KƏLA RĀĀ 14:2 - Bibəl ta Sar̄

² Banī Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

Bible sar

² Banī *Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

KƏLA RĀĀ 14:2 Referans Kwoze

KƏLA RĀĀ 13:50

Banī Jipə gə̄ sə̄lān̄ dəyá̰ kə́ ngáā ngáā kə́ kem ɓēé gə̄ kə́ ngé rɔȳ Nə́ɓā ō, sə̄lān̄ de kə́ bo bo kə́ kem ɓēé gə̄ ō, adə̄ rāān̄ Pol nin̄ kə Barnabas ndoō tə́ ō, tə̄ɓān̄də́ kɔ̄ɔ́ gō nang yādə́ tə́ ō.

KƏLA RĀĀ 17:5

Banī nii rāā Jipə gə̄, adə̄ ɔyn̄ de kə́ kur̄ dɔdə́ gətóo gə̄ ń əngen̄də́ kum róbə kɔsə gə̄ tə́ ní ō, ɔsən̄ dɔ de gə̄ ń nin̄-sə̄lān̄də́ ní kə̄ naā tə́ ō, rāān̄ adə̄ de gə̄ əsōn̄ wōn̄g kem ɓēé ō. Ba aw̄n̄ ɓē Jaso̰ sāān̄ Pol nin̄ kə Silas yā kaw̄ sedə́ no kósə de gə̄ ń kánə̄n̄ naā tə́ ní.

KƏLA RĀĀ 14:19

Loo ń noō tə́ Jipə gə̄ ḭḭn̄ A̰tiyos ō Ikoniyɔm ō reē ugə̄n̄. Nin̄-sə̄lān̄ kósə de gə̄ ba tə́nīn̄ Pol kə mbalá yā tɔ̄lən. Gō tə́ anī ndɔ́r̄ aw̄ ənīnən̄ gidə ɓē tə́, tām̄ nin̄-ɔjən̄neé na oy kɔ̄ɔ́.

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

KƏLA RĀĀ 17:13

Banī loo ń Jipə kə́ Tesalonik tə́ gə̄ oōn̄ kadə̄ Pol na ɔjə najə̄ yā Nə́ɓā kem ɓē kə́ Bere tə́ ō anī, nin̄-sə̄lān̄ kósə de gə̄ ō, rāān̄də́ adə̄ kemdə́ ndi kə gōó aĺ ō.

KƏLA RĀĀ 18:12

Dan ń Galiyo̰ a o̰o̰ń ɓē kə́ Akayi ní, Jipə gə̄ malang əndān̄ rɔ̄də́ naā tə́ ba oōn̄ kum Pol alé. Nin̄-aw̄n̄ seneé loo sarya tə́,

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 14:4

De kə́ kem ɓēé gə̄ kēngə̄n̄ naā, kə́rēý gə̄ i gō Jipə gə̄ tə́ ō, gotə gə̄ i gō ngámbang kəla gə̄ tə́ ō.

KƏLA RĀĀ 14:5

Jipə gə̄ ō, de gə̄ kə́ nin̄ i Jipə aĺ gə̄ ō, naā tə́ kə ngār yādə́ gə̄ gḛyn̄ rāā Pol nin̄ kə Barnabas yá̰á̰ kə́ tōr̄. Nin̄-gḛyn̄ tə́nīdə́ kə mbalá yā tə́nī tɔ̄l̄də́.

1 TESALONIK 2:14

Ngákó̰ó̰ḿ gə̄, de gə̄ kə́ kem Egəlijə gə̄ yā Nə́ɓā tə́ ń taān̄ kem Jeju Kərist tə́ á ndin̄ dɔ nang kə́ Jude tə́ ní, yá̰á̰ ń rāādə́ ní, rāāsí sḭḭ̄ ō. Tɔdɔ̄ i yá̰á̰ kə́ tōr̄ gə̄ ń ngé taā kem kə́ Jude tə́ gə̄ əngen̄ jī Jipə gə̄ tə́ ní n sḭḭ̄ ə́ngeī jī de kə́ kem ɓē yāsí tə́ gə̄ ō ní.