KƏLA RĀĀ 15:4 - Bibəl ta Sar̄

⁴ Dan ń nin̄-ugə̄n̄ Jerusalem anī Egəlijə ō, ngámbang kəla gə̄ ō, kum kɔɔ̄ gə̄ ō, əhɔn̄də́ kə̄ rɔ̄də́ tə́, ba nin̄-ɔjən̄də́ gotə yá̰a̰ malang ń Nə́ɓā rāā kə ta kūl̄də́ ní.

Bible sar

⁴ Dan ń nin̄-ugə̄n̄ *Jerusalem anī Egəlijə ō, ngámbang kəla gə̄ ō, *kum kɔɔ̄ gə̄ ō, əhɔn̄də́ kə̄ rɔ̄də́ tə́, ba nin̄-ɔjən̄də́ gotə yá̰a̰ malang ń Nə́ɓā rāā kə ta kūl̄də́ ní.

KƏLA RĀĀ 15:4 Referans Kwoze

KƏLA RĀĀ 15:12

Loo ń noō tə́ ngé kán̄ naā gə̄ malang tél ndin̄ kə tadə́ kə́ mbóó kóńg ō, de gə̄ oōn̄ najə̄ kə́ ta Barnabas tə́ ō, Pol tə́ ō. Nin̄-ənīn̄ gōtə́ yá̰á̰ kə́ to kɔr kum gə̄ malang ō, yá̰á̰ kə́ yáā gə̄ ō ń Nə́ɓā rāā kə ta kūl̄də́ dan de gə̄ ń i Jipə aĺ gə̄ tə́ ní.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

KƏLA RĀĀ 15:3

Adə̄ Egəlijə kə́ A̰tiyos adə̄n̄də́ sádə̄ mbā. Nin̄-əndan̄ gō nang kə́ Penisi ō Samari ō gāngə̄n̄, ba ɔjən̄ loo tūr̄ ń de gə̄ ń i Jipə aĺ gə̄ tūrə̄n̄ rɔ̄də́ kə̄ rɔ̄ Nə́ɓā tə́ ní dɔɔ́ dɔɔ́. Najə̄ ní adə̄ ngákó̰ó̰jí gə̄ malang ń oōn̄ ní rɔ̄nel̄ ngá̰ý.

Makətūbə̄ ń Pol ndang adə̄ Rom gə̄ ní 15:18

Tɔdɔ̄ ré m̄-sāā kɔr̄ najə̄ kə́ dɔ yá̰á̰ kə́rēý tə́ anī, i yá̰á̰ ń Kərist rāā kə ta kūlə̄ḿ ní ngóy n m-ā m-ɔ̄r̄ najə̄ kə́ dɔ tə́ ní. Ni-rāā adə̄ ngé gə̄ ń nin̄ i Jipə aĺ gə̄ ní oōn̄ ta Nə́ɓā i kə ta kūlə̄ḿ. Ni-rāā yá̰á̰ ní i kə najá ō, i kə kəla kə́ rāāá ō,

KƏLA RĀĀ 21:17

Dan ń j-ugə̄ Jerusalem ní ngákó̰ó̰jí gə̄ əhɔn̄jí kə̄ rɔ̄də́ tə́ majə ngá̰ý.

2 JA̰A̰ 1:10

Ré de kə́rēý reē rɔ̄sí tə́ ba i kə yá̰á̰ ndóō ń toō aĺ anī, ə́hɔniī kə̄ rɔ̄sí tə́ kem kújə yāsí tə́ aĺ ō, ī-rāāniī lápə́ya aĺ ō.

KOLOSƏ 4:10

Aristark ń i dəngáy madə́ḿ ní, rāāsí lápə́ya. Mark kə́ ngōkó̰o̰ Barnabas rāāsí lápə́ya ō. Ni ní tāān̄sí najə̄ kə́ dɔn tə́ adə̄ ōōī ɓá. Ré ni-ugə̄ loosí anī, ə́hɔin̄ kə̄ rɔ̄sí tə́ majə.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

2 KORḚNTƏ 5:19

Tɔdɔ̄ kété Nə́ɓā rāā kəla kə ta kūl̄ Kərist, əndāń de gə̄ malang naā tə́ seneé, kanjə̄ kəhɔ gíŕ yá̰á̰ kə́ gō tə́ aĺ gə̄ ń nin̄-rāān̄ ní. Ba kəla kəndā de gə̄ naā tə́ seneé ngeé ń toō ní, ni-əndā kəla kəda de gə̄ najə̄n dɔjí tə́.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

Makətūbə̄ ń Pol ndang adə̄ Rom gə̄ ní 15:7

I beé ní ə́hɔī naā kə̄ rɔ̄sí tə́ tītə̄ ń Kərist nəkɔ́ əhɔńsí kə̄ rɔ̄n tə́ ní ɔ́siīń gɔn Nə́ɓā.

