KƏLA RĀĀ 13:51 - Bibəl ta Sar̄

⁵¹ Pol nin̄ kə Barnabas gógə̄n̄ bumbə́rú kə́ njadə́ tə́ ba aw̄n̄ Ikoniyɔm.

Bible sar

⁵¹ Pol nin̄ kə Barnabas *gógə̄n̄ bumbə́rú kə́ njadə́ tə́ ba aw̄n̄ Ikoniyɔm.

KƏLA RĀĀ 13:51 Referans Kwoze

MATIYE 10:14

Ré de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī kɔ̄ɔ́ kem kújə́ ń noō tə́, aláa kem ɓē ń noō tə́, ba ī-*gógī bumbə́rú kə́ njasí tə́.

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

Najə̄ kə́ Majə yā Jeju ń Luk ndang ní 9:5

Ba ré de gə̄ əhɔn̄sí kə̄ rɔ̄də́ tə́ aĺ anī ī-teēī kɔ̄ɔ́ kem ɓēé ba ī-*gógī bumbə́rú kə́ njasí tə́: Nge n noō i yá̰a̰ kɔjə tə́ tām̄ yādə́ tə́.

KƏLA RĀĀ 14:21

Pol nin̄ kə Barnabas ɔjən̄ Najə̄ kə́ Majə kem ɓē kə́ Derbə tə́. Nin̄-rāān̄ adə̄ de gə̄ ngá̰ý télən̄ ngé ndóō yá̰a̰ gə̄. Gō tə́ anī nin̄-tél aw̄n̄ gogə́ Listər ō, Ikoniyɔm ō, A̰tiyos kə́ Pisidi tə́ ō.

KƏLA RĀĀ 14:19

Loo ń noō tə́ Jipə gə̄ ḭḭn̄ A̰tiyos ō Ikoniyɔm ō reē ugə̄n̄. Nin̄-sə̄lān̄ kósə de gə̄ ba tə́nīn̄ Pol kə mbalá yā tɔ̄lən. Gō tə́ anī ndɔ́r̄ aw̄ ənīnən̄ gidə ɓē tə́, tām̄ nin̄-ɔjən̄neé na oy kɔ̄ɔ́.

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

MARK 6:11

Ba ré kem loo kógə̄ḿ tə́ de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī loo ń noō tə́ kɔ̄ɔ́, ba ī-*gógī bumbə́rú kə́ njasí tə́, tɔdɔ̄ nge ń noō tél i najə̄ kə́ kum tə́ yādə́.

KƏLA RĀĀ 16:2

Rī Timote ní ɓār̄ majə ngá̰ý dan ngákó̰ó̰jí gə̄ kə́ Listər tə́ ō, kə́ Ikoniyɔm tə́ ō.

2 TIMOTE 3:11

Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

Najə̄ kə́ Majə yā Jeju ń Luk ndang ní 10:11

Bumbə́rú kə́ kem ɓē yāsí tə́ gə̄gē ń əhɔ njají ní jə-*gógə̄ j-adə̄sí gogə́. Ba yá̰á̰ ń kadə̄ ī-gerī ní n toó: Ɓē ko̰o̰ yā Nə́ɓā reē ugə̄ rɔ̄sí tə́.