KƏLA RĀĀ 14:5 - Bibəl ta Sar̄

⁵ Jipə gə̄ ō, de gə̄ kə́ nin̄ i Jipə aĺ gə̄ ō, naā tə́ kə ngār yādə́ gə̄ gḛyn̄ rāā Pol nin̄ kə Barnabas yá̰á̰ kə́ tōr̄. Nin̄-gḛyn̄ tə́nīdə́ kə mbalá yā tə́nī tɔ̄l̄də́.

Bible sar

⁵ *Jipə gə̄ ō, de gə̄ kə́ nin̄ i Jipə aĺ gə̄ ō, naā tə́ kə ngār yādə́ gə̄ gḛyn̄ rāā Pol nin̄ kə Barnabas yá̰á̰ kə́ tōr̄. Nin̄-gḛyn̄ tə́nīdə́ kə mbalá yā tə́nī tɔ̄l̄də́.

KƏLA RĀĀ 14:5 Referans Kwoze

KƏLA RĀĀ 14:19

Loo ń noō tə́ Jipə gə̄ ḭḭn̄ A̰tiyos ō Ikoniyɔm ō reē ugə̄n̄. Nin̄-sə̄lān̄ kósə de gə̄ ba tə́nīn̄ Pol kə mbalá yā tɔ̄lən. Gō tə́ anī ndɔ́r̄ aw̄ ənīnən̄ gidə ɓē tə́, tām̄ nin̄-ɔjən̄neé na oy kɔ̄ɔ́.

2 TIMOTE 3:11

Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

KƏLA RĀĀ 17:5

Banī nii rāā Jipə gə̄, adə̄ ɔyn̄ de kə́ kur̄ dɔdə́ gətóo gə̄ ń əngen̄də́ kum róbə kɔsə gə̄ tə́ ní ō, ɔsən̄ dɔ de gə̄ ń nin̄-sə̄lān̄də́ ní kə̄ naā tə́ ō, rāān̄ adə̄ de gə̄ əsōn̄ wōn̄g kem ɓēé ō. Ba aw̄n̄ ɓē Jaso̰ sāān̄ Pol nin̄ kə Silas yā kaw̄ sedə́ no kósə de gə̄ ń kánə̄n̄ naā tə́ ní.

Najə̄ kə́ Majə yā Jeju ń Luk ndang ní 6:28

ī-rāāī Nə́ɓā ɓɔ́ kadə̄ rāā majə kə ngé ndɔ̄ĺsí gə̄ ō, ī-ndɔ̄yī tām̄ yā ngé tétə̄ najə̄ dɔsí tə́ gə̄ ō.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

PĀ GƏ̄ 83:5

Nin̄ ədan̄ na: Ādə̄ jə-tɔ̄ɔ̄ī kōōdə́ kɔ̄ɔ́ ādə̄ nin̄ i nápar de gə̄ to̰ alé, ādə̄ deē ɓāŕ rī Israel to̰ alé!

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

KƏLA RĀĀ 13:50

Banī Jipə gə̄ sə̄lān̄ dəyá̰ kə́ ngáā ngáā kə́ kem ɓēé gə̄ kə́ ngé rɔȳ Nə́ɓā ō, sə̄lān̄ de kə́ bo bo kə́ kem ɓēé gə̄ ō, adə̄ rāān̄ Pol nin̄ kə Barnabas ndoō tə́ ō, tə̄ɓān̄də́ kɔ̄ɔ́ gō nang yādə́ tə́ ō.

KƏLA RĀĀ 14:2

Banī Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

KƏLA RĀĀ 14:4

De kə́ kem ɓēé gə̄ kēngə̄n̄ naā, kə́rēý gə̄ i gō Jipə gə̄ tə́ ō, gotə gə̄ i gō ngámbang kəla gə̄ tə́ ō.

2 KORḚNTƏ 11:26

m̄-njə̄rā mbā ngá̰ý, adə̄ m-ə́ngé yá̰á̰ kə́ to yo gə̄ dɔ bā bo gə̄ tə́ ō, jī ngé gān̄g róbə gə̄ tə́ ō, jī náparəḿ mə̄kɔ́ gə̄ tə́ ō, jī nápar de kə́ rang gə̄ tə́ ō. M-ə́ngé yá̰á̰ kə́ to yo gə̄ kem ɓē bo gə̄ tə́ ō, kem dəla loo gə̄ tə́ ō. M-ə́ngé yá̰á̰ kə́ to yo dɔ bā bo tə́ ō, jī ngákó̰ó̰ḿ kə́ rɔ̄kum aĺ gə̄ tə́ ō.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.

1 TESALONIK 2:14

Ngákó̰ó̰ḿ gə̄, de gə̄ kə́ kem Egəlijə gə̄ yā Nə́ɓā tə́ ń taān̄ kem Jeju Kərist tə́ á ndin̄ dɔ nang kə́ Jude tə́ ní, yá̰á̰ ń rāādə́ ní, rāāsí sḭḭ̄ ō. Tɔdɔ̄ i yá̰á̰ kə́ tōr̄ gə̄ ń ngé taā kem kə́ Jude tə́ gə̄ əngen̄ jī Jipə gə̄ tə́ ní n sḭḭ̄ ə́ngeī jī de kə́ kem ɓē yāsí tə́ gə̄ ō ní.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.