tə́ yā gə̄rań de gə̄ kadə̄ j-əladə́ loosí ní. Nin̄ a dānə̄n̄ kó tár yājí gə̄ ń i Barnabas ō Pol ō ní.

KƏLA RĀĀ 21:18

Teē kə ndɔ̄ kə́ noō anī Pol aw̄ sejí ɓē Jakə loo ń kum kɔɔ̄ gə̄ malang kánə̄n̄ naā tū tə́ ní tə́.

KƏLA RĀĀ 15:4

Dan ń nin̄-ugə̄n̄ Jerusalem anī Egəlijə ō, ngámbang kəla gə̄ ō, kum kɔɔ̄ gə̄ ō, əhɔn̄də́ kə̄ rɔ̄də́ tə́, ba nin̄-ɔjən̄də́ gotə yá̰a̰ malang ń Nə́ɓā rāā kə ta kūl̄də́ ní.

KƏLA RĀĀ 6:2

Loo ń noō tə́ ngámbang kəla kə́ kutə gidə i jōó gə̄ ɔsən̄ dɔ kósə́ ngé ndóō yá̰a̰ gə̄ malang naā tə́ ba ədan̄də́ na: Kadə̄ jḭḭ j-əya̰ ta kɔjə najə̄ yā Nə́ɓā kɔ̄ɔ́ yā nə̄ɓōń yá̰a̰ kəsa ní i yá̰á̰ kə́ gōtə́ alé.

MATIYE 18:20

Tɔdɔ̄ loo ń de gə̄ jōó aláa mətá kánə̄n̄ naā tū tə́ kə rīḿ ní, mā i dandə́ tə́ noō.

KƏLA RĀĀ 11:30

I yá̰á̰ ń noō n nin̄-rāān̄ ní, adə̄ əlan̄ Barnabas ō Sol ō kə yá̰a̰ kadə̄ karī gə̄ ní kadə̄ aw̄n̄neé adə̄n̄ kum kɔɔ̄ gə̄ kə́ gō nang kə́ Jude tə́.

KƏLA RĀĀ 15:2

Gō najə̄ ngeé ń noō tə́ ní míndə kasə naā aĺ to ō, Pol nin̄ kə Barnabas nējə̄n̄ naā najə̄ kə de gə̄ ní ngá̰ý dɔ najə̄ ní tə́ ō. Anī de gə̄ gḛyn̄ kadə̄ Pol ō, Barnabas ō, de kə́rēý gə̄ kə́ A̰tiyos ō, aw̄n̄ Jerusalem kadə̄ aw̄ ɔrə̄n̄ najə̄ ní kə ngámbang kəla gēé ō, kə kum kɔɔ̄ gēé ō.

KƏLA RĀĀ 15:22

Loo ń noō tə́ ngámbang kəla gə̄ ō, kum kɔɔ̄ gə̄ ō, ngé kán̄ naā gə̄ malang ō, ndigən̄ gə̄rā de kə́rēý gə̄ dandə́ tə́ yā kəladə́ A̰tiyos naā tə́ kə Pol nin̄ kə Barnabas. Nin̄-gə̄rān̄ Jud ń a ɓāŕnən̄ na i Barsabas ní ō, Silas ō. Nin̄ i ngé kɔr no de gə̄ dan ngákó̰ó̰də́ gə̄ tə́.

KƏLA RĀĀ 16:4

Ndū gə̄ ń ngámbang kəla gə̄ ō, kum kɔɔ̄ kə́ Jerusalem gə̄ ō, ran̄ dɔ tə́ ní, Pol nin̄ kə Silas ədan̄ ngé taā kem gə̄ kə́ kem ɓē gə̄ ń nin̄-aw̄n̄ tū tə́ ní ō, mērə̄n̄də́ tetə rɔ̄də́ gō tə́ rāā ō.