KƏLA RĀĀ 14:4 - Bibəl ta Sar̄

⁴ De kə́ kem ɓēé gə̄ kēngə̄n̄ naā, kə́rēý gə̄ i gō Jipə gə̄ tə́ ō, gotə gə̄ i gō ngámbang kəla gə̄ tə́ ō.

Bible sar

⁴ De kə́ kem ɓēé gə̄ kēngə̄n̄ naā, kə́rēý gə̄ i gō *Jipə gə̄ tə́ ō, gotə gə̄ i gō ngámbang kəla gə̄ tə́ ō.

KƏLA RĀĀ 14:4 Referans Kwoze

KƏLA RĀĀ 28:24

Ngé kə́rēý gə̄ ń najə̄ ní əsō kemdə́ ní taān̄ kem Jeju ō, kə́ madə̄ gə̄ taān̄ kem aĺ ō.

KƏLA RĀĀ 19:9

Banī ngá̰ý gə̄ rāān̄ dɔ ngan̄g, mbātə́n̄ taā kem ba tə́dan̄ najə̄ kə́ majaĺ gə̄ dɔ róbə yā Kɔ́ɔ̄ɓē tə́ ta kum ngé kán̄ naā gə̄ tə́. Loo ń noō tə́ Pol əya̰də́ ba ɔy ngé ndóō yá̰a̰ gə̄ aw̄ sedə́. Ni ɔjədə́ najə̄ yā Nə́ɓā kə dɔ ndɔ̄ gə̄ kem kújə́ ndóō yá̰a̰ yā Tiranus tə́.

KƏLA RĀĀ 14:14

Dan ń ngámbang kəla gə̄, adə̄ i Barnabas nin̄ kə Pol oōn̄ najə̄ yá̰á̰ ní anī, rə́yā̰n̄ kūbə̄ yādə́ gə̄, ba a̰ȳ udən̄ dan kósə de gə̄ tə́.

1 KORḚNTƏ 9:5

Ni-adə̄jí ta róbə kun dəyá̰ kə́ taā kem Kərist kadə̄ aw̄ sejí tītə̄ ń ngámbang kəla kə́rēý gə̄ ō, ngákó̰ó̰ Kɔ́ɔ̄ɓē gə̄ ō, Kepas ō rāān̄neé ní aĺ a?

KƏLA RĀĀ 13:2

Ndɔ̄ kógə̄ḿ tə́ dan ń nin̄-ɔsən̄ dɔdə́ naā tə́ ba rāān̄ kəla adə̄n̄ Kɔ́ɔ̄ɓē ō, ndin̄ ɓō tām̄ yā Nə́ɓā tə́ ō anī, Ndíĺ kə́ Táĺ ədadə́ na kə ɔrə̄n̄ Sol ō Barnabas ō kə əndān̄də́ tayā tām̄ yān tə́, kadə̄ rāān̄ kəla ń na n-ɓāŕdə́ kə rīí ní.

JA̰A̰ 7:43

Adə̄ kósə de gə̄ mbātə́n̄ najə̄ gō naā tə́ najə̄ yān tə́.

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

MISE 7:6

Tɔdɔ̄ ngōn̄ kə́ dəngam tájə̄ bɔbə̄n ō, ngōn̄ kə́ dəyá̰ ḭḭ kə kó̰o̰neé kə rɔ̄ɔ́ ō, um kə́ dəyá̰ ḭḭ kə mumən kə́ dəyá̰ kə rɔ̄ɔ́ ō. De gə̄ kógə̄ḿ kógə̄ḿ ní, madə̄ ba̰ā̰də́ gə̄ i de gə̄ kə́ kem kojə yādə́ tə́.

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

KƏLA RĀĀ 13:50

Banī Jipə gə̄ sə̄lān̄ dəyá̰ kə́ ngáā ngáā kə́ kem ɓēé gə̄ kə́ ngé rɔȳ Nə́ɓā ō, sə̄lān̄ de kə́ bo bo kə́ kem ɓēé gə̄ ō, adə̄ rāān̄ Pol nin̄ kə Barnabas ndoō tə́ ō, tə̄ɓān̄də́ kɔ̄ɔ́ gō nang yādə́ tə́ ō.

KƏLA RĀĀ 14:2

Banī Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

KƏLA RĀĀ 14:5

Jipə gə̄ ō, de gə̄ kə́ nin̄ i Jipə aĺ gə̄ ō, naā tə́ kə ngār yādə́ gə̄ gḛyn̄ rāā Pol nin̄ kə Barnabas yá̰á̰ kə́ tōr̄. Nin̄-gḛyn̄ tə́nīdə́ kə mbalá yā tə́nī tɔ̄l̄də́.

KƏLA RĀĀ 14:19

Loo ń noō tə́ Jipə gə̄ ḭḭn̄ A̰tiyos ō Ikoniyɔm ō reē ugə̄n̄. Nin̄-sə̄lān̄ kósə de gə̄ ba tə́nīn̄ Pol kə mbalá yā tɔ̄lən. Gō tə́ anī ndɔ́r̄ aw̄ ənīnən̄ gidə ɓē tə́, tām̄ nin̄-ɔjən̄neé na oy kɔ̄ɔ́.

1 TESALONIK 2:14

Ngákó̰ó̰ḿ gə̄, de gə̄ kə́ kem Egəlijə gə̄ yā Nə́ɓā tə́ ń taān̄ kem Jeju Kərist tə́ á ndin̄ dɔ nang kə́ Jude tə́ ní, yá̰á̰ ń rāādə́ ní, rāāsí sḭḭ̄ ō. Tɔdɔ̄ i yá̰á̰ kə́ tōr̄ gə̄ ń ngé taā kem kə́ Jude tə́ gə̄ əngen̄ jī Jipə gə̄ tə́ ní n sḭḭ̄ ə́ngeī jī de kə́ kem ɓē yāsí tə́ gə̄ ō ní.