KƏLA RĀĀ 15:1 - Bibəl ta Sar̄

¹ Anī de kə́rēý gə̄ ḭḭn̄ Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.

Bible sar

¹ Anī de kə́rēý gə̄ ḭḭn̄ *Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī *əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.

KƏLA RĀĀ 15:1 Referans Kwoze

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

KƏLA RĀĀ 15:5

Banī ngé taā kem kə́rēý gə̄ kə́ teēn̄ i dan ngé ndóō yá̰a̰ yā Parijiyḛ gə̄ tə́ ḭḭn̄ dɔɔ́ ba ədan̄ na, i gáŕ kadə̄ əjan̄ mɔtə de gə̄ ń i Jipə aĺ gə̄ ní ō, kadə̄ ədan̄də́ kadə̄ ngɔ̄mə̄n̄ ndū najə̄ yā Moijə ō.

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

LEBI GƏ̄ 12:3

Kə ndɔ̄ kə́ nge ko̰ sɔ́sɔ́ anī, a əjan̄ mɔtə ngōn̄ ní.

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

JA̰A̰ 7:22

Moijə adə̄sí kəja mɔtə, ba i Moijə kə dɔneé alé, i yá̰a̰ yā kaasí gə̄, adə̄ sḭḭ̄ ə́jaī mɔtə deē ndɔ̄ sabat tə́.

GALATƏ 2:1

Ɓāl̄ kutə gidə i sɔ́ gō tə́ anī, m̄-tél m-āw̄ Jerusalem gogə́ ɓáý to̰ jḭḭ kə Barnabasaá ō, m-ún Titə m-ādə̄ aw̄ seḿ ō.

KƏLA RĀĀ 15:3

Adə̄ Egəlijə kə́ A̰tiyos adə̄n̄də́ sádə̄ mbā. Nin̄-əndan̄ gō nang kə́ Penisi ō Samari ō gāngə̄n̄, ba ɔjən̄ loo tūr̄ ń de gə̄ ń i Jipə aĺ gə̄ tūrə̄n̄ rɔ̄də́ kə̄ rɔ̄ Nə́ɓā tə́ ní dɔɔ́ dɔɔ́. Najə̄ ní adə̄ ngákó̰ó̰jí gə̄ malang ń oōn̄ ní rɔ̄nel̄ ngá̰ý.

KƏLA RĀĀ 6:14

Najə̄ ń ni-əda ní j-oō majə ngá̰ý, ni-əda na Jeju kə́ Najaret ń noō na a nujə loo ń toō kɔ̄ɔ́ ō, na a tūr̄ gír jī bēl̄ loo rāā yá̰a̰ gə̄ ń Moijə ɔjəjí ní kɔ̄ɔ́ ō.

KOLOSƏ 2:16

I beé ní, ādə̄ deē kógə̄ḿ gān̄g sarya dɔsí tə́ najə̄ yā yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, najə̄ yā rāā nāā tə́ aĺ ō, ndɔ̄ teē nāā tə́ aĺ ō, ndɔ̄ sabat tə́ aĺ ō.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

KƏLA RĀĀ 15:22

Loo ń noō tə́ ngámbang kəla gə̄ ō, kum kɔɔ̄ gə̄ ō, ngé kán̄ naā gə̄ malang ō, ndigən̄ gə̄rā de kə́rēý gə̄ dandə́ tə́ yā kəladə́ A̰tiyos naā tə́ kə Pol nin̄ kə Barnabas. Nin̄-gə̄rān̄ Jud ń a ɓāŕnən̄ na i Barsabas ní ō, Silas ō. Nin̄ i ngé kɔr no de gə̄ dan ngákó̰ó̰də́ gə̄ tə́.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 15:23

Əlan̄də́ kə makətūbə̄ ń toō, nin̄-ndangən̄ kemeé na: Ngámbang kəla gə̄ ō, kum kɔɔ̄ gə̄ ō, nin̄ ń i ngákó̰ó̰sí gə̄ ní, rāān̄ ngákó̰ó̰də́ kə́ Jipə aĺ gə̄ ń ndin̄ A̰tiyos dɔ nang kə́ Siri tə́ ō, Silisi tə́ ō ní lápə́ya.

KƏLA RĀĀ 15:32

Jud ō, Silas ō ń nin̄ i ngé koō ta gə̄ ní, ɔrə̄n̄ najə̄ kə ngákó̰ó̰də́ gēé dan i ngá̰ý. Mbūsə̄n̄neédə́ ō, adə̄n̄neédə́ tɔ́gə ō.

GALATƏ 6:12

Ngé gə̄ ń ɔsən̄ sesí ta kəja mɔtəsí ní, i de gə̄ kə́ gḛyn̄ kadə̄ a̰a̰n̄də́ i de kə́ majə gə̄ tə́, kə gō yā deē ndul gēé. Nin̄-rāān̄ tītə̄ ń noō i yā kadə̄ rāān̄neédə́ ndoō tə́ najə̄ kāgə̄ kə́ dēsə́ yā Kərist tə́ aĺ ngóy.