KƏLA RĀĀ 21:19

Dan ń ni rāādə́ lápə́ya oy anī, ɔjədə́ gotə yá̰a̰ gə̄ ń Nə́ɓā rāā dan de gə̄ kə́ nin̄ i Jipə aĺ gə̄ tə́ kə ta kūl̄ kəla yān nəkɔ́ Poló ní kə ta njaá.

KƏLA RĀĀ 18:27

Ni gḛy kaw̄ gō nang kə́ Akayi tə́, anī ngákó̰o̰n gə̄ ndigən̄ gōn tə́ ō, ndangən̄ makətūbə̄ adə̄n̄ ngé ndóō yá̰a̰ gə̄ dəjen̄neédə́ kadə̄ əhɔnən̄ kə̄ rɔ̄də́ tə́ majə ō. Dan ń ni-ugə̄ anī, rāā majə ngá̰ý kə ngé taā kem gēé kə yá̰á̰ ń Nə́ɓā adə̄n karī ní.

MATIYE 10:40

Deē ń əhɔsí kə̄ rɔ̄n tə́ anī əhɔm̄ i mā kə̄ rɔ̄n tə́. Ba deē ń əhɔm̄ kə̄ rɔ̄n tə́ ní əhɔ i nge ń əlam̄ ní kə̄ rɔ̄n tə́.

KƏLA RĀĀ 11:30

I yá̰á̰ ń noō n nin̄-rāān̄ ní, adə̄ əlan̄ Barnabas ō Sol ō kə yá̰a̰ kadə̄ karī gə̄ ní kadə̄ aw̄n̄neé adə̄n̄ kum kɔɔ̄ gə̄ kə́ gō nang kə́ Jude tə́.

KƏLA RĀĀ 15:2

Gō najə̄ ngeé ń noō tə́ ní míndə kasə naā aĺ to ō, Pol nin̄ kə Barnabas nējə̄n̄ naā najə̄ kə de gə̄ ní ngá̰ý dɔ najə̄ ní tə́ ō. Anī de gə̄ gḛyn̄ kadə̄ Pol ō, Barnabas ō, de kə́rēý gə̄ kə́ A̰tiyos ō, aw̄n̄ Jerusalem kadə̄ aw̄ ɔrə̄n̄ najə̄ ní kə ngámbang kəla gēé ō, kə kum kɔɔ̄ gēé ō.

KƏLA RĀĀ 15:6

Ngámbang kəla gə̄ ō, kum kɔɔ̄ gə̄ ō, kánə̄n̄ naā yā kəndā ma̰ȳ najə̄ ní.

KƏLA RĀĀ 15:22

Loo ń noō tə́ ngámbang kəla gə̄ ō, kum kɔɔ̄ gə̄ ō, ngé kán̄ naā gə̄ malang ō, ndigən̄ gə̄rā de kə́rēý gə̄ dandə́ tə́ yā kəladə́ A̰tiyos naā tə́ kə Pol nin̄ kə Barnabas. Nin̄-gə̄rān̄ Jud ń a ɓāŕnən̄ na i Barsabas ní ō, Silas ō. Nin̄ i ngé kɔr no de gə̄ dan ngákó̰ó̰də́ gə̄ tə́.

KƏLA RĀĀ 16:4

Ndū gə̄ ń ngámbang kəla gə̄ ō, kum kɔɔ̄ kə́ Jerusalem gə̄ ō, ran̄ dɔ tə́ ní, Pol nin̄ kə Silas ədan̄ ngé taā kem gə̄ kə́ kem ɓē gə̄ ń nin̄-aw̄n̄ tū tə́ ní ō, mērə̄n̄də́ tetə rɔ̄də́ gō tə́ rāā ō.