KƏLA RĀĀ 13:6 - Bibəl ta Sar̄

⁶ Nin̄-əndan̄ dan dor̄ kə́ Sipər gāngə̄n̄, aw̄ ugə̄n̄ Papos. Nin̄-əngen̄ de kə́ nge rāā mbōlí kógə̄ḿ kə́ a ɓāŕnən̄ na i Bar Jeju. Deē ní i Jipə ō, i nge koō ta kə́ rɔ̄kum aĺ ō.

Bible sar

⁶ Nin̄-əndan̄ dan dor̄ kə́ Sipər gāngə̄n̄, aw̄ ugə̄n̄ Papos. Nin̄-əngen̄ de kə́ nge rāā mbōlí kógə̄ḿ kə́ a ɓāŕnən̄ na i Bar Jeju. Deē ní i *Jipə ō, i *nge koō ta kə́ rɔ̄kum aĺ ō.

KƏLA RĀĀ 13:6 Referans Kwoze

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

2 KORḚNTƏ 11:13

De gə̄ ń noō i ngámbang kəla kə́ rɔ̄kum aĺ gə̄. Najə̄ kə́ dɔ kəla yādə́ gə̄ ń a rāān̄ tə́ ní, nin̄ a gólə̄n̄ i loo, ba tūrə̄n̄ rɔ̄də́ adə̄ de gə̄ a̰a̰n̄də́ i ngámbang kəla yā Kərist gə̄ tə́.

MARK 10:46

Nin̄-ugə̄n̄ Jeriko, ba dan ń Jeju teē kemeé kɔ̄ɔ́ kə ngé ndóō yá̰a̰ yān gə̄ ō, kósə de kə́ ngá̰ý gə̄ ō anī, nge kum tɔ̄ɔ̄ kógə̄ḿ ndi bɔ̄gə̄ róbə́ tə́ a gəde yá̰a̰. Rīn na i Bartime, i ngōn̄ Time.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

JAKARI 13:3

Ré deē kógə̄ḿ na̰y kə̄ loo kɔr̄ najə̄ tə́, kə́ loo nge koō ta tə́ ɓáý anī, bɔbə̄n ō kó̰o̰n ō, nin̄ kɔ́ gə̄ a ədanən̄ na: I gáŕ kadə̄ óy, tām̄ ḭ̄ ún rī Kɔ́ɔ̄ɓē ə́dań najə̄ kə́ sor̄ gə̄. Ba dan ń ni a na̰y kə̄ loo kɔr̄ najə̄ tə́, kə́ loo nge koō ta tə́ anī, bɔbə̄n ō kó̰o̰n ō a rāānən̄ kadə̄ oy.

Teē Ngán Israel gə̄ 22:18

Deē ń ɓīī kə dā̰á̰ ní, a tɔ̄l̄nən̄ kɔ̄ɔ́.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

2 TIMOTE 3:8

Tītə̄ ń Janes nin̄ kə Jambəres mbātə́n̄neé najə̄ gō Moijə tə́ ní, de gə̄ ń toō mbātə́n̄ najə̄ kə́ rɔ̄kum ō. Nin̄ i de gə̄ kə́ gír̄ yādə́ nujə kɔ̄ɔ́ ō, taā kem yādə́ teē yá̰a̰ aĺ ō.

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

1 MBAN̄G GƏ̄ 22:22

Anī ndíĺ ní əda na n-a n-aw̄, ba n-a n-tél ndíĺ kə́ nge sor̄ kə́ a ndi ta ngé koō ta gə̄ malang yā mban̄g tə́. Anī Kɔ́ɔ̄ɓē tél əda ndíĺ ní na: Ā ī-gólən, ta róbə i yāí. Āw̄ ī-rāā tītə̄ ń noō.

LEBI GƏ̄ 20:6

M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.

KƏLA RĀĀ 13:8

Banī Elimas ń kumən na i nge rāā mbōlí ní ɔgə̄də́ ō, sə̄lā nge ko̰o̰ ɓē kadə̄ taā kem najə̄ yā Nə́ɓā aĺ ō.

KƏLA RĀĀ 13:13

Pol nin̄ kə madə̄n gēé alə̄n̄ kem to boó Papos, ba aw̄n̄ Perjə kə́ Pampili tə́. Ja̰a̰ Mark əya̰də́ loo ń noō tə́ ba tél dɔ tə́ aw̄ gogə́ Jerusalem.